46
مَسٍنيِ مِسِرَ بّ
1 عَلَتَلَ شَ مَسٍنيِ نَن يَ سِيٍ شَ قٍ رَ؛
2 «مَسٍنيِ نَن يَ مِسِرَ شَ قٍ رَ.
مَسٍنيِ نَن يَ مِسِرَ مَنفّ نٍكٌ شَ سْورِيٍ شَ قٍ رَ،
نَشٍيٍ نُ نَ عٍقِرَتِ شُرٍ سّيتِ مَ كَرَكٍمِسِ،
بَبِلْن مَنفّ نٍبُكَدَنسَرِ عٍ بْنبْ تّمُي نَشّ،
يٌسِيَ شَ دِ يٍهٌيَكِمِ، يُدَيَ مَنفّ شَ مَنفّيَ حّ نَانِ ندٍ.»
3 «وٌ سْورِ مَكَنتَسٍ لَنمَدِيٍ نُن عَ شُنفبٍيٍ تٌنفٌ.
وٌ شَ وٌ مَسٌ فٍرٍ شِلِ مَ.
4 وٌ شَ سٌي دْشْ سٍيٍ يَءِلَن.
سٌي رَفِمَيٍ، وٌ شَ تٍ سٌي قَرِ.
شُنيِ مَكَنتَسٍ شَ لُ وٌ يِ رَ،
وٌ شَ تَنبّيٍ سُشُ وٌ يِ رَ،
وٌ شَ سَنيِ مَكَنتَسٍ سَ وٌ سَنيِيٍ مَ.»
5 «مُنسٍ دَنفِقٍ؟
عٍ نَ سّرّنقٍ فَاشُي رَ، عٍ نَ فبِلٍنقٍ شَنبِ.
عٍ شَ سّنبّمَيٍ بَرَ بِرَ، عٍ نَ فبِلٍنقٍ عٍ فِ رَ فَاشُي كُي.
عَلَتَلَ شَ مَسٍنيِ نَن نَ كِ.
6 سّنبّمَيٍ مُ كِسِمَ، سُو سَ مِشِيٍ مُ عٍ رَتَنفَمَ.
عٍ بِرِن بِرَ مَ نّ كْولَ مَ عٍقِرَتِ شُرٍ دّ رَ.»
7 ندٍ تٍمَ عَلْ نِلِ شُرٍ، نَشَن يٍ بَنبَرَن شّ؟
8 مِسِرَ نَن تٍقٍ عَلْ نِلِ شُرٍ نَشَن يٍ بَنبَرَن شّ.
عَ بَرَ عَ قَلَ، «ﭑ تٍمَ نّ دُنِحَ بِرِن مَ،
ﭑ شَ تَا بِرِن كَنَ، ﭑ شَ حَمَيٍ سْنتْ.
9 سٌي رَفِمَيٍ، وٌ تٍ!
سْورِ رَفِسٍيٍ، وٌ شَ فٍرٍ تِ سّنبّ رَ!
عٍتِيٌثِكَيٍ نُن ثُتِكَيٍ فبَنفبَلَنيِيٍ،
وٌ شَ مِنِ وٌ شَ سْورِ مَكَنتَسٍيٍ رَ!
لِدِكَيٍ، وٌ شَ مِنِ شَلِيٍ رَ!
10 مَنفّ عَلَتَلَ شَ فبٍحْشْي لْشْي نَن يَ.
مَرِفِ عَ فبٍحْشْمَ نّ عَ يَشُييٍ مَ سَنتِدّفّمَ رَ.
عٍ وُلِ رَ مِنِمَ نّ،
عَ قِندِ سّرّشّ رَ مَنفّ عَلَتَلَ بّ حَمَنّ مَ نَشَن نَ كْولَ مَ عٍقِرَتِ مَبِرِ.
11 مِسِرَكَ دِ مّدِيٍ، وٌ شَ تٍ فَلَدِ مَبِرِ سٍرِ قٍندٍ،
كْنْ نَ مُ نْمَ وٌ رَيَلَندٍ.
12 دُنِحَ بِرِن بَرَ وٌ شَ يَافِ تٌ،
عٍ بَرَ وٌ شُي مّ،
بَرِ مَ وٌ شَ سْورِيٍ نَ عٍ يَ عِسٌقٍ عٍ بٌرٍ رَ،
عٍ بِرِن بَرَ بِرَ.
13 عَلَتَلَ شَ مَسٍنيِ نَن نَ كِ
بَبِلْن مَنفّ نٍبُكَدَنسَرِ شَ فٍرٍ مِسِرَ شِلِ مَ.»
14 «وٌ شَ نَ مَسٍنيِ تِ مِسِرَ بْشِ مَ.
مِفِدٌلِ شَ نَ مّ، نٌقِ نُن تَثَنشّسِ شَ نَ مّ.
وٌ شَ عَ قَلَ، ‹وٌ كٍلِ، وٌ شَ فٍرٍ سٌسٍ رَقَلَ،
بَرِ مَ سَنتِدّفّمَ كَنيِيٍ بَرَ وٌ رَبِلِن!›
15 مُنقٍ رَ وٌ شَ سْورِيٍ مُ نْمَ عٍ يَشُييٍ رَ؟
عٍ مُ نْمَ بَرِ مَ عَلَتَلَ نَن عٍ رَبِرَقٍ.
