109
تْوحّفّلَ شَ مَشَندِ
عَلَ مَشَندِ
1 دَوُدَ شَ بّيتِ بّيتِبَيٍ شَ مَنفّ بّ
ﭑ مَرِفِ عَلَ، ﭑ نَشَن مَتْشْمَ، عِ نَشَ لُ دُندُي كُي،
2 بَرِ مَ مِشِ حَاشِيٍ نَ وُلٍ قَلَقٍ ﭑ شُن مَ.
عٍ دّ مُ قَن، عٍ وُلٍ قَلَ تُن.
3 عٍ نَ ﭑ نَبِلِنقٍ شْننَنتٍيَ وْيّنيِيٍ رَ،
هَلِ ﭑ مُ قٍ حَاشِ يٌ رَبَشِ عٍ رَ.
4 ﭑ نَ قٍ قَنيِ رَبَ عٍ بّ، عٍ ﭑ فٍرٍ.
ﭑ عَ رَفبِلٍنمَ عِ تَن عَلَ نَن مَ.
5 عٍ ﭑ مَ وَلِ قَنيِ سَرٍ رَفبِلٍنمَ ﭑ مَ عَ كٌبِ رَ،
ﭑ مَ شَنُنتٍيَ، عٍ نَ مَسَرَ مَ ﭑ بّ شْننَنتٍيَ رَ.
6 عِ شَ نَ تْوحّفّتْي تَشُ مِشِ كٌبِ ندٍ رَ،
عَ دّقَنبٌورٍ شَ عَ يَنقَ.
7 عَ نَ مَكِيتِ، كِيتِ شَ كَنَ عَ رَ.
عِ نَشَ عَ شَ مَشَندِ سُشُ.
8 عَ شَ سِمَيَ شَ دُنكٍ كْتِ.
مِشِ فبّتّ شَ عَ شَ وَلِ تٌنفٌ.
9 عَ شَ دِيٍ شَ قِندِ كِرِدِيٍ رَ،
عَ شَ فِنّ شَ قِندِ كَاحّ رَ.
10 عَ شَ دِيٍ شَ قِندِ حّرّتِيٍ رَ نَشٍيٍ كُلّ مَتِمَ تُن.
عٍ شَ مَكُيَ عٍ بَرِدٍ رَ نَشَن بَرَ كَنَ.
11 دٌنِقَ شَ عَ كّ بِرِن تٌنفٌ،
عَ شَ فٍينِ بِرِن شَ قِندِ سِ فبّتّيٍ فبٍ رَ.
12 مِشِ يٌ نَشَ كِنِكِنِ عَ مَ،
مِشِ يٌ نَشَ هِننّ عَ شَ كِرِدِيٍ رَ.
13 عَ بْنسْي شَ سْنتْ،
عٍ شِلِيٍ شَ نّيمُ مِشِيٍ رَ.
14 عَلَتَلَ شَ رَتُ عَ شَ قٍ كٌبِيٍ مَ،
عَ نفَ شَ يُنُبِ نَشَ شَقَرِ.
15 عَلَتَلَ شَ رَتُ نَ يُنُبِيٍ مَ تّمُي بِرِن،
عَ شَ عٍ شَ قٍ رَنّيمُ دُنِحَ رَ،
16 بَرِ مَ عٍ مُ دُفُتّفّحَ رَكَمَلِمَ،
عٍ مِسِكِينّيٍ نُن قُشَرِلَيٍ تْورْ مَ،
هَن عٍ قَشَ سُننُنيِ كُي.
17 نَشَن مِشِ دَنكَمَ، نَ كَنيِ شَ دَنكّ سْتْ.
نَشَن دُبَمَ مِشِيٍ بّ، عَ شَ بَرَكّ سْتْ.
18 دَنكّ شَ رَفٌرٌ عَ مَ
عَلْ عَ دٌنمَ رَفٌرٌ مَ عَ مَ كِ نَشّ.
عَ شَ سٌ عَ قَتٍ عِ عَلْ يٍ،
عَ شَ سٌ عَ شْرِيٍ عَلْ تُرٍ.
19 عَ شَ لُ عَ مَ عَلْ عَ شَ سٌسٍ لُمَ عَ مَ كِ نَشّ،
عَ شَ بِلِن عَ مَ عَلْ عَ بّلّتِ بِلِنمَ عَ تَفِ كِ نَشّ تّمُي بِرِن.
20 عَلَتَلَ شَ نَ سَرٍ قِ ﭑ مَ يَشُييٍ بّ،
نَشٍيٍ قٍ كٌبِ قَلَمَ ﭑ شُن مَ.
21 كْنْ عِ تَن ﭑ مَرِفِ عَلَتَلَ،
عِ شَ هِننّ ﭑ نَ عِ شِلِ شَ قٍ رَ،
عِ شَ ﭑ نَكِسِ عِ شَ دُفُتّفّحَ قَنيِ سَابُي رَ.
22 ﭑ لُشِ نّ عَلْ مِسِكِينّ قُشَرِلَ،
نَشَن بْحّ نَ تْورْقٍ كِ قَنيِ رَ.
23 ﭑ مَ قٍ حْنقٍ عَلْ نِينِ نَشَن كُيَمَ نُنمَرٍ رَ.
مِشِ ﭑ كٍرِ مَ عَلْ كَتٌي كٍرِ مَ كِ نَشّ.
24 ﭑ شِنبِيٍ سّرّنمَ، ﭑ قَتٍ حْنمَ،
سُنيِ شَ قٍ رَ.
25 عٍ ﭑ نَيَافِمَ تّمُي بِرِن.
عٍ نَ ﭑ تٌ، عٍ يٌمَ ﭑ مَ تُن.
26 ﭑ مَرِفِ عَلَ، عِ شَ ﭑ مَلِ،
عِ شَ ﭑ نَكِسِ عِ شَ دُفُتّفّحَ شَ قٍ رَ.
27 عٍ شَ عَ كٌلٌن، عِ سّنبّ نَ ﭑ مَلِقٍ.
28 عٍ تَن ﭑ دَنكَمَ،
كْنْ عِ بَرَكّ نَن قِمَ ﭑ مَ.
يَافِ قَمَ نّ دُ سُدٍ عٍ شُن نَ،
كْنْ ﭑ تَن عِ شَ كٌنيِ دِ، ﭑ سّيوَ مَ نّ.
29 ﭑ يَشُييٍ شَ عِقُ،
عٍ شَ يَافِ شَ دُ سُ عٍ شُن نَ.
30 ﭑ عَلَتَلَ تَنتُمَ نّ ﭑ شُي عِتٍشِ رَ،
ﭑ عَ مَتْشْمَ نّ حَمَ يَ مَ،
31 بَرِ مَ عَ تِشِ مِسِكِينّ سّيتِ مَ،