1 نَ شَنبِ عَلَتَلَ نَشَ مِنِ عِبُرَ مَ مَ، عَ نَشَ عَ مَسٍن عَ بّ، «عِبُرَ مَ عِ نَشَ فَاشُ، ﭑ تَن نَن نَ عِ كَنتَمَ رَ. عِ سَرٍ شُنفبٍ سْتْمَ نّ.» 2 عِبُرَ مَ نَشَ عَ يَابِ، «مَرِفِ عَلَتَلَ، عِ مُنسٍ حَنِفٍشِ ﭑ بّ عَ قِقٍ رَ ﭑ مَ؟ ﭑ تٌ يِ كِ، دِ يٌ مُ نَ ﭑ بّ. مِشِ مُ نَ ﭑ بّ نَشَن ﭑ كّ تٌنفٌمَ قٌ ﭑ مَ وَلِكّ عٍلِيٍسٍرِ دَ مَسِ. 3 عِ مُ دِ يٌ قِشِ ﭑ تَن مَ. نَشَن بَرِشِ ﭑ مَ بَنشِ كُي، نَ نَن قِندِ مَ ﭑ كّ تٌنفٌمَ رَ.» 4 عَلَتَلَ نَشَ عَ يَابِ، «عَدٍ، نَ مُ قِندِ مَ عِ كّ تٌنفٌمَ رَ دٍ. عِ بَرِ دِ يَتِ نَن قَمَ قِندِدٍ عِ كّ تٌنفٌمَ رَ.» 5 عَلَتَلَ نَشَ عِبُرَ مَ رَ مِنِ عَ شَ كِرِ بَنشِ بُن مَ، عَ نَشَ عَ مَسٍن عَ بّ، «عِ يَ رَتٍ كٌورٍ مَ. عِ شَ تُنبُييٍ كْنتِ شَ عِ نْمَ عٍ كْنتِ كٌلٌندٍ.» عَ مَن نَشَ عَ مَسٍن عَ بّ، «تُنبُييٍ فبٌشِ كِ نَشّ كٌورٍ مَ، عِ بْنسْي قَن وُيَمَ نَ كِ نّ.» 6 عِبُرَ مَ نَشَ لَ عَلَتَلَ رَ. عَلَتَلَ قَن نَشَ نَ قِندِ تِنشِنيِ رَ عَ بّ.

7 عَلَ نَشَ عَ مَسٍن عَ بّ، «ﭑ تَن نَن نَ عَلَتَلَ رَ، نَشَن عِ رَ مِنِشِ عُرُ تَا كُي بَبِلْن بْشِ مَ. ﭑ بَرَ عِ شَنِن بْشِ مَ، ﭑ دّننَشّ قِشِ عِ مَ.» 8 عِبُرَ مَ نَشَ عَ مَرِفِ عَلَتَلَ مَشْرِن، «ﭑ نَ كٌلٌنمَ دِ، ﭑ قَمَ نَ سْتْدٍ؟»

9 عَلَتَلَ نَشَ عَ مَسٍن عَ بّ، «قَ نِنفٍ فِنّ، سِ فِنّ، نُن يّشّي كٌنتٌنيِ رَ، نَشٍيٍ بَرَ حّ سَشَن سَشَن سْتْ. عِ مَن شَ قَ فَنبّ نُن كٌلٌكٌندٍ لَنمَ رَ.» 10 عِبُرَ مَ نَشَ قَ نَ سُبٍيٍ رَ. عَ نَشَ نِنفٍ، سِ فِنّ، نُن يّشّي كٌنتٌنيِ عِشَبَ عَ تَفِ. عَ نَشَ نَ سُبٍ بٌلٌنيِيٍ سَ عٍ بٌورٍ يَ عِ، كْنْ عَ مُ نَ شْنِيٍ تَن عِشَبَ. 11 يُبّيٍ نَشَ قَ، عٍ فٌرٌ نَ سُبٍ قَشَشِ يِرٍ، كْنْ عِبُرَ مَ نَشَ عٍ بِرِن كٍرِ نَا. 12 سٌفٍ تٌ نُ دُلَقٍ، شِ شْلِ نَشَ دَنفِ عِبُرَ مَ مَ دُنفبّن. دِ مِ نَشَ سِن عَ مَ، فَاشُي شُنفبٍ نَشَ عَ سُشُ.

13 عَلَتَلَ نَشَ عَ مَسٍن عَ بّ، «عَ كٌلٌن، عِ بْنسْي قَمَ سِفَدٍ بْشِ فبّتّ مَ عٍ شْنيِ مُ دّننَشّ رَ. عٍ قِندِ مَ نّ كٌنيِيٍ رَ نَ بْشِ مَ. عٍ قٍ شْنّ مْولِ بِرِن سْتْمَ نّ مّننِ حّ كّمّ نَانِ بُن مَ. 14 كْنْ ﭑ قَمَ نّ نَ بْشِكَيٍ مَكِيتِدٍ، عِ بْنسْي قِندِ مَ كٌنيِيٍ رَ دّننَشّ. نَ دَنفِ شَنبِ، عِ بْنسْي كٍلِمَ نّ نَا، عٍ قَ نَاقُلِ شُنفبٍ شَنِن عٍ شُن مَ. 15 عِ تَن قَمَ نّ بْحّسَ سْتْدٍ، عِ مَن سِمَيَ شْنكُيٍ سْتْمَ نّ، هَن عِ سَ رَفَتَمَ تّمُي نَشّ. 16 عَمٌرِكَيٍ شَ يُنُبِ نَ فبٌ يّ تّمُي نَشّ، عِ بْنسْي تٌلٌنتٌلٌنيِيٍ قَمَ فبِلٍندٍ كٍلِقٍ عٍ شَ كٌنيِيَ كُي.»

17 سٌفٍ تٌ بَرَ دُلَ، كُيٍ بَرَ عِقْورْ، تُورِ نُن تّ نَشَ دَنفِ سُبٍ بٌلٌنيِيٍ تَفِ. 18 نَ لْشْي، عَلَتَلَ نَشَ يِ سَاتّ تٌنفٌ عِبُرَ مَ بّ، «ﭑ بَرَ يِ بْشِ قِ عِ بْنسْي مَ، كٍلِ مِسِرَ شُرٍ مَ، سَ دْشْ عٍقِرَتِ شُرٍ بٍلٍبٍلٍ رَ.» 19 سِ دْشْ وُيَشِ نَن نُ نَ نَ بْشِ مَ. نَ سِيٍ نَن يَ؛ كٍنِ، كٍنِسِ، كَدَ مٌن، 20 شِتِ، ثٍرِ سِ، رٍقَ، 21 عَمٌرِ، كَنَان، فِرِفَسَ، نُن يٍبُسُ.

<- قٍ قْلْ قْلّ 14قٍ قْلْ قْلّ 16 ->