مَرَكِ ٣‏؛١٣ ٬ ١٩، لُكِ ٦‏؛١٢ ٬ ١٦

1 عِسَ نَشَ عَ قْشِرَبِرّ قُ نُن قِرِنيِيٍ شِلِ، عَ نْي سٌ عٍ يِ رَ عَلَكٌ عٍ شَ نْ حِننّيٍ كٍرِدٍ مِشِيٍ قْشْ رَ، عٍ مَن شَ نْ قُرٍ مَ مْولِ بِرِن نَيَلَندٍ.

2 نَ شّيرَ قُ نُن قِرِنيِ شِلِيٍ نَن يَ؛ عَ سِنفٍ، سِمْن، نَشَن مَن شِلِ ثِيّرِ، نُن عَ شُنيَ عَندِرٍ، سٍبٍدٍ شَ دِ يَكِ، نُن عَ شُنيَ يَيَ، 3 قِلِثُ نُن بَرٌتٌلٌمٍ، تٌمَسِ نُن مَتِيُ دُوتِ مَشِلِ، عَلِقَ شَ دِ يَكِ نُن تَدَيٌ، 4 سِمْن نَشَن شِلِ سٍلٌتِ، نُن يُدَ سِ عِسِكَرِيٌتِ نَشَن عِسَ يَنقَ.

مَرَكِ ٦‏؛٧ ٬ ١٣، لُكِ ٩‏؛١ ٬ ٦

5 عِسَ نَشَ يِ شّمّ قُ نُن قِرِنيِيٍ شّي يِ يَامَرِ رَ؛ «وٌ نَشَ سِفَ مِشِيٍ يِرٍ يُوِقِيٍ مُ نَشٍيٍ رَ، وٌ نَشَ سٌ سَمَرِكَيٍ شَ تَايٍ كُي. 6 وٌ شَ سِفَ عِسِرَيِلَكَيٍ نَن شْن، نَشٍيٍ لُشِ عَلْ يّشّي لْيشِيٍ. 7 وٌ شَ كَوَندِ تِ كِرَ شْن عَ عَلَ شَ مَنفّيَ نِينِ بَرَ مَكْرّ. 8 وٌ شَ قُرٍ مَيٍ رَيَلَن، وٌ شَ قَشَمِشِيٍ رَكٍلِ، وٌ شَ كُنّ كَنيِيٍ رَ سّنِيّن، وٌ شَ حِننّيٍ كٍرِ. وٌ كِشِ نّ، وٌ مُ سٍسٍ قِ. وٌ قَن شَ مِشِ كِ نَ كِ. 9 وٌ نَشَ شّيمَ، فبٍتِ، شَ نَ مُ عَ رَ كْبِرِ شَنِن وٌ شُن مَ. 10 وٌ مَن نَشَ فبْنقْي، دٌنمَ قِرِن ندٍ، سَنكِرِ، شَ نَ مُ عَ رَ شُلِ شَنِن وٌ شُن مَ. عَ لَنمَ بَلٌي شَ قِ وَلِكّ مَ.»

11 «وٌ نَ سٌ تَا نَشَن كُي، وٌ شَ مِشِ قَنيِ ندٍ قٍن نَشَن وٌ يِفِيَمَ، وٌ لُ نَا هَن وٌ سِفَ تَا فبّتّ. 12 وٌ نَ سٌ مِشِيٍ شْنيِ، وٌ شَ عٍ شّيبُ. 13 شَ نَ قْشْي مِشِيٍ قَن، عَلَ شَ وٌ شَ دُبَ سُشُ عٍ شَ قٍ رَ. كْنْ شَ نَاكَيٍ مُ قَن، عَلَ نَشَ نَ دُبَ سُشُ. 14 شَ مِشِيٍ مُ تِن وٌ رَ سّنّدٍ، شَ نَ مُ عَ رَ عٍ تٌندِ عٍ تُلِ مَتِدٍ وٌ شَ مَسٍنيِ رَ، وٌ نّ كٍلِمَ نَ بَنشِ شَ نَ مُ عَ رَ نَ تَا كُي، وٌ شَ مّننِ بّندّ رَكْنكْن وٌ سَنيِيٍ رَ. 15 ﭑ شَ نْندِ قَلَ وٌ بّ، كِيتِ سَ لْشْي، كِيتِ قَنمَ سٌدٌ مَ نُن فٌمٌرَ تَاكَيٍ رَ دَنفِقٍ نَ تَا مِشِيٍ رَ.»

