1 كِكٍ سِنفٍ، عِسِرَيِلَ حَمَ بِرِن نَشَ سٌ سِنِ فبٍنفبٍرٍنيِ مَ، عٍ يٌنكِن كَدٍ سِ. مَرِيَمَ نَشَ قَشَ مّننِ، عٍ قَ عَ رَفَتَ فَبُرِ كُي.

2 يٍ تٌ مُ نُ نَ حَمَ يِ رَ، عٍ نَشَ عٍ مَلَن مُنسَ نُن هَرُنَ شِلِ مَ. 3 عٍ نَشَ سْنشْ مُنسَ رَ، عٍ نُ عَ قَلَ، «عَ نُ قِسَ مُشُ قَن شَ قَشَ عَلَتَلَ مُشُ نفَشَكٍرٍنيِيٍ قَشَ تّمُي نَشّ. 4 مُنقٍ رَ وٌ عَلَتَلَ شَ حَمَ رَقَشِ يِ فبٍنفبٍرٍنيِ مَ، مُشُ نُن مُشُ شَ شُرُ سٍيٍ شَ قَشَ؟ 5 مُنقٍ رَ وٌ مُشُ رَ مِنِشِ مِسِرَ بْشِ رَ قَقٍ رَ يِ يِرٍ حَاشِ، شْرّ بِلِ، وّنِ بِلِ، فِرٍنَدِ وُرِ بِلِ مُ نَ دّننَشّ. هَلِ يٍ مِن دَاشِ مُ سْتْمَ بٍ.»

6 مُنسَ نُن هَرُنَ نَشَ كٍلِ حَمَ يَ مَ، عٍ عٍ قٍلٍن هْرْ مْلِنفِرَ سٌدٍ دّ رَ. عَلَتَلَ شَ نْرّ نَشَ مِنِ عٍ مَ. 7 عَلَتَلَ نَشَ عَ مَسٍن مُنسَ بّ، 8 «عِ شَ يِسُشُوُرِ تٌنفٌ. عِ تَن نُن عِ تَارَ هَرُنَ، وٌ شَ عِسِرَيِلَكَ بِرِن مَلَن، وٌ وْيّن قَنيٍ رَ عٍ يَ شْرِ، عَلَكٌ عَ شَ يٍ رَ مِنِ. وٌ يٍ رَ مِنِمَ نّ عِسِرَيِلَ حَمَ بّ عَلَكٌ عٍ تَن نُن عٍ شَ شُرُ سٍيٍ شَ يٍ مِن.» 9 مُنسَ نَشَ عَ شَ يِسُشُوُرِ تٌنفٌ نَشَن نُ نَ هْرْ مْلِنفِرَ كُي، عَلْ عَلَتَلَ عَ يَمَرِ عَ بّ كِ نَشّ. 10 مُنسَ نُن هَرُنَ نَشَ حَمَ مَلَن نَ قَنيٍ يَ رَ، عٍ قَ عَ قَلَ عٍ بّ، «وٌ تُلِ مَتِ، وٌ تَن مَتَندِلَيٍ. مُشُ شَ يٍ رَ مِنِ وٌ بّ يِ قَنيٍ كُي؟» 11 مُنسَ نَشَ عَ بّلّشّ عِتٍ، عَ قَنيٍ بْنبْ سَنيَ قِرِن عَ شَ يِسُشُوُرِ رَ. يٍ نَشَ فبُسَن قَنيٍ رَ، حَمَ نُن شُرُ سٍ بِرِن نَشَ عٍ مِن.

12 كْنْ عَلَتَلَ نَشَ عَ مَسٍن مُنسَ نُن هَرُنَ بّ، «وٌ تٌ مُ لَشِ ﭑ نَ، عِسِرَيِلَ حَمَ يَ شْرِ، وٌ شَ بِنيّ تِ ﭑ تَن سّنِيّنتْي مَ، وٌ تَن مُ قَمَ يِ حَمَ رَ سٌدٍ نَ بْشِ مَ ﭑ دّننَشّ قِشِ عٍ مَ.» 13 عٍ مّننِ نَن شِلِ مٍرِبَ يٍ، بَرِ مَ عِسِرَيِلَكَيٍ سْنشْ عَلَتَلَ مَ مّننِ نّ، عَ قَ عَ شَ سّنِيّنيِ مَسٍن عٍ بّ.

