7 «نَ نَن عَ رَ عِسِرَيِلَ مَرِفِ عَلَتَلَ شَ مَسٍنيِ نَن يَ؛ مُنقٍ رَ وٌ نَ يِ قٍ حَاشِ رَبَقٍ وٌ يّتّ رَ؟ وٌ نَ عَ نِيَقٍ شّمّيٍ، فِنّيٍ، دِ مّدِيٍ، نُن دِيْرّ كٍرٍن مُ لُمَ يُدَيَ بْشِ مَ. 8 وٌ نَ ﭑ نَشْنْقٍ وٌ شَ سُرَيِ سّرّشّ رَ وٌ نَشَن بَمَ كُيٍيٍ بّ مِسِرَ بْشِ مَ، وٌ وٌ فِ دّننَشّ. نَ كُي وٌ قَمَ نّ يَافِ سْتْدٍ سِ بِرِن تَفِ نَشٍيٍ نَ دُنِحَ. 9 وٌ بَرَ نّيمُ وٌ بَبَيٍ شَ قٍ حَاشِيٍ رَ، يُدَيَ مَنفّيٍ شَ كّوَلِ كٌبِيٍ رَ، عٍ شَ فِنّيٍ شَ قٍ حَاشِيٍ رَ، وٌ شَ قٍ حَاشِيٍ نُن وٌ شَ فِنّيٍ شَ قٍ حَاشِيٍ رَ، عٍ نَشَن نَبَشِ يُدَيَ بْشِ مَ نُن دَرِ سَلَمُ كِرَيٍ شْن؟ 10 هَن تٌ عٍ مُ عٍ يّتّ رَفبِلٍنشِ ﭑ مَ، عٍ مُ فَاشُشِ ﭑ يَ رَ، عٍ مُ بِرَشِ ﭑ مَ سّرِيّ نُن ﭑ مَ يَامَرِيٍ قْشْ رَ ﭑ نَشَن قِشِ وٌ نُن وٌ بَبَيٍ مَ.»
11 «نَ نَن عَ رَ عِسِرَيِلَ مَرِفِ عَلَتَلَ بَرَ عَ مَسٍن، ﭑ بَرَ نَتّ تٌنفٌ قٍ حَاشِ رَبَقٍ رَ وٌ رَ، ﭑ شَ يُدَيَ بِرِن سْنتْ. 12 يُدَيَكَ دْنشْي نَشٍيٍ بَرَ نَتّ تٌنفٌ سَبَتِقٍ رَ مِسِرَ بْشِ مَ، عٍ بِرِن قَشَمَ نّ نَا سَنتِدّفّمَ نُن كَامّ رَ، كٍلِقٍ دِ مّدِيٍ مَ، عَ سَ دْشْ قٌرِيٍ رَ. سَنتِدّفّمَ نُن كَامّ عَ نِيَمَ نّ عٍ شِلِ شَ قِندِ كٌنبِ وْيّنيِ رَ، عٍ شَ فبَلٌي نُن يَافِ سْتْ. 13 ﭑ قٍ رَبَمَ نّ مِشِيٍ رَ نَشٍيٍ سَبَتِشِ مِسِرَ بْشِ مَ، عَلْ ﭑ نَشَن نَبَشِ دَرِ سَلَمُ سَنتِدّفّمَ، كَامّ، نُن قُرٍ حَاشِ رَ. 14 مِشِ نَشٍيٍ عٍ فِشِ مِسِرَ كٍلِقٍ يُدَيَ، كٍرٍن مُ كِسِمَ. عٍ نُ وَ مَ فبِلٍنقٍ يُدَيَ بْشِ نَن مَ، كْنْ عٍ مُ فبِلٍنمَ سْنْن، قٌ مِشِ كٍرٍن كٍرٍن.»
