5 عٍ نُ نَ نَ رَبَقٍ تّمُي نَشّ، مِشِ بّلّشّسٌلٍيٍ نَشَ مِنِ، عَ نُ سّبّلِ تِ بَنشِ كَنكٍ، لَنثُي يَتَفِ. مَنفّ تٌ بّلّشّ تٌ سّبّلِ تِ رَ، 6 عَ يَتَفِ نَشَ مَسَرَ. عَ نَشَ فَاشُ هَن عَ شِنبِيٍ نُ بْنبْ عٍ بٌورٍ رَ. 7 عَ نَشَ سٍمَتٌي، سّرّشّدُبّيٍ، نُن مَندُرُلَيٍ شِلِ عَ شُي عِتٍشِ رَ. عَ نَشَ عَ قَلَ بَبِلْن لْننِلَيٍ بّ، «نَشَن نَ يِ سّبّلِ شَرَن، عَ عَ قَسَرِ ﭑ بّ، ﭑ نَ كَنيِ مَشِرِ مَ نّ مَنفّ دُفِ رَ، ﭑ شّيمَ كْنمَفٌرٍ رَفٌرٌ عَ كْن مَ، ﭑ قَ سّنبّ سٌ عَ يِ رَ ﭑ مَ مَنفّيَ كُي عَ قِندِ مَنفّ سَشَن ندٍ رَ ﭑ تَن نُن ﭑ قّمَتِ شَنبِ رَ.»
8 مَنفّ شَ لْننِلَيٍ بِرِن نَشَ سٌ، كْنْ عٍ مُ نْ نَ سّبّلِ شَرَندٍ، عٍ مُ نْ سٍسٍ قَسَرِدٍ مَنفّ بّ. 9 نَ كُي مَنفّ بٍلِسَسَرِ نَشَ فَاشُ هَن عَ يَتَفِ نَشَ مَسَرَ، عَ شَ كُنتِفِيٍ قَن نَشَ عِقُ.
10 مَنفّ شَ فِنّ تٌ مَنفّ نُن عَ شَ كُنتِفِيٍ شُي مّ، عَ نَشَ سٌ بَنشِ كُي شُلُنيِ نُ تِقٍ دّننَشّ. عَ نَشَ عَ قَلَ، «مَنفّ، عِ شَ سِمَيَ شْن شَ كُيَ. هَلِ عِ مُ فَاشُ، عِ يَتَفِ نَشَ مَسَرَ. 11 مِشِ ندٍ نَ عِ شَ بْشِ مَ، عَلَ سّنِيّنشِيٍ شَشِلِ نَ نَشَن بّ. عِ بَبَ شَ وَشَتِ، مُشُ بَرَ عَ تٌ قَهَامُلَ نَن نَ كَنيِ رَ، عَ شَشِلِ قَن، عَ شَ لْننِ لُشِ نّ عَلْ عَلَيٍ فبٍ. نَ نَن عَ رَ، عِ بَبَ مَنفّ نٍبُكَدَنسَرِ نُ بَرَ عَ قِندِ كَرَ مْشْييٍ، سٍمَتٌييٍ، سّرّشّدُبّيٍ، نُن مَندُرُلَيٍ شُنيِ رَ. عِ بَبَ، نَشَن نُ مَنفّ رَ، عَ تَن 12 عَ تٌ نّ عَ دَنِيّلِ، بٍلٍتٍسَسَرِ شِلِ سَشِ نَشَن شُن، عَ شَشِلِ، عَ شَ قٍ كٌلٌنيِ، نُن عَ شَ قَهَامُي قَن بٌورٍيٍ بِرِن بّ. عَ نْمَ شِيٍ تَفِرَبَدٍ، عَ تَالِ وْيّنيِ قَتَنقَسِ، عَ مَشْرِنيِ شْرْشْي يَابِ. عِ شَ دَنِيّلِ شِلِ، عَ قَمَ نّ يِ قٍ بِرِن تَفِرَبَدٍ عِ بّ.»
13 نَ تّمُي عٍ نَشَ قَ دَنِيّلِ رَ مَنفّ يِرٍ. مَنفّ نَشَ عَ مَشْرِن، «عِ تَن نَن نَ دَنِيّلِ رَ، ﭑ بَبَ قَشِ نَشَن نَ كٍلِقٍ يُدَيَ؟ 14 ﭑ بَرَ عَ مّ عَ عَلَيٍ شَشِلِ نَ عِ بّ، نَشَن لْننِ نُن قَهَامُي بٍلٍبٍلٍ قِمَ عِ مَ. 15 عٍ بَرَ قَ لْننِلَيٍ نُن كَرَ مْشْييٍ رَ، عٍ شَ يِ سّبّلِ شَرَن، عٍ شَ عَ قَسَرِ ﭑ بّ، كْنْ عٍ مُ نْ نَ رَبَدٍ. 16 ﭑ بَرَ عَ مّ عَ عِ نْمَ قٍيٍ تَفِ رَبَدٍ، عَ نُن مَشْرِنيِ شْرْشْي يَابِدٍ. يَكْسِ، شَ عِ نْمَ يِ سّبّلِ شَرَندٍ، عِ عَ قَسَرِ ﭑ بّ، ﭑ عِ مَشِرِ مَ مَنفّ دُفِ رَ، ﭑ شّيمَ كْنمَفٌرٍ رَفٌرٌ مَ عِ كْن مَ، ﭑ قَ عِ قِندِ مَنفّ رَ نَشَن دَنفِمَ بِرِن نَ، قٌ ﭑ تَن نُن مَنفّ فبّتّ، ﭑ قّمَتِ.»
17 دَنِيّلِ نَشَ مَنفّ يَابِ، «عِ شَ نَاقُلِ رَفَتَ عِ يّتّ بّ، عِ شَ بُحَيٍ قِ مِشِ فبّتّ مَ. ﭑ يِ سّبّلِ شَرَنمَ نّ مَنفّ بّ، ﭑ مَن عَ قَسَرِ عَ بّ. 18 مَنفّ، عَلَ شُنفبٍ نَن مَنفّيَ، سّنبّ، بِنيّ، نُن نْرّ قِشِ عِ بَبَ نٍبُكَدَنسَرِ مَ. 19 نَ نَن عَ رَ، سِ نُن بْنسْي بِرِن نُ سّرّنمَ فَاشُي رَ عِ بَبَ يَ رَ. عَ نَ وَ نَشَن قَشَقٍ نُ، عَ نُ نَ قَشَمَ نّ. عَ نَ وَ نَشَن نَتَنفَقٍ نُ، عَ نُ نَ رَتَنفَمَ نّ. عَ نَ وَ نَشَن نَتٍقٍ نُ، عَ نُ نَ رَتٍمَ نّ. عَ نَ وَ نَشَن نَفٌرٌقٍ نُ، عَ نُ نَ رَفٌرٌ مَ نّ. 20 كْنْ عَ تٌ عَ يّتّ عِفبