1 وٌ قَن نُ قِندِشِ مِشِ قَشَشِيٍ نَن نَ وٌ شَ قٍ كٌبِيٍ نُن وٌ شَ يُنُبِيٍ شَ قٍ رَ 2 وٌ نُ حّرّ مَ نَشٍيٍ مَ. وٌ نُ بِرَشِ يِ دُنِحَ قٍ كٌبِيٍ نَن قْشْ رَ. وٌ نُ بِرَشِ سٍنتَنّ نَن قْشْ رَ، حِننّيٍ شَ مَنفّ نَشَن نَ كُيٍ مَ. وٌ نُ بِرَشِ عَ شَشِلِ نَن قْشْ رَ نَشَن نَ وَلِقٍ عَلَ يَشُييٍ تَفِ. 3 سِنفٍ، وٌن بِرِن نُ حّرّ مَ نَ مْولِ نَن نَ، وٌن بِرَ وٌن قَتٍ وَشْنقٍ نُن وٌن يّتّ شَشِلِ قْشْ رَ. نَ كُي، عَ نُ لَنمَ وٌن شَ عَلَ شَ شْنّ نَن تُن سْتْ عَلْ بٌورٍيٍ.

4 كْنْ عَلَ شَ كِنِكِنِ فبٌ. عَ وٌن شَنُشِ شَنُنتٍيَ تِلِنشِ نَن نَ. 5 نَ كُي، هَلِ قَشَمِشِيٍ نَن تٌ نُ وٌن نَ وٌن مَ قٍ كٌبِ رَبَشِيٍ شَ قٍ رَ، عَلَ نَشَ وٌن نَكٍلِ نَ قَشّ مَ، وٌن نُن عَ شَ مِشِ سُفَندِشِ. وٌ كِسِشِ عَلَ شَ هِننّ نَن سَابُي رَ. 6 عَلَ تٌ بَرَ وٌن نَكٍلِ قَشّ مَ وٌن نُن عَ شَ مِشِ سُفَندِشِ رَ، عَ بَرَ وٌن نَسٌ عَرِيَننَ، عَ وٌن دْشْ عَ قّ مَ. 7 عَ شَ قٌنِسِرٍيَ كُي، عَلَ كِسِ قِشِ وٌن مَ عَ شَ مِشِ سُفَندِشِ عِسَ نَن سَابُي رَ، عَلَكٌ بِرِن شَ عَ شَ هِننّ مَكَابَشِ تٌ وَشَتِ بِرِن نَشَن سَ قَمَ.

8 وٌ كِسِشِ عَلَ شَ هِننّ نَن سَابُي رَ، وٌ شَ دَنشَنِيَ شَ قٍ رَ. كِسِ مُ كٍلِمَ وٌ تَن شَ مَ، عَلَ نَن عَ قِمَ مِشِ مَ. 9 عَ مُ كٍلِمَ مِشِ شَ وَلِ قَنيِيٍ شَ مَ. نَ كُي، مِشِ يٌ مُ نْمَ عَ يّتّ مَتْشْدٍ. 10 عَلَ شَ وَلِ قْشِ نَن نَ وٌن نَ. يَكْسِ، عَ بَرَ وٌن دَا عَ شَ مِشِ سُفَندِشِ عِسَ سَابُي رَ، عَلَكٌ وٌن شَ نُ وَلِ قَنيِيٍ رَبَ، عَ بَرَ نَشٍيٍ تِ وٌن يَ عِ وٌن شَ نُ حّرّ عٍ مَ.

11 نَ كُي، وٌ شَ رَتُ عَ يُوِقِيٍ مُ وٌ رَ بَرِ كّحَ مَ. نَشٍيٍ شِلِ قَلَمَ «سُننَمِشِيٍ»، عٍ وٌ قَن شِلِ قَلَمَ «سُننَتَرٍي». وٌ شَ عَ كٌلٌن عَ سُننّ قِندِشِ عَدَ مَ شَ وَلِ نَن نَ، نَشَن نَبَمَ مِشِ قَتٍ رَ. 12 وٌ شَ رَتُ عَ سِنفٍ رَ وٌ مُ نُ عَلَ شَ مِشِ سُفَندِشِ شَ قٍ يٌ كٌلٌن. شْحّيٍ نَن نُ وٌ رَ عِسِرَيِلَكَيٍ يَ مَ. لَايِدِ نُن سَاتّ يٌ مُ نُ شِرِشِ وٌ نُن عَلَ تَفِ. شَشِلِ تِدٍ يٌ مُ نُ نَ وٌ يِ رَ، عَلَ كٌلٌنتَرٍيٍ نَن نُ وٌ رَ دُنِحَ مَ.

