1 ندٍ لَشِ وٌن مَ مَسٍنيِ رَ؟

ندٍ عَلَتَلَ سّنبّ تٌشِ؟

2 عَ شَ كٌنيِ لُ نّ عَلْ سَنسِ شُرِ، نَشَن تِشِ بْشِ شَرٍ مَ.

عَ تٌ كِ مُ نُ رَيَبُ، عَ شَ تٌقَنيِ مُ فبٌ.

3 مِشِ رَحَاشُشِ نَن نُ عَ رَ حَمَ مُ تِنشِ نَشَن نَ.

تْورْ مِشِ نَن نُ عَ رَ، نَشَن دَرِشِ حَشَنكَتّ رَ.

مِشِيٍ مُ تِنشِ عٍ يَ تِدٍ عَ بّ.

عٍ نُ يٌ عَ مَ، عٍ مُ تِدٍ يٌ قِشِ عَ مَ.

4 عَ بَرَ وٌن مَ تْورّ قِندِ عَ فبٍ رَ،

عَ بَرَ وٌن مَ كْنتْقِلِ قِندِ عَ فبٍ رَ.

وٌن تَن بَرَ عَ مَحْشُن عَ عَلَ نَن عَ دَنكَشِ،

عَ عَ شَ تْورّ قَتَنشِ عَلَ نَن نَ.

5 كْنْ عَ سْشْ نّ وٌن مَ يُنُبِيٍ شَ قٍ رَ،

عَ بُتُشُن وٌن مَ حَاشُحَ شَ قٍ رَ.

عَ حَشَنكَتّ سْتْ نّ عَلَكٌ وٌن شَ يَلَنيِ سْتْ،

عَ شَ قِيٍ قِندِشِ كِسِ نَن نَ وٌن بّ.

6 وٌن بِرِن نُ لْيشِ نّ عَلْ شُرُ سٍ نَشٍيٍ يٍنسٍنمَ وُلَ عِ،

كَنكَن نَشَ سِفَ عَ شَ كِرَ شْن مَ.

كْنْ عَلَتَلَ بَرَ وٌن مَ يُنُبِيٍ كٌتٍ دْشْ عَ شُن.

7 تْورّ نُن قٍ شْرْشْي تٌ عَ لِ،

عَ مُ عَ دّ رَبِ هَلِ كٍرٍن.

عَ لُ نّ عَلْ يّشّي نَشَن شَنِنقٍ عَ قَشَدٍ.

عَ عَ سَبَرِ نّ تْورّ كُي،

عَلْ يّشّي شَبٍ مَشَبَ تّمُي.

8 عَ تٌ فّ كِيتِ تِنشِنتَرٍ سْتْدٍ، عَ نَشَ قَشَ.

ندٍ نْ عَ بَدٍ دُنِحَ مِشِيٍ يِ رَ؟

عَ حَشَنكَتَشِ ﭑ مَ حَمَ شَ يُنُبِيٍ نَن مَ قٍ رَ.

9 عٍ نُ وَ مَ عَ قُرٍ رَفَتَقٍ مِشِ حَاشِيٍ نَن يَ مَ،

كْنْ عَ رَحْنيِ عَ رَفَتَ مِشِ بَننَشِيٍ نَن يَ مَ،

بَرِ مَ عَ مُ مِشِ تْورْ، عَ مُ مِشِ مَدَشُ.

10 عَلَتَلَ بَرَ نَتّ تٌنفٌ عَ شَ عَ حَشَنكَتَ تْورّ رَ،

كْنْ سّرّشّ نَ بَ يُنُبِيٍ شَ قٍ رَ،

عَ قَمَ نّ عَ بْنسْي تٌدٍ، عَ بُ عَبَدَن.

عَلَتَلَ وَشْنقٍ رَكَمَلِمَ عَ تَن نَن سَابُي رَ.

11 عَ نَ فّ عَ شَ وَلِ رَبَدٍ،

عَ قَمَ نّ سّيوَدٍ.

«ﭑ مَ كٌنيِ تِنشِنشِ حَمَ قِندِ مَ نّ تِنشِنتْييٍ رَ،

عَ عٍ شُن سَرَ عٍ شَ يُنُبِيٍ شَ قٍ رَ.

12 ﭑ تِدٍ شُنفبٍ سٌمَ نّ عَ يِ رَ،

عَ شُننَكٍلِ سَرٍ سْتْ سّنبّ رَ،

عَ تٌ قَشَ مَتَندِلَيٍ يِ رَ،

عَ نُ بَرَ عَ يّتّ قِ سّرّشّ رَ مِشِ فبٍفبٍ شَ يُنُبِيٍ شَ قٍ رَ.»

<- عَننَبِ عٍسَيِ 52عَننَبِ عٍسَيِ 54 ->