15 شّمّ بِرِن نَشٍيٍ نُ عَ كٌلٌن عٍ شَ فِنّيٍ نُ سُرَيِ بَمَ سّرّشّ رَ عَلَ فبّتّ بّ، نُن فِنّ نَشٍيٍ نُ نَ نَ مَلَنيِ كُي، نُن حَمَ نَشَن نُ سَبَتِشِ مِسِرَ بْشِ مَ ثَتِرٌ سِ تَا كُي، عٍ نَشَ عَننَبِ يٍرٍ مِ يَابِ، 16 «مُشُ مُ وَ مَ مُشُ تُلِ مَتِقٍ يِ مَسٍنيِ رَ عِ نَشَن مَسٍنشِ عَلَتَلَ شِلِ رَ. 17 مُشُ وَ مَ بِرَقٍ مُشُ شَ مَسٍنيِ نَن قْشْ رَ. مُشُ وَ مَ سُرَيِ بَقٍ سّرّشّ رَ كٌورٍ مَنفّ فِنّ نَن بّ، مُشُ وَ مَ مِنسٍ قَن بَقٍ سّرّشّ رَ عَ تَن نَن بّ، عَلْ مُشُ نُن مُشُ بَبَيٍ، عَ نُن مُشُ شَ مَنفّيٍ نُن كُنتِفِيٍ عَ رَبَشِ كِ نَشّ يُدَيَ شَ تَايٍ نُن دَرِ سَلَمُ كُي. نَ وَشَتِ بَلٌي نُ نَ مُشُ يِ رَ عَ قَنيِ رَ، مُشُ نُ سّيوَشِ، تْورّ يٌ مُ نُ نَ. 18 كْنْ كَبِ مُشُ نَشَ بَ سُرَيِ نُن مِنسٍ بَقٍ سّرّشّ رَ كٌورٍ مَنفّ فِنّ بّ، سٍ بِرِن نَشَ حْن مُشُ يِ رَ بَقٍ فٍرٍ نُن كَامّ رَ.» 19 فِنّيٍ مَن نَشَ عَ قَلَ، «مُشُ تٌ نُ سُرَيِ نُن مِنسٍ بَمَ سّرّشّ رَ كٌورٍ مَنفّ فِنّ بّ، مُشُ شَ مْرِيٍ نُ تِنمَ مُشُ شَ تَامِ يَءِلَن مَنفّ فِنّ مِسَالِ رَ، مُشُ شَ مِنسٍ بَ سّرّشّ رَ عَ بّ.»
20 عَننَبِ يٍرٍ مِ نَشَ حَمَ بِرِن يَابِ، شّمّيٍ نُن فِنّيٍ، 21 «وٌ سُرَيِ نَشَن فَنشِ يُدَيَ تَايٍ كُي نُن دَرِ سَلَمُ، وٌ تَن نُن وٌ بَبَيٍ، وٌ شَ مَنفّيٍ نُن وٌ شَ كُنتِفِيٍ، نُن حَمَ بِرِن، عَلَتَلَ مُ كٌلٌن سْتْ شّ نَ مَ؟ نَ قٍ مُ لُشِ شّ عَ بْحّ كُي؟ 22 عَلَتَلَ مُ نُ نْمَ تِندٍ وٌ شَ قٍ حَاشِيٍ نُن وٌ شَ قٍ شْنشِيٍ رَ وٌ نُ لُمَ نَشَن نَبَ رَ. نَ كُي وٌ شَ بْشِ بَرَ كَنَ، عَ قِندِ فبَلٌي يِرٍ رَ. وٌ بَرَ يَافِ سْتْ، وٌ شَ مِشِيٍ بَرَ قَشَ عَلْ وٌ عَ تٌمَ كِ نَشّ تٌ. 23 نَ بِرِن نَبَشِ نّ بَرِ مَ وٌ بَرَ سُرَيِ فَن سّرّشّ رَ، نَ قِندِ يُنُبِ رَ عَلَتَلَ مَبِرِ. وٌ مُ تِن عَلَتَلَ شُي سُشُدٍ، وٌ مُ تِن حّرّدٍ عَ شَ سّرِيّ، عَ شَ يَامَرِ، نُن عَ شَ مَرَ سِ قْشْ رَ. تٌ لْشْي وٌ يِ تْورّ سْتْشِ نَ نَن مَ.»