مَرَكِ ١٣‏؛٩ ٬ ١٣، لُكِ ١٢‏؛١١ ٬ ١٢، ٢١‏؛١٢ ٬ ١٩

16 «وٌ وٌ تُلِ مَتِ، ﭑ نَ وٌ شّيقٍ نّ عَلْ يّشّي نَشٍيٍ سٌمَ وُلَ بَرٍيٍ تَفِ. نَ كُي، وٌ شَ كْوتَ عَلْ يٍرٍ، وٌ يُفٍ شَ قَن عَلْ تُرُننَ شْنِ. 17 وٌ شَ وٌ يّتّ مَتَنفَ مِشِيٍ مَ، بَرِ مَ عٍ وٌ سٌمَ نّ كِيتِسَيٍ يِ رَ، عٍ وٌ بْنبْمَ نّ سّبّرّ رَ عٍ شَ سَلِدٍيٍ كُي، 18 عٍ وٌ شَنِنمَ نّ فٌمِنَيٍ نُن مَنفّيٍ يِرٍ ﭑ مَ قٍ رَ. نَ كُي، وٌ قِندِ مَ نّ ﭑ مَ سٍيدٍيٍ رَ عٍ تَن بّ، عَ نُن سِ فبّتّيٍ بّ. 19 عٍ نَ وٌ سٌ نٍيٍ يِ رَ، وٌ نَشَ كْنتْقِلِ وٌ شَ مَسٍنيِ شَ قٍ رَ، وٌ نَشَن قَلَمَ نُن وٌ عَ قَلَمَ كِ نَشّ، بَرِ مَ نَ بِرِن قِمَ نّ وٌ مَ نَ وَشَتِ يَتِ. 20 وٌ تَن شَ مُ وْيّنمَ، وٌ بَبَ عَلَ شَشِلِ نَن وْيّنمَ وٌ سَابُي رَ.»

21 «مِشِ قَمَ عَ نفَشَكٍرٍنيِ يَنقَدٍ، عَ عَ سَ مِشِيٍ بّلّشّ، عٍ شَ عَ قَشَ. بَبّ قَن نَ مْولِ نِيَمَ عَ شَ دِ رَ، دِيٍ قَن كٍلِمَ نّ عٍ بَرِ مَيٍ شِلِ مَ، عٍ شَ عٍ قَشَ. 22 مِشِ بِرِن قَمَ وٌ شْندٍ ﭑ شِلِ شَ قٍ رَ، كْنْ نَشَن نَ وَكِلِ هَن عَ رَحْنيِ، نَ كَنيِ كِسِمَ نّ. 23 شَ عٍ وٌ حَشَنكَتَ يِرٍ ندٍ، وٌ شَ وٌ فِ، وٌ سِفَ تَا فبّتّ. ﭑ شَ نْندِ قَلَ وٌ بّ، وٌ مُ فّمَ عِسِرَيِلَ تَا بِرِن عِحّرّدٍ عَ قَ لُ عَدَ مَ شَ دِ مُ قَ.»

24 «تَالِبِ مُ دَنفِمَ عَ كَرَ مْشْ رَ، كٌنيِ قَن مُ دَنفِمَ عَ مَرِفِ رَ. 25 عَ لَنمَ تَالِبِ شَ لُ عَلْ عَ كَرَ مْشْ، كٌنيِ قَن شَ لُ عَلْ عَ مَرِفِ. شَ قْشْي شُنيِ شِلِ قَلَ حِننّ بّلّسّبُلُ، عٍ نَشَن قَلَمَ عَ شَ قْشْي مِشِيٍ شُن مَ، عَ حَن دَنفِمَ نَ رَ.»

مَرَكِ ٨‏؛٣٨، لُكِ ٩‏؛٢٦، ١٢‏؛٢ ٬ ٩

26 «وٌ نَشَ فَاشُ مِشِيٍ يَ رَ، بَرِ مَ قٍقٍ نْشُنشِ مُ نَ نَشَن مُ قَمَ مَكّنّندٍ، فُندٌ يٌ مُ نَ نَشَن مُ قَمَ كٌلٌندٍ. 27 ﭑ نَشَن قَلَمَ وٌ بّ كْي رَ، وٌ شَ نَ مَسٍن يَنيِ رَ. وٌ نَشَن مّمَ مَكْيِكْيِ رَ، وٌ شَ دُنِحَ بِرِن نَكٌلٌن عَ رَ. 28 وٌ نَشَ فَاشُ مِشِيٍ يَ رَ نَشٍيٍ نْمَ مِشِ قَتٍ بّندّ نَن تُن قَشَدٍ، عَ قَ لِ عٍ مُ نْمَ وٌ نِي تَن مَسْتْدٍ. وٌ شَ فَاشُ عَلَ نَن يَ رَ، نَشَن نْمَ قَتٍ بّندّ نُن نِي سْنتْدٍ يَهَننَمَ. 29 تُرُننَ قِرِن شَ مُ سَرَ مَ بَتَنكَ كٍرٍن نَ؟ كْنْ هَلِ شْنِ دِ كٍرٍن مُ بِرَ مَ بْشِ مَ شَ وٌ بَبَ عَلَ سَفٌ مُ عَ رَ. 30 وٌ شُنسّشّ يَتِ كْنتِشِ. 31 نَ كُي، وٌ نَشَ فَاشُ، بَرِ مَ وٌ تِدٍ فبٌ دَنفِ تُرُننَ شْنِ فَلِ رَ.»

