1 شّمّ نُن فِنّ ندٍ نَشَ عٍ بٌورٍ قُتِ، عٍ بِرِن قَتَن لٍوِ بْنسْي نَن نَ عِسِرَيِلَكَيٍ يَ مَ. 2 نَ فِنّ نَشَ تّيفّ، عَ دِ شّمّ بَرِ. عَ تٌ عَ تٌ دِ قَنيِ نَن نُ عَ رَ، عَ نَشَ عَ نْشُن كِكٍ سَشَن. 3 عَ تٌ مُ نُ نْمَ عَ نْشُندٍ سْنْن، عَ نَشَ كْلِمّ دٍبٍ مَسٌ دٌلٍ رَ، عَ دِيْرّ سَ عَ كُي، عَ قَ دٍبٍ دْشْ نِلِ شُرٍ مَ يٌقٌرٌي تَفِ. 4 نَ دِيْرّ تَارَ فِنّمَ نُ تِشِ يِرٍ ندٍ، عَ يَ تِشِ عَ شُنيَ رَ، عَلَكٌ عَ شَ عَ كٌلٌن قٍ نَشَن قَمَ نَ لِدٍ. 5 قِرَوُنَ شَ دِ فِنّ نَشَ فٌرٌ نِلِ شُرٍ مَ عَ مَشَدٍ. عَ تٌ دٍبٍ تٌ يٌقٌرٌي تَفِ، عَ نَشَ عَ شَ كٌنيِ فِنّ ندٍ شّي عَ تٌنفٌدٍ. 6 عَ تٌ عَ رَبِ، عَ نَشَ دِ شّمّ تٌ عَ كُي، عَ وَقٍ. عَ نَشَ كِنِكِنِ عَ مَ، عَ قَ عَ قَلَ، «عِسِرَيِلَكَ ندٍ شَ دِ نَ عَ رَ!»

7 نَ تّمُي، دِيْرّ تَارَ نَشَ قِرَوُنَ شَ دِ فِنّ مَشْرِن، «ﭑ شَ سِفَ عِسِرَيِلَ دِنفّ ندٍ شِلِ عِ بّ، عَ شَ قَ شِحّ قِ عَ مَ؟» 8 قِرَوُنَ شَ دِ فِنّ نَشَ عَ يَابِ، «عِيٌ.» دِيْرّ تَارَ نَشَ سِفَ، عَ سَ دِيْرّ نفَ شِلِ. 9 قِرَوُنَ شَ دِ فِنّ نَشَ عَ قَلَ دِيْرّ نفَ بّ، «يِ دِيْرّ شَنِن، عِ شَ شِحّ قِ عَ مَ ﭑ بّ. ﭑ عِ سَرٍ قِمَ نّ.» دِيْرّ نفَ نَشَ دِيْرّ تٌنفٌ، عَ شِحّ قِ عَ مَ. 10 دِيْرّ تٌ مْ، عَ نفَ نَشَ عَ شَنِن قِرَوُنَ شَ دِ فِنّ شْن مَ، عَ قِندِ نَ شَ دِ رَ. عَ تٌ عَ رَ مِنِشِ يٍ نَن شْورَ، عَ نَشَ عَ شِلِ سَ مُنسَ، نَشَن قَلَشِ «مِنِقٍ» عٍبُرُ شُي رَ.

11 مُنسَ تٌ قٌنِكٍيَ رَكَمَلِ، عَ نَشَ سِفَ عَ نفَشَكٍرٍنيِيٍ يِرٍ، عَ شَ عٍ شُن مَتٌ عَ رَ عٍ شَ وَلِ شْرْشْي كُي. عَ تٌ عَ نفَشَكٍرٍنيِيٍ يِرٍ لِ، عَ نَشَ مِسِرَكَ ندٍ تٌ عِسِرَيِلَكَ ندٍ بْنبْ رَ. 12 عَ تٌ مُ مِشِ يٌ تٌ نَ لٌنفٌرِ، عَ نَشَ نَ مِسِرَكَ قَشَ، عَ قَ عَ قُرٍ نْشُن مّيّنيِ كُي. 13 نَ كُيٍ عِبَ، مُنسَ مَن نَشَ مِنِ، عَ عِسِرَيِلَكَ قِرِن تٌ سْنشْ رَ. عَ نَشَ مِشِ مَشْرِن نْندِ مُ نَ نَشَن بّ، «عِ بَرِبٌورٍ بْنبْقٍ مُنقٍ رَ؟» 14 عَ نَشَ عَ يَابِ، «ندٍ عِ قِندِشِ مَنفّ نُن كِيتِسَ رَ مُشُ شُن مَ؟ عِ وَ مَ ﭑ قَن قَشَقٍ نّ، عَلْ عِ نَ مِسِرَكَ قَشَ كِ نَشّ؟» مُنسَ نَشَ فَاشُ. عَ نَشَ عَ قَلَ عَ بْحّ مَ، «ﭑ نَشَن نَبَشِ عَ بَرَ كٌلٌن.»

