5 «فِنّدْشْي تٌ بُ قَقٍ رَ، شِ شْلِ نَشَ فِنّدِ مّدِيٍ سُشُ، عٍ نَشَ شِ. 6 كْي تَفِ، سْنشْي شُي نَشَ مِنِ، ‹فِنّدْشْي بَرَ قَ! وٌ سَ عَ رَلَن!› 7 فِنّدِ مّدِيٍ نَشَ كٍلِ، عٍ عٍ شَ لَنثُييٍ يَءِلَن. 8 شَشِلِتَرٍيٍ نَشَ عَ قَلَ شَشِلِمَيٍ بّ، ‹وٌ مُشُ كِ وٌ شَ تُرٍ ندٍ رَ، بَرِ مَ مُشُ شَ لَنثُييٍ نَ شُبٍنقٍ.› 9 كْنْ شَشِلِمَيٍ نَشَ عٍ يَابِ، ‹عَدٍ، عَ مُ وٌن بِرِن نَلِمَ. وٌ سِفَ تُرٍ مَتِيٍ شْن وٌ شَ سَ وٌ فبٍ سَرَ.› 10 نٍيٍ تٌ سِفَ تُرٍ سَرَدٍ، فِنّدْشْي نَشَ قَ. فِنّدِ مّدِ نَشٍيٍ نُ بَرَ تُرٍ سَ عٍ شَ لَنثُييٍ كُي، نٍيٍ تَن نَشَ بِرَ عَ قْشْ رَ، عٍ سٌ قُتِشِرِ شُلُنيِ، نَادّ قَ بَلَن عٍ شَنبِ رَ.»
11 «نَ دَنفِ شَنبِ، فِنّدِ مّدِ شَشِلِتَرٍيٍ قَن نَشَ قَ، عٍ عَ قَلَ، ‹مَرِفِ، مَرِفِ، نَادّ رَبِ مُشُ بّ.› 12 كْنْ عَ نَشَ عٍ يَابِ، ‹ﭑ شَ نْندِ قَلَ وٌ بّ، ﭑ مُ وٌ كٌلٌن.›»
13 «نَ كُي، وٌ نَشَ يَنقَ، بَرِ مَ وٌ مُ نَ لْشْي نُن نَ وَشَتِ كٌلٌن.»
14 «عَ لُمَ نّ عَلْ شّمّ ندٍ نَشَن نُ قَقٍ بِيَاسِدٍ. عَ نَشَ عَ شَ كٌنيِيٍ شِلِ، عَ عَ هَرِفٍ تَشُ عٍ رَ. 15 عَ نَشَ شّيمَ كِلٌ سُولِ سٌ كٌنيِ كٍرٍن يِ، عَ قِرِن سٌ بٌورٍ يِ، عَ كٍرٍن سٌ عَ سَشَن ندٍ يِ رَ. عَ تٌ كَنكَن بّرّ سٌ عَ يِ، عَ نَشَ بِيَاسِ.»
16 «شّيمَ كِلٌ سُولِ تَشُ كٌنيِ نَشَن نَ، عَ نَشَ سِفَ كٍرٍن نَ، عَ شَ سَ نَ هَرِفٍ رَوَلِ. عَ نَشَ شّيمَ كِلٌ سُولِ فبّتّ سْتْ فٍينِ رَ. 17 شّيمَ كِلٌ قِرِن تَشُ كٌنيِ نَشَن نَ، عَ قَن نَشَ نَ هَرِفٍ رَوَلِ، عَ شّيمَ كِلٌ قِرِن فبّتّ سْتْ فٍينِ رَ. 18 كْنْ شّيمَ كِلٌ كٍرٍن تَشُ كٌنيِ نَشَن نَ، عَ تَن نَشَ سَ يِلِ فٍ، عَ عَ مَرِفِ شَ كْبِرِ نْشُن نَ كُي.»