32 «مِشِ يٌ نَشَن ﭑ كٌلٌنمَ عَ مَرِفِ رَ عَدَ مَدِيٍ يَ شْرِ، ﭑ قَن نَ كَنيِ كٌلٌنمَ ﭑ بَبَ يَ شْرِ عَرِيَننَ. 33 كْنْ نَشَن نَ تٌندِ ﭑ كٌلٌندٍ عَ مَرِفِ رَ عَدَ مَدِيٍ يَ مَ، ﭑ قَن تٌندِ مَ نّ نَ كَنيِ رَكٌلٌندٍ ﭑ بَبَ رَ نَشَن نَ عَرِيَننَ.»

لُكِ ١٢‏؛٥١ ٬ ٥٣، ١٤‏؛٢٦ ٬ ٢٧، ٩‏؛٢٣ ٬ ٢٤، مَرَكِ ٨‏؛٣٤ ٬ ٣٥

34 «وٌ نَشَ عَ مَحْشُن عَ ﭑ قَشِ بْحّسَ نَن نَ دُنِحَ. ﭑ مُ قَشِ بْحّسَ شَ رَ، ﭑ قَشِ سَنتِدّفّمَ نَن نَ. 35 ﭑ قَشِ قَتَنيِ نَن نَ دِ شّمّ نُن عَ بَبَ تَفِ، دِ فِنّ نُن عَ نفَ تَفِ، مَمَدِ نُن عَ مَمَ تَفِ. 36 مِشِ نفَشَكٍرٍنيِيٍ نَن قِندِ مَ عَ يَشُييٍ رَ. 37 مِشِ نَشَن عَ بَبَ نُن عَ نفَ شَنُمَ دَنفِقٍ ﭑ تَن نَ، نَ كَنيِ مُ دَشَ عَ شَ لُ ﭑ سّيتِ مَ. مِشِ نَشَن عَ شَ دِ شَنُمَ دَنفِقٍ ﭑ تَن نَ، نَ كَنيِ مُ دَشَ عَ شَ لُ ﭑ سّيتِ مَ. 38 شَ مِشِ نَشَن مُ تِن تْورّ نُن قَشّ رَ، عَ مُ بِرَ ﭑ قْشْ رَ، نَ كَنيِ مُ دَشَ عَ شَ لُ ﭑ سّيتِ مَ. 39 مِشِ نَشَن وَ مَ عَ يّتّ رَكِسِقٍ، نَ كَنيِ لْيمَ نّ. نَشَن عَ يّتّ رَلْيمَ ﭑ تَن مَ قٍ رَ، نَ كَنيِ كِسِمَ نّ.»

مَرَكِ ٩‏؛٣٧ ٬ ٤١، لُكِ ٩‏؛٤٨، ١٠‏؛١٦، يَيَ ١٣‏؛٢٠

40 «مِشِ نَشَن نَ وٌ رَ سّنّ، عَ ﭑ تَن نَن نَسّنّشِ. مِشِ نَشَن نَ ﭑ نَسّنّ، عَ ﭑ شّيمَ نَن نَسّنّشِ. 41 مِشِ نَشَن نَ نَمِحْنمّ رَ سّنّ عَ شَ نَمِحْنمّحَ مَ، عَ بَرَايِ سْتْمَ نّ عَلْ نَمِحْنمّ. مِشِ نَشَن نَ تِنشِنتْي رَ سّنّ عَ شَ تِنشِنيِ مَ، عَ بَرَايِ سْتْمَ نّ عَلْ تِنشِنتْي. 42 مِشِ نَشَن نَ هَلِ يٍ شِنبٍلِ ثْوتِ يَ كٍرٍن قِ يِ مِشِ شُرِ كٍرٍن مَ عَ تٌ قِندِشِ ﭑ قْشِرَبِرّ رَ، ﭑ شَ نْندِ قَلَ وٌ بّ، نَ كَنيِ مُ فَنمَ عَ بَرَايِ رَ مُكُ.»

<- مَتِيُ 9مَتِيُ 11 ->