1 عِسَ نَشَ مِنِ هْرْ مْبَنشِ كُي. عَ نُ سِفَقٍ تّمُي نَشّ، عَ قْشِرَبِرّيٍ نَشَ عٍ مَسٌ عَ رَ، عٍ وْيّن عَ بّ عَ شَ هْرْ مْبَنشِ مَتٌ عَ نُن بَنشِيٍ نَشٍيٍ نَ عَ رَبِلِنيِ، عٍ تِ كِ تٌ تٌقَنشِ. 2 كْنْ عِسَ نَشَ عَ مَسٍن عٍ بّ، «وٌ يِ بِرِن تٌشِ؟ ﭑ شَ نْندِ قَلَ وٌ بّ، يِ فّمّ كٍرٍن مُ قَمَ لُدٍ عَ بٌورٍ قَرِ بٍ، عَ بِرِن نَبِرَ مَ نّ.»
3 عِسَ نُ مَفٌرٌشِ عٌلِوِ فٍيَ قَرِ تّمُي نَشّ، عَ قْشِرَبِرّيٍ نَشَ سِفَ عَ يِرٍ، عٍ عَ مَشْرِن عٍ دٌرٌ مَ، «نَ قٍ سَ رَبَمَ مُن تّمُي؟ عَ مَن سَ كٌلٌنمَ تْنشُمَ مُندُن مَ عَ عِ قَ وَشَتِ نُن دُنِحَ رَحْنيِ بَرَ مَكْرّ؟» 4 عِسَ نَشَ عٍ يَابِ، «وٌ مّننِ وٌ يّتّ مَ، مِشِ يٌ نَشَ قَ وٌ رَتَنتَن. 5 مِشِ وُيَشِ قَمَ ﭑ شِلِ قَلَدٍ عٍ يّتّ شُن مَ عَ قَلَقٍ رَ، ‹ﭑ تَن نَن نَ عَلَ شَ مِشِ سُفَندِشِ رَ.› نَ كُي، عٍ قَمَ مِشِ فبٍفبٍ رَتَنتَندٍ.»
6 «وٌ فٍرٍ قٍ مّمَ نّ، وٌ فٍرٍ ندٍيٍ شِلِ مّ، كْنْ وٌ نَشَ كْنتْقِلِ، بَرِ مَ قٌ نَ قٍ مْولِيٍ شَ رَبَ. نَ شَ مُ قِندِ مَ دُنِحَ رَحْنيِ رَ سِندٍن. 7 سِيٍ كٍلِمَ نّ عٍ بٌورٍ شِلِ مَ، حَمَنّيٍ عٍ بٌورٍ فٍرٍ. كَامّ سِنمَ نّ بْشِ وُيَشِ مَ، بْشِ قَن سّرّن يِرٍ فبٍفبٍ. 8 نَ قٍ بِرِن قِندِ مَ مَنتْورْلِيٍ قْلّ نَن نَ.»
9 «نَ تّمُي، مِشِيٍ وٌ سٌمَ نّ مَنفَسَنيِ يِ، عٍ شَ وٌ حَشَنكَتَ، عٍ وٌ قَشَ. سِيٍ بِرِن وٌ شْنمَ نّ ﭑ شِلِ شَ قٍ رَ. 10 دَنشَنِيَتْي فبٍفبٍ بِرَ مَ نّ تَنتَنيِ كُي نَ وَشَتِ، عٍ عٍ بٌورٍيٍ يَنقَ شْننَنتٍيَ كُي. 11 وُلٍ قَلّ فبٍفبٍ قَن عٍ يّتّ قِندِ مَ نّ نَمِحْنمّيٍ رَ، عٍ مِشِ فبٍفبٍ رَتَنتَن. 12 كٌبِحَ فبٌمَ نّ هَن مِشِ فبٍفبٍ شَ شَنُنتٍيَ شِنبٍلِ، 13 كْنْ نَشَن نَ عَ تُننَبّشِ هَن عَ رَحْنيِ، نَ كَنيِ كِسِمَ نّ. 14 عَلَ شَ مَنفّيَ نِينِ شِبَارُ قَنيِ كَوَندِ مَ نّ دُنِحَ بِرِن كُي، عَ قِندِ سٍيدٍحْشْيَ رَ سِيٍ بِرِن بّ. نَ شَنبِ، دُنِحَ رَحْنيِ قَمَ عَ لِدٍ.»
