1 نَ تّمُي دُنِحَ مِشِ بِرِن نُ شُي كٍرٍن نَن قَلَمَ. 2 مِشِ ندٍيٍ نَشَ كٍلِ، عٍ سِفَ سٌفٍتٍدٍ مَبِرِ، عٍ فٍيَ تٌ سِنَرِ بْشِ مَ. عٍ نَشَ سَبَتِ كّنّ مَ نَشَن نَ فُلُنبَ كُي. 3 عٍ نَشَ عَ قَلَ عٍ بٌورٍ بّ، «وٌ قَ، وٌن شَ بِرِكِ بْنبْ، وٌن شَ عٍ فَن.» عٍ نَشَ بِرِكِ قِندِ فّمّ حْشْي رَ. عٍ نَشَ مْتَ قِندِ دٌلٍ حْشْي رَ. 4 نَ شَنبِ عٍ نَشَ عَ قَلَ، «وٌن وَلِ سُشُ، وٌن شَ تَا تِ وٌن يّتّ بّ، عَ نُن بَنشِ بٍلٍبٍلٍ نَشَن تٍمَ هَن كٌورٍ مَ، عَلَكٌ وٌن شِلِ شَ فبٌ. نَ نَ عَ رَ، وٌن مُ لْيمَ وٌن بٌورٍ مَ.»

5 كْنْ عَلَتَلَ نَشَ فٌرٌ نَ تَا مَتٌدٍ، عَ نُن نَ بَنشِ بٍلٍبٍلٍ. 6 عَلَتَلَ نَشَ عَ مَسٍن، «شَ يِ مِشِيٍ بَرَ كَقُ عٍ بٌورٍ مَ يِ وَلِ رَبَدٍ، عٍ نَ شُي كٍرٍن قَلَ، وَلِ بِرِن عٍ وَ مَ نَشَن نَبَقٍ، عَ سْونّيَمَ نّ. 7 وٌن شّي، وٌن شَ فٌرٌ عٍ شَ شُي مَسُنبُدٍ عَلَكٌ عٍ نَشَ عٍ بٌورٍ وْيّن شُي قَهَامُ.» 8 نَ كُي عَلَتَلَ نَشَ نَ فَلِ رَيٍنسٍن يّ. نَ بَنشِ تِقٍ نَشَ دَن. 9 نَ يِرٍ شِلِ نَشَ سَ بَبٍلِ، بَرِ مَ عَلَتَلَ دُنِحَ مِشِيٍ شُييٍ رَوُيَ مّننِ نّ، عَ قَ عٍ رَيٍنسٍن يّ دُنِحَ بِرِن مَ.

10 سٍمِ شَ تَرُشُي نَن يَ. بَنبَرَنيِ دَنفِ شَنبِ حّ قِرِن، سٍمِ شَ سِمَيَ نَشَ حّ كّمّ لِ. عَ نَشَ قِندِ عَرَقَشَدِ بَبَ رَ. 11 عَ تٌ عَرَقَشَدِ سْتْ، سٍمِ نَشَ حّ كّمّ سُولِ سَ عَ قَرِ. عَ نَشَ دِ شّمّ نُن دِ فِنّ فبّتّيٍ سْتْ.

12 عَرَقَشَدِ تٌ حّ تٌنفٌ سَشَن عَ نُن سُولِ سْتْ، عَ نَشَ قِندِ سٍلَهَ بَبَ رَ. 13 عَ تٌ سٍلَهَ سْتْ، عَرَقَشَدِ نَشَ بُ حّ كّمّ نَانِ نُن حّ سَشَن. عَ نَشَ دِ شّمّ نُن دِ فِنّ فبّتّيٍ سْتْ.

14 سٍلَهَ تٌ حّ تٌنفٌ سَشَن سْتْ، عَ نَشَ قِندِ عٍبٍرِ بَبَ رَ. 15 عَ تٌ عٍبٍرِ سْتْ، سٍلَهَ نَشَ بُ حّ كّمّ نَانِ نُن حّ سَشَن. عَ نَشَ دِ شّمّ نُن دِ فِنّ فبّتّيٍ سْتْ.

