6 سِكٍمِ بَبَ هَمٌرِ نَشَ سِفَ يَشُبَ شْنيِ عَ شَ سَ وْيّن عَ بّ. 7 يَشُبَ شَ دِيٍ تٌ عَ مّ نَشَن دَنفِشِ، عٍ نَشَ كٍلِ شّ مَ كٍرٍن نَ، عٍ فبِلٍن بَنشِ. عٍ بْحّ نَشَ تٍ كِ قَنيِ رَ بَرِ مَ سِكٍمِ قٍ مَيَافِشِ نَن نَبَشِ عِسِرَيِلَ بْشِ مَ، عَ قٍ نِيَ يَشُبَ شَ دِ فِنّ رَ نَشَن مُ لَنمَ عَ شَ رَبَ.
8 هَمٌرِ نَشَ عَ قَلَ عٍ بّ، «وٌ شَ دِ فِنّ بَرَ رَقَن ﭑ مَ دِ سِكٍمِ مَ. ﭑ بَرَ وٌ مَشَندِ، وٌ شَ عَ قِ عَ مَ، عَ شَ قِندِ عَ شَ فِنّ رَ. 9 وٌن شَ لُ قٍ كٍرٍن، وٌ وٌ شَ دِ فِنّيٍ قِ مُشُ مَ عَلَكٌ مُشُ شَ عٍ دْشْ. نَ تّمُي وٌ قَن نْمَ مُشُ فبٍيٍ دْشْدٍ. 10 وٌ شَ سَبَتِ يِ بْشِ مَ مُشُ سّيتِ مَ. بٍ شَ قِندِ وٌ شْنيِ رَ، وٌ شَ يُلّيَ رَبَ، وٌ شَ هَرِفٍ سْتْ.»
11 سِكٍمِ نَشَ عَ قَلَ دِنَ بَبَ نُن عَ تَارَيٍ بّ، «وٌ شَ هِننّ ﭑ نَ. وٌ وَ مَ سٍ نَشَن يٌ شْن، ﭑ عَ قِمَ وٌ مَ. 12 وٌ نْمَ قٍ بٍلٍبٍلٍ مَشْرِندٍ ﭑ مَ نَشَن قِندِ مَ كٌتٍ دْشْسٍ رَ، سَ سٍ فبٍفبٍ قَن قَرِ. وٌ نَ سٍ نَشَن بِرِن مَشْرِن ﭑ مَ، ﭑ نْمَ عَ بِرِن قِدٍ وٌ مَ عَلَكٌ ﭑ شَ يِ سُنفبُتُنيِ دْشْ.»
13 يَشُبَ شَ دِيٍ نَشَ وْيّن قُرُشِ قَلَ سِكٍمِ نُن عَ بَبَ هَمٌرِ بّ، بَرِ مَ سِكٍمِ نُ بَرَ عٍ شُنيَ دِنَ رَيَافِ. 14 عٍ نَشَ عَ قَلَ عٍ بّ، «مُشُ مُ نْمَ مُشُ شُنيَ فِنّمَ قِدٍ مِشِ مَ نَشَن مُ سُننَشِ. عَ قِندِ مَ يَافِ نَن نَ مُشُ بّ. 15 مُشُ مُ نْمَ وٌ وَشْنقٍ رَبَدٍ، قٌ وٌ شَ لُ عَلْ مُشُ تَن. مِشِ نَشَن بِرِن نَ وٌ شْنيِ، عٍ لَن نّ عٍ شَ سُننَ عَلْ مُشُ تَن. 16 نَ تّمُي مُشُ نْمَ مُشُ شَ دِ فِنّيٍ قِدٍ وٌ مَ، وٌ شَ عٍ دْشْ. مُشُ قَن وٌ فبٍيٍ دْشْ. مُشُ لُمَ وٌ سّيتِ مَ نَ تّمُي. وٌن بِرِن قِندِ حَمَ كٍرٍن نَ. 17 كْنْ شَ وٌ مُ قَ سَ تِن وٌ سُننَدٍ، مُشُ مُشُ شُنيَ فِنّمَ رَ سُشُمَ نّ، مُشُ كٍلِ بٍ.»
18 هَمٌرِ نُن عَ شَ دِ سِكٍمِ نَشَ تِن عٍ شَ مَسٍنيِ رَ. 19 نَ سّفّتَلَ مُ بُ نَ قٍ رَبَقٍ رَ، بَرِ مَ يَشُبَ شَ دِ فِنّ بَرَ رَقَن عَ مَ. عَ تَن نَن نُ وُرُفٍنتٍ رَ عَ نفَشَكٍرٍنيِيٍ تَفِ.