14 مُنسَ نَشَ شّيرَيٍ شّي عٍدٌن مَنفّ مَ كٍلِ كَدٍ سِ، عَ قَلَقٍ رَ عَ بّ، «عِ نفَشَكٍرٍنيِ عِسِرَيِلَكَيٍ شُي نَن يَ! عِ عَ كٌلٌن مُشُ تْورْشِ كِ نَشّ. 15 مُشُ بٍنبَيٍ فٌرٌ نّ مِسِرَ، مُشُ نَشَ حّ وُيَشِ رَبَ مّننِ. كْنْ مِسِرَكَيٍ نَشَ مُشُ نُن مُشُ بٍنبَيٍ حَشَنكَتَ. 16 مُشُ نَشَ عَلَتَلَ مَشَندِ، عَ قَ مُشُ شُي رَ مّ. عَ نَشَ عَ شَ مَلٍكّ شّي مُشُ رَ مِنِدٍ مِسِرَ. يَكْسِ مُشُ نَ بٍ كَدٍ سِ نَشَن نَ وٌ شَ نَانِنيِ رَ. 17 عَ لُ مُشُ شَ دَنفِ وٌ شَ بْشِ تَفِ. مُشُ مُ وٌ شَ شّيٍ نُن وٌ شَ وّنِ بِلِيٍ كَنَمَ. مُشُ مُ يٍ بَمَ وٌ شَ كْلْنيِيٍ كُي. مُشُ مُ سِفَمَ كْولَ مَ، مُشُ مُ قَمَ يِرٍقَنيِ مَ. مُشُ تِمَ وٌ شَ كِرَ شُنفبٍ كٍرٍنيِ نَن شْن، هَن مُشُ دَنفِمَ وٌ شَ بْشِ رَ تّمُي نَشّ.» 18 عٍدٌن مَنفّ نَشَ عَ يَابِ، «وٌ مُ دَنفِمَ مُشُ شَ بْشِ رَ قٍقٍ مَ، شَ نَ مُ مُشُ وٌ فٍرٍ مَ سَنتِدّفّمَ نَن نَ.»

19 عِسِرَيِلَكَيٍ مَن نَشَ عَ قَلَ عَ بّ، «مُشُ تَن دَنفِمَ نّ كِرَ شْن. شَ مُشُ نُن مُشُ شَ شُرُ سٍيٍ وٌ شَ يٍ ندٍ مِن، مُشُ شَ عَ سَرٍ قِ. مُشُ مُ عِ مَشْرِنشِ سٍسٍ مَ، مُشُ وَ مَ دَنفِقٍ نّ تُن.» 20 عٍدٌن مَنفّ مَن نَشَ عَ يَابِ، «وٌ مُ دَنفِمَ قٍوٌ!» نَ كُي، عَ نَشَ عَ شَ سْورِيٍ رَ مِنِ عَ سّنبّ كِ مَ عِسِرَيِلَكَيٍ يَ رَ. 21 عٍدٌن مَنفّ تٌ تٌندِ عِسِرَيِلَكَيٍ شَ دَنفِ عَ شَ بْشِ رَ، عِسِرَيِلَ نَشَ فبِلٍن.

22 عِسِرَيِلَ حَمَ نَشَ كٍلِ كَدٍ سِ، عٍ نَشَ سِفَ هٌرٌ فٍيَ يِرٍ. 23 عَلَتَلَ نَشَ عَ قَلَ مُنسَ نُن هَرُنَ بّ هٌرٌ فٍيَ يِرٍ، عٍدٌن شَ بْشِ نَانِنيِ رَ، 24 «هَرُنَ قَمَ نّ عَ بٍنبَيٍ لِدٍ عَلِفِيَمَ. عَ مُ سٌمَ نَ بْشِ مَ ﭑ دّننَشّ قِشِ عِسِرَيِلَكَيٍ مَ، بَرِ مَ وٌ بَرَ ﭑ مَ يَامَرِ مَتَندِ مٍرِبَ يٍ شَ قٍ رَ. 25 عِ شَ هَرُنَ نُن عَ شَ دِ شّمّ عٍلٍيَسَرِ شَنِن هٌرٌ فٍيَ قَرِ. 26 مّننِ عِ شَ سّرّشّدُبّ دُفِيٍ بَ هَرُنَ مَ، عِ عٍ رَفٌرٌ عَ شَ دِ شّمّ عٍلٍيَسَرِ مَ. هَرُنَ لَاشِرَ مَ نّ مّننِ، عَ قَ عَ بٍنبَيٍ يِرٍ لِ.» 27 مُنسَ نَشَ عَ رَبَ، عَلْ عَلَتَلَ عَ يَمَرِ كِ نَشّ. عٍ نَشَ تٍ هٌرٌ فٍيَ قَرِ عِسِرَيِلَكَ بِرِن يَ شْرِ. 28 مُنسَ نَشَ هَرُنَ شَ دٌنمَيٍ بَ عَ مَ، عَ عٍ رَفٌرٌ عَ شَ دِ شّمّ عٍلٍيَسَرِ مَ. هَرُنَ نَشَ لَاشِرَ فٍيَ قَرِ. مُنسَ نُن عٍلٍيَسَرِ نَشَ فٌرٌ فٍيَ رَ، 29 عٍ قَ عِسِرَيِلَ حَمَ رَكٌلٌن هَرُنَ قَشَ قٍ رَ. عِسِرَيِلَ نَشَ عَ حْن قٍ رَبَ شِ تٌنفٌ سَشَن بُن مَ.

<- كْنتِ تِقٍ 19كْنتِ تِقٍ 21 ->