15 «وٌ تَن نَشٍيٍ نَ يِ شَرَنقٍ، وٌ وٌ تُلِ مَتِ دٍ! وٌ نَ سٍ هَرَ مُشِ حَاشِ تٌ كَسَرّ نَ نَشَن شَنبِ رَ، عَ تِشِ يِرٍ سّنِيّنشِ كُي، عَننَبِ دَنِيّلِ نَشَن مَ قٍ قَلَ، 16 وٌ تَن نَشٍيٍ نَ يُدَيَ، وٌ لَنمَ وٌ شَ وٌ فِ فٍيَيٍ قَرِ. 17 نَشَن نَ تَندٍ، عَ نَشَ سٌ سٍسٍ تٌنفٌدٍ عَ شَ بَنشِ كُي. 18 نَشَن نَ شّ مَ، عَ نَشَ فبِلٍن عَ شَ شِنبٍلِ دٌنمَ تٌنفٌدٍ. 19 نَ وَشَتِ قِندِ مَ فبَلٌي نَن نَ قُرُفِنّيٍ نُن دِنفّيٍ بّ! 20 وٌ عَلَ مَشَندِ نَ نَشَ وٌ لِ حّمّ تّمُي، شَ نَ مُ عَ رَ مَلَبُ لْشْي. 21 بَرِ مَ تْورّ عَ لِمَ نَ وَشَتِ مَ نَشَن مَنِيّ سِنفٍ مُ نُ تٌ كَبِ دُنِحَ دَا، عَ مَن مُ فبِلٍنمَ تٌ رَ عَبَدَن. 22 شَ مَرِفِ مُ عَ رَفِرِشِ نُ ندٍ شَ بَ نَ شِ كْنتِ رَ، عَدَ مَ يٌ مُ كِسِمَ نُ. كْنْ عَ ندٍ بَمَ عَ كْنتِ رَ مِشِ سُفَندِشِيٍ نَن مَ قٍ رَ.»
23 «نَ وَشَتِ، شَ مِشِ ندٍ سَ عَ قَلَ وٌ بّ، ‹عَ مَتٌ، عَلَ شَ مِشِ سُفَندِشِ نَ بٍ›، شَ نَ مُ عَ رَ، ‹عَلَ شَ مِشِ سُفَندِشِ نَ مّننِ›، وٌ نَشَ لَ عَ رَ. 24 بَرِ مَ وُلٍ قَلّيٍ قَمَ عَلَ شَ مِشِ سُفَندِشِ شِلِ قَلَدٍ عٍ يّتّ شُن، شَ نَ مُ عٍ عٍ يّتّ قِندِ نَمِحْنمّيٍ رَ. عٍ قَمَ تْنشُمَ مَكَابَشِيٍ نُن كَابَنَكٌي رَبَدٍ عَلَكٌ عٍ شَ عَلَ شَ مِشِ سُفَندِشِيٍ رَتَنتَن، شَ عٍ سَ نْمَ. 25 وٌ وٌ تُلِ تِ، ﭑ بَرَ عَ مَسٍن وٌ بّ بٍينُن عَ وَشَتِ شَ عَ لِ.»
26 «نَ كُي، شَ عٍ سَ عَ قَلَ وٌ بّ، ‹عَ مَتٌ، عَ سَ نَ وُلَ عِ›، وٌ نَشَ سِفَ دٍ! شَ عٍ سَ عَ قَلَ وٌ بّ، ‹عَ مَتٌ، عَ نَ بَنشِ كُي بٍ›، وٌ نَشَ لَ عَ رَ دٍ! 27 عَدَ مَ شَ دِ نَ قَ، عَ لُمَ نّ عَلْ سٍيَمَكْنيِ نَشَن يَنبَمَ كٌورٍ مَ كٍلِقٍ سٌفٍتٍدٍ هَن سٌفٍفٌرٌدٍ. 28 ‹بِنبِ نَ لُ دّننَشّ، يُبّيٍ سَ عٍ مَلَنمَ مّننِ نّ.›»
29 «نَ حَشَنكَتّ وَشَتِ دَنفِ شَنبِ،
32 «وٌ شْرّ بِلِ مَتٌ مِسَالِ رَ، وٌ شَ شَشِلِ سْتْ. عَ سَلٌنيِ نَ حِنفِ، عَ بُرّشّ نّينّ مِنِ، وٌ عَ كٌلٌنمَ حّمّ تّمُي بَرَ مَكْرّ. 33 عَدَ مَ شَ دِ قَقٍ قَن نَ نَ كِ نّ. وٌ نَ يِ قٍ بِرِن تٌ، وٌ شَ عَ كٌلٌن عَ عَ بَرَ مَكْرّ، عَ حَن تِشِ نَادّ رَ. 34 ﭑ شَ نْندِ قَلَ وٌ بّ، تٌ مِشِيٍ مُ دَنفِمَ قٌ نَ قٍ بِرِن نَبَ. 35 كٌورٍ نُن بْشِ دَنفِمَ نّ، كْنْ ﭑ مَ مَسٍنيِ تَن مُ دَنفِمَ عَبَدَن، عَ مُ كَنَمَ مُكُ.»