15 قِرَوُنَ تٌ عَ كٌلٌن مُنسَ نَشَن نَبَشِ، عَ نَشَ كَتَ مُنسَ قَشَدٍ. كْنْ مُنسَ نَشَ عَ فِ قِرَوُنَ مَ، عَ سَ سَبَتِ مَدِيَن بْشِ مَ. مُنسَ تٌ سِفَ نَا، عَ نَشَ كْلْنيِ ندٍ لِ، عَ قَ دْشْ عَ شَ عَ مَلَبُ. 16 مَدِيَن سّرّشّدُبّ شَ دِ فِنّ سٌلٌقٍرٍ نَشَ قَ يٍ بَدٍ نَ كْلْنيِ يِرٍ عٍ بَبَ شَ شُرُ سٍيٍ بّ. 17 كْنْ شُرُ سٍ دّمَدٌنيِ ندٍيٍ قَن نَشَ قَ، عٍ نَشَ وَ نَ فِنّيٍ كٍرِقٍ. مُنسَ تٌ نَ تٌ، عَ نَشَ كٍلِ، عَ نَ فِنّيٍ شُن مَفٍرٍ سٌ، عَ قَ يٍ قِ عٍ شَ شُرُ سٍيٍ مَ.

18 نَ فِنّيٍ تٌ فبِلٍن عٍ بَبَ رٍيُوٍلِ يِرٍ، عَ نَشَ عٍ مَشْرِن، «مُنسٍ عَ نِيَشِ وٌ فبِلٍنشِ سِننَنيِ مَ تٌ؟» 19 عٍ نَشَ عَ يَابِ، «مِسِرَكَ ندٍ بَرَ مُشُ رَتَنفَ شُرُ سٍ دّمَدٌنيِ كٌبِيٍ مَ، عَ مَن قَ يٍ بَ وٌن مَ شُرُ سٍيٍ بّ.» 20 رٍيُوٍلِ نَشَ عَ شَ دِ فِنّيٍ مَشْرِن، «عَ نَ مِندٍن؟ وٌ عَ لُشِ نَا مُنقٍ رَ؟ وٌ سَ عَ شِلِ، وٌ دٌنسٍ سٌ عَ يِ رَ.»

21 مُنسَ نَشَ تِن سَبَتِدٍ رٍيُوٍلِ شْنيِ. رٍيُوٍلِ نَشَ عَ شَ دِ فِنّ سِثٌرَ قِ مُنسَ مَ، عَ شَ عَ دْشْ. 22 سِثٌرَ نَشَ دِ شّمّ بَرِ عَ بّ. شْحّ نَن تٌ لَنشِ مُنسَ مَ نَ بْشِ مَ، عَ نَشَ عَ شَ دِ شِلِ سَ فٍرِ سٌمِ، نَشَن وَ مَ عَ قَلَقٍ، «شْحّ نَن ﭑ نَ يِ بْشِ مَ.»

23 حّ وُيَشِ دَنفِ شَنبِ، مِسِرَ مَنفّ نَشَ قَشَ. عِسِرَيِلَكَيٍ نُ عٍ مَوَقٍ عَلَ بّ عٍ شَ كٌنيِيَ شْرْشْي شَ قٍ رَ. نَ مَشَندِ نَشَ عَلَ لِ. 24 عَلَ نَشَ عٍ وَ شُي مّ. عَ نَشَ رَتُ عَ شَ سَاتّ مَ نَشَن شِرِشِ عَ تَن نُن عِبُرَهِمَ، عِسِيَفَ، نُن يَشُبَ تَفِ. 25 نَ كُي عَلَ نَشَ عَ يَ رَقِندِ عِسِرَيِلَكَيٍ مَ، عَ شَ عَ حّنفِ سَ عٍ شْن مَ.

<- يّتّ سْتْي 1يّتّ سْتْي 3 ->