19 «عَ تٌ بُ هَن، كٌنيِيٍ مَرِفِ نَشَ فبِلٍن عٍ يِرٍ عَلَكٌ عٍ شَ دّنتّفّ سَ عَ بّ. 20 شّيمَ كِلٌ سُولِ تَشُ كٌنيِ نَشَن نَ، عَ نَشَ قَ عَ مَرِفِ هَرِفٍ رَ، عَ عَ قَلَ، ‹ﭑ مَرِفِ، عِ شّيمَ كِلٌ سُولِ نَن تَشُ ﭑ نَ. عَ مَتٌ، ﭑ بَرَ كِلٌ سُولِ مَن سَ عَ شُن فٍينِ رَ.› 21 عَ مَرِفِ نَشَ عَ قَلَ عَ بّ، ‹عِ نُوَلِ. كٌنيِ دُفُتّفّ نَن عِ رَ، وَلِكّ قَنيِ. ﭑ تٌ هَرِفٍ دٌندٌرٌنتِ تَشُ عِ رَ، عِ مُ لَنلَنتٍيَ كَنَ، ﭑ قَ هَرِفٍ فبٍفبٍ نَن تَشُمَ عِ رَ. قَ ﭑ شْنيِ، وٌ نُن عِ مَرِفِ شَ لُ سّيوّ كُي.›»
22 «نَ شَنبِ، شّيمَ كِلٌ قِرِن تَشُ كٌنيِ نَشَن نَ، عَ قَن نَشَ قَ، عَ عَ قَلَ، ‹ﭑ مَرِفِ، عِ شّيمَ كِلٌ قِرِن نَن تَشُ ﭑ نَ. عَ مَتٌ، ﭑ بَرَ كِلٌ قِرِن مَن سَ عَ شُن فٍينِ رَ.› 23 عَ مَرِفِ نَشَ عَ قَلَ عَ بّ، ‹عِ نُوَلِ. كٌنيِ دُفُتّفّ نَن عِ رَ، وَلِكّ قَنيِ. ﭑ تٌ هَرِفٍ دٌندٌرٌنتِ تَشُ عِ رَ، عِ مُ لَنلَنتٍيَ كَنَ، ﭑ قَ هَرِفٍ فبٍفبٍ نَن تَشُمَ عِ رَ. قَ ﭑ شْنيِ، وٌ نُن عِ مَرِفِ شَ لُ سّيوّ كُي.›»
24 «عَ دْنشْي رَ، شّيمَ كِلٌ كٍرٍن تَشُ كٌنيِ نَشَن نَ، عَ قَن نَشَ قَ، عَ عَ قَلَ، ‹ﭑ مَرِفِ، ﭑ عَ كٌلٌن عِ شَ قٍ مَشْرْشْ. عِ سَنسِ شَبَمَ، عِ مُ نَشَن فَرَنسَن. عِ سَنسِ بٌفِ بَمَ، عِ مُ نَشَن سِ. 25 ﭑ فَاشُ نّ. ﭑ نَشَ سَ عِ شَ شّيمَ كِلٌ كٍرٍن نْشُن يِلِ كُي. عَ مَتٌ، عَ تَن نَن يِ كِ. عِ هَرِفٍ سٍسٍ مُ لْيشِ.› 26 عَ مَرِفِ نَشَ عَ يَابِ، ‹عِ تَن كٌنيِ كٌبِ تُننَشْنّ! عِ نُ عَ كٌلٌن عَ ﭑ سَنسِ شَبَمَ، ﭑ مُ نَشَن فَرَنسَن، ﭑ مَن سَنسِ بٌفِ بَمَ، ﭑ مُ نَشَن سِ؟ 27 عَ لَن نّ نُ عِ ﭑ مَ كْبِرِ سٌ كْبِرِ رَوَلِيٍ يِ رَ، عَلَكٌ ﭑ نَ قَ عِ يِرٍ تّمُي نَشّ، عِ ﭑ هَرِفٍ رَفبِلٍن ﭑ مَ، فٍينِ سَشِ عَ شُن مَ. 28 نَ كُي، وٌ شّيمَ كِلٌ رَ سُشُ عَ يِ، وٌ عَ سٌ كٌنيِ يِ رَ، شّيمَ كِلٌ قُ نَ نَشَن يِ، 29 بَرِ مَ عَ نَ نَشَن يٌ يِ رَ، عَ فبٍ شُن مَسَمَ نّ، عَ فبٌ كِ قَنيِ. كْنْ عَ مُ نَ نَشَن يِ رَ، هَلِ نَشَن دِ نَ عَ يِ، نَ يَتِ بَمَ نّ عَ يِ رَ. 30 وٌ يِ كٌنيِ قُقَقُ وٌلِ تَندٍ دِ مِ كُي، وَ نُن حِن مَشِنيِ نَ دّننَشّ.›»