16 عٍبٍرِ تٌ حّ تٌنفٌ سَشَن نُن نَانِ سْتْ، عَ نَشَ قِندِ ثٍلٍفِ بَبَ رَ. 17 عَ تٌ ثٍلٍفِ سْتْ، عٍبٍرِ نَشَ بُ حّ كّمّ نَانِ نُن حّ تٌنفٌ سَشَن. عَ نَشَ دِ شّمّ نُن دِ فِنّ فبّتّيٍ سْتْ.

18 ثٍلٍفِ تٌ حّ تٌنفٌ سَشَن سْتْ، عَ نَشَ قِندِ رُيٍ بَبَ رَ. 19 عَ تٌ رُيٍ سْتْ، ثٍلٍفِ نَشَ بُ حّ كّمّ قِرِن نُن حّ سٌلٌمَنَانِ. عَ نَشَ دِ شّمّ نُن دِ فِنّ فبّتّيٍ سْتْ.

20 رُيٍ تٌ حّ تٌنفٌ سَشَن عَ نُن قِرِن سْتْ، عَ نَشَ قِندِ سٍرُفُ بَبَ رَ. 21 عَ تٌ سٍرُفُ سْتْ، رُيٍ نَشَ بُ حّ كّمّ قِرِن نُن حّ سٌلٌقٍرٍ. عَ نَشَ دِ شّمّ نُن دِ فِنّ فبّتّيٍ سْتْ.

22 سٍرُفُ تٌ حّ تٌنفٌ سَشَن سْتْ، عَ نَشَ قِندِ نَشٌرِ بَبَ رَ. 23 عَ تٌ نَشٌرِ سْتْ، سٍرُفُ نَشَ بُ حّ كّمّ قِرِن. عَ نَشَ دِ شّمّ نُن دِ فِنّ فبّتّيٍ سْتْ.

24 نَشٌرِ تٌ حّ مْشْحّن نُن سٌلٌمَنَانِ سْتْ، عَ نَشَ قِندِ تٍرَ بَبَ رَ. 25 عَ تٌ تٍرَ سْتْ، نَشٌرِ نَشَ بُ حّ كّمّ نُن حّ قُ نُن سٌلٌمَنَانِ. عَ نَشَ دِ شّمّ نُن دِ فِنّ فبّتّيٍ سْتْ.

26 تٍرَ تٌ حّ تٌنفٌ سٌلٌقٍرٍ سْتْ، عَ نَشَ قِندِ عِبُرَ مَ، نَشٌرِ، نُن شَرَنِ بَبَ رَ.

27 تٍرَ شَ تَرُشُي نَن يَ. تٍرَ نَشَ قِندِ عِبُرَ مَ، نَشٌرِ، نُن شَرَنِ بَبَ رَ. شَرَنِ نَشَ قِندِ لٌتِ بَبَ رَ. 28 شَرَنِ سِنفٍ نَشَ قَشَ عَ بَبَ تٍرَ بّ عُرُ، كَلِدِ بْشِ مَ، عَ بَرِشِ دّننَشّ. 29 عِبُرَ مَ نُن نَشٌرِ نَشَ فِنّيٍ قٍن، عٍ نَشَ قُتِ شِرِ. عِبُرَ مَ شَ فِنّ شِلِ سَرَيِ. نَشٌرِ شَ فِنّ شِلِ مِلِكَ. مِلِكَ شَرَنِ شَ دِ نَ عَ رَ. دِ قِرِن نُ نَ شَرَنِ يِ رَ، مِلِكَ نُن عِسِكَ. 30 سَرَيِ دِبَرِتَرٍ نَن نُ عَ رَ. دِ يٌ مُ نُ نَ عَ بّ.

31 تٍرَ نَشَ عَ شَ دِ عِبُرَ مَ، عَ شَ مَمَدِ لٌتِ، نَشَن قِندِشِ شَرَنِ شَ دِ رَ، نُن عِبُرَ مَ شَ فِنّ سَرَيِ تٌنفٌ، عٍ نَشَ كٍلِ عُرُ كَلِدِ بْشِ مَ سِفَقٍ رَ كَنَان بْشِ مَ. كْنْ عٍ تٌ شَرَنِ لِ، عٍ نَشَ سَبَتِ مّننِ. 32 تٍرَ شَ سِمَيَ تٌ حّ كّمّ قِرِن حّ سُولِ لِ، عَ نَشَ لَاشِرَ شَرَنِ.

<- قٍ قْلْ قْلّ 10قٍ قْلْ قْلّ 12 ->