16 سْورِ وُيَشِيٍ بَرَ بِرَ.
عٍ بَرَ فبِلٍن عَ قَلَ رَ،
‹وٌن شَ فبِلٍن وٌن شْنيِ،
وٌن مَ مِشِيٍ نَ دّننَشّ،
عَلَكٌ وٌن شَ وٌن مَكُيَ فٍرٍ حَاشِ رَ.›
17 مّننِ عٍ قَمَ نّ عَ قَلَدٍ،
‹مِسِرَ مَنفّ سّنبّ مُ نَ،
عَ وْيّنمَ نّ تُن، كْنْ عَ مُ قَتَ فٍرٍ سٌدٍ.›»
18 «مَنفّ عَلَتَلَ شَ مَسٍنيِ نَن يَ،
ﭑ حِحّ.
نَشَن سّنبّ فبٌ عَلْ تَبٌرٌ فٍيَ،
نَشَن سّنبّ فبٌ عَلْ كَرٍ مٍلٍ فٍيَ بَا سّيتِ مَ،
عَ نَ قَقٍ.
19 مِسِرَكَيٍ، وٌ شَ كٌتٍ يَءِلَن سِفَقٍ رَ كٌنيِيَ كُي.
نٌقِ قِندِ مَ نّ فبَلٌي يِرٍ رَ،
عَ فَنمَ نّ، عَ شَ مِشِ يٌ مُ كِسِمَ.
20 مِسِرَ مَنِيَ نِنفٍ تٌقَنيِ رَ،
كْنْ تُفِتُفِ حَاشِ نَ قَقٍ كٍلِقٍ كْولَ مَ عَ شِلِ مَ.
21 مِسِرَ شَ سْورِ شْحّيٍ،
نَشٍيٍ فٍرٍ سٌمَ كْبِرِ شَ قٍ رَ،
عٍ قَن فبِلٍنمَ نّ مِسِرَ قْشْ رَ عٍ سِفَ عٍ فِ رَ.
نَ فبَلٌي فبٌ عٍ بّ،
عٍ مُ نْمَ نَ حَشَنكَتّ رَ.
22 مِسِرَ عَ فِمَ نّ عَلْ بْشِمَسٍ عَ يَشُييٍ يَ رَ،
نَشٍيٍ قَمَ سّنبّ رَ،
عَلْ بٍيرَ كَنيِ نَشٍيٍ قَمَ وٌندِ سّفّدٍ.
23 عَلَتَلَ شَ مَسٍنيِ نَن يَ؛
عٍ قَمَ نّ نَ وٌندِ سّفّدٍ، هَلِ عَ سّنبّ فبٌ.
عٍ نْمَ نّ نَ رَ بَرِ مَ عٍ وُيَ عَلْ تُفُمِيٍ.
24 مِسِرَ بَرَ يَافِ،
عٍ بَرَ لُ حَمَنّ سَفٌي نَشَن نَ كْولَ مَ.»
25 عِسِرَيِلَ مَنفّ عَلَتَلَ بَرَ عَ مَسٍن،
«ﭑ قَمَ نّ عَمٌن تٍبٍسٍكَ حَشَنكَتَدٍ.
ﭑ قَمَ نّ مِسِرَ مَنفّ، عَ شَ عَلَيٍ نُن عَ شَ كُنتِفِيٍ هَلَكِدٍ.
ﭑ مِشِ بِرِن تْورْ مَ نّ نَشٍيٍ شَشِلِ تِشِ مِسِرَ مَنفّ رَ.
26 ﭑ نٍيٍ لُمَ نّ عٍ يَشُييٍ سَفٌي،
نَشٍيٍ وَ مَ عٍ قَشَقٍ،
عَلْ بَبِلْن مَنفّ نٍبُكَدَنسَرِ نُن عَ شَ مِشِيٍ.
نَ دَنفِ شَنبِ، مِشِ مَن سَبَتِمَ نّ مِسِرَ بْشِ مَ.
عَلَتَلَ شَ مَسٍنيِ نَن نَ كِ.»
27 «عِ تَن، ﭑ مَ كٌنيِ يَشُبَ، عِ نَشَ فَاشُ.
عِسِرَيِلَ، عِ نَشَ سّرّن،
بَرِ مَ ﭑ عِ رَكِسِمَ نّ حَمَنّ مَكُيٍ مَ.
ﭑ عِ بْنسْي رَ مِنِمَ نّ عٍ شَ كٌنيِيَ كُي.
يَشُبَ بْنسْي فبِلٍنمَ نّ،
عٍ قَ لُ بْحّسَ كُي عٍ يَشُييٍ شَنبِ.
28 عَلَتَلَ شَ مَسٍنيِ نَن يَ؛
عِ تَن، ﭑ مَ كٌنيِ يَشُبَ، عِ نَشَ فَاشُ،
بَرِ مَ ﭑ سِ بِرِن سْنتْمَ نّ ﭑ وٌ رَيٍنسٍن يّ دّننَشّ.
كْنْ ﭑ مُ عِ تَن سْنتْمَ.
ﭑ عِ حَشَنكَتَمَ عَ سّرِيّ كِ نَن فبَنسَن مَ،