24 عَننَبِ يٍرٍ مِ مَن نَشَ عَ قَلَ حَمَ نُن فِنّيٍ بّ، «وٌ وٌ تُلِ مَتِ عَلَتَلَ شَ مَسٍنيِ رَ، وٌ تَن يُدَيَكَ نَشٍيٍ قَشِ مِسِرَ بْشِ مَ. 25 عِسِرَيِلَ مَرِفِ عَلَتَلَ شَ مَسٍنيِ نَن يَ؛ وٌ تَن نُن وٌ شَ فِنّيٍ بَرَ نَتّ تٌنفٌ وٌ شَ وٌ يّتّ وَشْنقٍ رَبَ. وٌ بَرَ عَ قَلَ، ‹مُشُ وَ مَ مُشُ شَ لَايِدِ رَكَمَلِقٍ، مُشُ شَ سُرَيِ نُن مِنسٍ بَ سّرّشّ رَ كٌورٍ مَنفّ فِنّ بّ.› عَوَ، يَكْسِ وٌ قَمَ نَ بِرِن نَبَدٍ عَلْ وٌ عَ قَلَ كِ نَشّ. 26 نَ كُي، وٌ شَ وٌ تُلِ مَتِ عَلَتَلَ شَ مَسٍنيِ رَ، وٌ تَن يُدَيَكَ نَشٍيٍ سَبَتِشِ مِسِرَ بْشِ مَ. ‹ﭑ بَرَ ﭑ كَلِ ﭑ شِلِ بِنيّ رَ، ﭑ تَن عَلَتَلَ، يُدَيَكَ يٌ نَشَن سَبَتِشِ مِسِرَ، عَ مُ ﭑ شِلِ قَلَمَ سْنْن، عَ مُ عَ قَلَمَ عَلَتَلَ حِحّ. 27 ﭑ حْشْ سَمَ نّ عٍ شْن مَ عَلَكٌ عٍ شَ حَشَنكَتَ، عٍ نَشَ هّيرِ يٌ سْتْ. شّمّ يُدَيَكَ نَشٍيٍ بِرِن نَ مِسِرَ، عٍ قَمَ نّ قَشَدٍ فٍرٍ نُن كَامّ رَ. 28 كٍرٍن كٍرٍن نَشٍيٍ مُ قَشَمَ نَا، نٍيٍ كٍلِمَ نّ مِسِرَ فبِلٍنقٍ رَ يُدَيَ. كْنْ نَشٍيٍ بِرِن كٍلِشِ يُدَيَ عَلَكٌ عٍ شَ سَبَتِ مِسِرَ بْشِ مَ، عٍ قَمَ نّ عَ كٌلٌندٍ مَسٍنيِ نَشَن كَمَلِمَ، ﭑ فبٍ، شَ نَ مُ عَ رَ عٍ فبٍ.› 29 عَلَتَلَ شَ مَسٍنيِ نَن نَ كِ. تْنشُمَ نَن يَ عَلَكٌ وٌ شَ عَ كٌلٌن ﭑ وٌ حَشَنكَتَمَ نّ، ﭑ مَ مَسٍنيِ بِرِن كَمَلِمَ نّ. 30 عَلَتَلَ شَ مَسٍنيِ نَن يَ؛ ﭑ مِسِرَ مَنفّ هٌقٌرَ لُمَ نّ عَ يَشُييٍ سَفٌي، نَشٍيٍ وَ مَ عَ قَشَقٍ. ﭑ عَ رَبَمَ نّ عَلْ ﭑ يُدَيَ مَنفّ سٍدٍكِيَ لُشِ بَبِلْن مَنفّ نٍبُكَدَنسَرِ سَفٌ كِ نَشّ، نَشَن بَرَ وَ عَ قَشَقٍ.»
<- عَننَبِ يٍرٍ مِ 43عَننَبِ يٍرٍ مِ 45 ->