20 هَمٌرِ نُن سِكٍمِ نَشَ سِفَ عٍ شَ مَلَن يِرٍ تَا سٌدٍ دّ رَ. عٍ نَشَ عَ مَسٍن عٍ شَ حَمَ بّ، 21 «يِ مِشِيٍ وٌن مَ قٍ قَنيِ نَ عٍ بّ. عٍ شَ لُ يِ بْشِ مَ، عٍ شَ يُلّيَ رَبَ، بَرِ مَ وٌن مَ بْشِ فبٌ. وٌن نْمَ عٍ شَ دِ فِنّيٍ دْشْدٍ، وٌن قَن وٌن مَ دِ فِنّيٍ قِمَ عٍ مَ. 22 شَ يِ مِشِيٍ سَبَتِمَ بٍ، وٌن شَ قِندِ حَمَ كٍرٍن نَ، قٌ وٌن شَ يِ نَن نَبَ. شّمّ نَشَن بِرِن نَ وٌن شْنيِ بٍ، عٍ بِرِن لَن نّ عٍ شَ سُننَ عَلْ عٍ تَن. 23 شَ وٌن بَرَ تِن عٍ شَ مَسٍنيِ رَ، نَ تّمُي عٍ سَبَتِمَ وٌن شْنيِ. عٍ شَ شُرُ سٍيٍ نُن عٍ سْتْسٍ بِرِن قِندِ وٌن بِرِن فبٍ رَ.» 24 مِشِ نَشَن بِرِن نُ نَ تَا سٌدٍ دّ رَ نَ لْشْي، عٍ بِرِن نَشَ تِن هَمٌرِ نُن عَ شَ دِ سِكٍمِ شَ مَسٍنيِ رَ. شّمّ نَشَن بِرِن نُ نَ تَا كُي، عٍ بِرِن نَشَ عٍ سُننَ.
25 عٍ شَ سُننّ شِ سَشَن لْشْي، يِ شّمّيٍ سُننَدٍ تٌ نُ نَ عٍ شْنْقٍ، يَشُبَ شَ دِ شّمّ قِرِنيِيٍ سِمٍيْن نُن لٍوِ، دِنَ تَارَ شّمّمَيٍ نَشَ عٍ شَ سَنتِدّفّمَيٍ تٌنفٌ، عٍ سٌ تَا كُي، عٍ شّمّ بِرِن قَشَ سَنتِدّفّمَ رَ تّرّننَ رَ. 26 عٍ نَشَ هَمٌرِ نُن عَ شَ دِ سِكٍمِ قَن قَشَ. عٍ نَشَ دِنَ تٌنفٌ سِكٍمِ شْنيِ، عٍ نَشَ قَ عَ رَ. 27 يَشُبَ شَ دِ بٌورٍيٍ نَشَ سٍ بِرِن تٌنفٌ نَشٍيٍ قِندِ نَ مِشِ قَشَشِيٍ فبٍ رَ، بَرِ مَ عٍ نُ بَرَ عٍ شُنيَ فِنّمَ قُتِ كَنَ. 28 عٍ نَشَ عٍ شَ يّشّييٍ تٌنفٌ عَ نُن عٍ شَ سِيٍ، عٍ شَ نِنفٍيٍ نُن عٍ شَ سٌقَلٍيٍ، نَشٍيٍ نُ نَ تَا كُي عَ نُن دَاشَ. 29 سٍ نَشَن بِرِن نُ نَ، عٍ نَشَ عَ بِرِن شَنِن. عٍ نَشَ دِ مّيٍ نُن فِنّيٍ شَنِن. بَنشِ نَشَن بِرِن نُ نَ، عٍ نَشَ عَ بِرِن كَنَ.
30 يَشُبَ نَشَ عَ قَلَ سِمٍيْن نُن لٍوِ بّ، «وٌ بَرَ كْنتْقِلِ تِ ﭑ مَ ﭑ لُقٍ رَ شْننَنتٍيَ دْشْي كُي كَنَانكَيٍ نُن ثٍرٍ سِكَيٍ تَفِ. شّمّ فبٍفبٍ مُ نَ ﭑ يِ رَ. عٍ قَمَ نّ لَندٍ ﭑ شُن مَ، عٍ ﭑ بْنبْ، عٍ ﭑ شَبِلّ بِرِن هَلَكِ.» 31 عٍ نَشَ عَ يَابِ، «عَ نُ لَنمَ يِ مِشِ شَ مُشُ شُنيَ قِندِ لَنفٌي رَ؟»
<- قٍ قْلْ قْلّ 33قٍ قْلْ قْلّ 35 ->