34 «نَ تّمُي، مَنفّ عَ قَلَمَ نّ مِشِيٍ بّ نَشٍيٍ نَ عَ يِرٍقَنيِ مَ، ‹وٌ قَ، ﭑ بَبَ نَشٍيٍ بَرَكَشِ. وٌ قَ مَنفّيَ سْتْ وٌ كّ رَ، مَنفّيَ نَشَن يَءِلَنشِ وٌ بّ كَبِ دُنِحَ قْلّ. 35 بَرِ مَ كَامّ تٌ نُ ﭑ مَ، وٌ نَشَ ﭑ كِ دٌنسٍ. يٍ شْلِ تٌ نُ ﭑ مَ، وٌ نَشَ ﭑ كِ يٍ. شْحّ تٌ نُ ﭑ نَ، وٌ نَشَ ﭑ يِفِيَ. 36 ﭑ مَفٍلِ تٌ نُ عَ رَ، وٌ نَشَ دُفِيٍ قِ ﭑ مَ. ﭑ تٌ نُ قُرَشِ، وٌ نَشَ قَ مّينِ ﭑ مَ. ﭑ تٌ نُ سَشِ فٍيلِ، وٌ نَشَ قَ ﭑ يِرٍ مَتٌدٍ.›»
37 «نَ تّمُي، تِنشِنتْييٍ عَ مَشْرِنمَ نّ، ‹مَرِفِ، مُشُ عِ تٌ كَامّ كُي مُن تّمُي، مُشُ قَ عِ كِ دٌنسٍ، شَ نَ مُ يٍ شْلِ رَ، مُشُ قَ عِ كِ يٍ؟ 38 مُشُ عِ تٌ شْحّيَ رَ مُن تّمُي، مُشُ قَ عِ يِفِيَ، شَ نَ مُ عِ مَفٍلِ رَ، مُشُ قَ دُفِيٍ قِ عِ مَ؟ 39 مُشُ عِ قُرَشِ تٌ مُن تّمُي، شَ نَ مُ عِ سَشِ فٍيلِ، مُشُ قَ سِفَ عِ يِرٍ مَتٌدٍ؟› 40 مَنفّ عٍ يَابِمَ نّ، ‹ﭑ شَ نْندِ قَلَ وٌ بّ، وٌ نَشَن يٌ رَبَ ﭑ نفَشَكٍرٍنيِ مِشِ شُرِ ندٍ بّ، وٌ عَ رَبَشِ ﭑ تَن نَن بّ.›»
41 «نَ شَنبِ، عَ عَ قَلَمَ نّ مِشِيٍ بّ نَشٍيٍ نَ عَ كْولَ مَ، ‹وٌ وٌ مَكُيَ ﭑ نَ، وٌ تَن مِشِ دَنكَشِيٍ، وٌ سَ سٌ تّ شْورَ نَشَن يَءِلَنشِ عِبُلِسَ نُن عَ شَ مَلٍكّيٍ بّ، نَشَن مُ شُبٍنمَ عَبَدَن. 42 بَرِ مَ كَامّ تٌ نُ ﭑ مَ، وٌ مُ ﭑ كِ دٌنسٍ. يٍ شْلِ تٌ نُ ﭑ مَ، وٌ مُ ﭑ كِ يٍ. 43 شْحّ تٌ نُ ﭑ نَ، وٌ مُ ﭑ يِفِيَ. ﭑ مَفٍلِ تٌ نُ عَ رَ، وٌ مُ دُفِيٍ قِ ﭑ مَ. ﭑ قُرَشِ تٌ نُ عَ رَ، ﭑ مَن تٌ نُ سَشِ فٍيلِ، وٌ مُ قَ مّينِدٍ ﭑ مَ.›»
44 «نَ تّمُي، عٍ قَن عَ مَشْرِنمَ نّ، ‹مَرِفِ، مُشُ عِ تٌ مُن تّمُي كَامّ نَ عِ مَ، شَ نَ مُ يٍ شْلِ، شَ نَ مُ عِ قِندِشِ شْحّ رَ، شَ نَ مُ عِ مَفٍلِ رَ، شَ نَ مُ عِ قُرَشِ، شَ نَ مُ عِ سَشِ فٍيلِ، مُشُ قَ تٌندِ عِ مَلِدٍ؟› 45 مَنفّ عٍ يَابِمَ نّ، ‹ﭑ شَ نْندِ قَلَ وٌ بّ، وٌ مُ نَشَن يٌ رَبَ ﭑ نفَشَكٍرٍنيِ مِشِ شُرِ ندٍ بّ، وٌ تٌندِشِ عَ رَبَدٍ ﭑ تَن نَن بّ.› 46 حَشَنكَتّ نَن نَفَتَشِ نَ مِشِيٍ بّ عَبَدَن، كْنْ تِنشِنتْييٍ تَن عَبَدَن كِسِ نَن سْتْمَ.»
<- مَتِيُ 24مَتِيُ 26 ->