36 «مِشِ يٌ مُ عَ كٌلٌن يِ قٍيٍ سَ رَبَمَ لْشْي نُن وَشَتِ يٌ مَ. هَلِ مَلٍكّ نَشٍيٍ نَ عَرِيَننَ، عٍ مُ عَ كٌلٌن، عَلَ شَ دِ قَن مُ عَ كٌلٌن، قٌ بَبَ عَلَ كٍرٍن ثٍتِ. 37 عَدَ مَ شَ دِ قَ لْشْي لُمَ نّ عَلْ عَننَبِ نُهَ شَ وَشَتِ. 38 بٍينُن نَ بَنبَرَنيِ بٍلٍبٍلٍ شَ دُنِحَ لِ، مِشِيٍ نُ عٍ دّفٍمَ، عٍ نُ عٍ مِنمَ، عٍ نُ فِنّيٍ دْشْمَ، عٍ نُ عٍ شَ دِيٍ قِمَ شّمّيٍ مَ، هَن عَننَبِ نُهَ سٌ كُنكُي كُي لْشْ نَشّ. 39 عٍ مُ نُ كْنتْقِلِشِ قٍقٍ رَ، هَن بَنبَرَنيِ نَشَ عٍ لِ، عَ عٍ بِرِن شَنِن. عَدَ مَ شَ دِ قَقٍ قَن نَبَمَ نَ كِ نّ. 40 شَ شّمّ قِرِن نَ شّ مَ نَ وَشَتِ، كٍرٍن تٌنفٌمَ نّ، بٌورٍ لُ نَا. 41 شَ فِنّ قِرِن نَ سٍ دِنقٍ مُلُنيِ كٍرٍن كُي، كٍرٍن تٌنفٌمَ نّ، بٌورٍ لُ نَا. 42 نَ كُي، وٌ نَشَ يَنقَ، بَرِ مَ وٌ مُ وٌ مَرِفِ قَ لْشْي كٌلٌن. 43 وٌ شَ عَ قَهَامُ عَ قَنيِ رَ، شَ بَنشِ كَنيِ عَ كٌلٌن نّ نُ مُحّتِ قَمَ تّمُي نَشّ كْي كُي، عَ مُ شِمَ نُ، عَلَكٌ مُحّتِ نَشَ نْ سٌدٍ عَ شْنيِ. 44 نَ نَن عَ رَ، وٌ قَن شَ وٌ تَفِ عِشِرِ، وٌ نَشَ يَنقَ، بَرِ مَ عَدَ مَ شَ دِ قَمَ وَشَتِ نَن مَ وٌ حْشْ مُ نَشَن مَ.»
45 «ندٍ لُمَ عَلْ كٌنيِ نَشَن قِندِشِ شَشِلِمَ دُفُتّفّ رَ؟ عَ مَرِفِ بَرَ عَ تِ عَ شَ بَنشِ وَلِكّيٍ بِرِن شُن مَ، عَ شَ دٌنسٍيٍ تَشُن عٍ رَ عَ وَشَتِ. 46 حّلّشِنيِ نَ نَ كٌنيِ بّ، نَشَن مَرِفِ عَ لِمَ نَ وَلِ رَ. 47 ﭑ شَ نْندِ قَلَ وٌ بّ، نَ مَرِفِ عَ هَرِفٍ بِرِن تَشُمَ نّ نَ كٌنيِ رَ.»
48 «كْنْ شَ نَ كٌنيِ قِندِ عَ كٌبِ رَ، عَ عَ قَلَمَ نّ عَ يّتّ مَ، ‹ﭑ مَرِفِ بُمَ نّ قَقٍ رَ،› 49 عَ قَ عَ بٌورٍ كٌنيِيٍ بْنبْ قْلْ، عَ نُ لُ عَ دّفٍ رَ، عَ عَ مِن، عٍ نُن سِيسِلَيٍ. 50 لْشْ ندٍ قَمَ، عَ تَن كٌنيِ مُ نَشَن كٌلٌن، عَ حْشْ مَن مُ لْشْي نَشَن مَ، عَ مَرِفِ فبِلٍنمَ نّ. 51 عَ نَ قَ، عَ نَ كٌنيِ حَشَنكَتَمَ نّ عَ حَاشِ رَ، كٌنيِ فبَلٌي سْتْ عٍ نُن قِلَنكَقُييٍ، عَ وٌلِ وَ نُن حِن مَشِنيِ نَ دّننَشّ.»
<- مَتِيُ 23مَتِيُ 25 ->