13 كْنْ يَكْسِ، وٌ تَن نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ، وٌ تَن نَشٍيٍ نُ مَكُيَشِ، عَلَ بَرَ وٌ مَسٌ عَ رَ عَ شَ مِشِ سُفَندِشِ وُلِ سَابُي رَ. 14 عَ تَن نَن لَنيِ رَ سٌشِ وٌن تَفِ، حَمَ قِرِن شَ قِندِ كٍرٍن نَ. عَ تٌ عَ يّتّ قَتٍ بَ سّرّشّ رَ، عَ بَرَ يَشُيَ تّتّ رَبِرَ نَشَن نُ تِشِ وٌن تَفِ. 15 عَ بَرَ يُوِقِيٍ شَ سّرِيّ، عٍ شَ يَامَرِيٍ، نُن عٍ شَ تْنيِيٍ سّنبّ كَنَ. عَ بَرَ نَ حَمَ قِرِن تٌنفٌ، عَ لَنيِ شِرِ عٍ تَفِ، عَ عٍ قِندِ حَمَ نّينّ كٍرٍن نَ عَ شَ يَامَرِ بُن مَ. 16 عَ شَ قَشّ سَابُي رَ وُرِ مَفَلَنبُشِ مَ، عَ بَرَ عٍ شَ يَشُيَ كَنَ، عَ عٍ قِرِن بِرِن قِندِ كٍرٍن نَ، عَ لَنيِ نُن بْحّسَ لُ عٍ تَن نُن عَلَ تَفِ. 17 عَ تٌ قَ، عَ نَشَ وٌ كَوَندِ لَنيِ نُن بْحّسَ رَ، وٌ تَن نَشٍيٍ نُ مَكُيَ. نَشٍيٍ قَن نُ مَكْرّ، عَ نَشَ نٍيٍ كَوَندِ لَنيِ نُن بْحّسَ رَ. 18 عَ تَن نَن نَادّ رَبِشِ وٌن قِرِن بِرِن بّ، وٌن نُن بَبَ عَلَ شَ لُ يِرٍ كٍرٍن، عَ شَشِلِ سّنِيّنشِ كٍرٍنيِ سَابُي رَ.

19 نَ كُي، وٌ تَن نَشٍيٍ مُ نُ نَ عَلَ شَ مِشِيٍ يَ مَ، يَكْسِ وٌ قَن بَرَ قِندِ سّنِيّنتْييٍ رَ، وٌ بَرَ سٌ عَلَ شَ مِشِيٍ يَ مَ. 20 وٌ بَرَ لُ عَلْ بَنشِ تِشِ نَشَن بُنيِ قِندِ شّيرَيٍ نُن نَمِحْنمّيٍ رَ. عَلَ شَ مِشِ سُفَندِشِ عِسَ نَن قِندِ نَ بَنشِ فّمّ هَفِفّ رَ نَشَن تِدٍ فبٌ عَ بِرِن بّ. 21 بَنشِ يِرٍ بِرِن عَ بٌورٍ سُشُشِ عَ تَن نَن سَابُي رَ، عَ عِتٍ، عَ قِندِ هْرْ مْبَنشِ سّنِيّنشِ رَ مَرِفِ بّ. 22 عِسَ بَرَ عَ نِيَ وٌ قَن شَ نُ مَلَن عَلْ بَنشِ بِرِكِ دْشْمَ عَ بٌورٍ رَ كِ نَشّ. عَلَ نَ وٌ تِقٍ عَلْ بَنشِ عَ شَشِلِ سَبَتِمَ دّننَشّ.

<- عٍقّسّ 1عٍقّسّ 3 ->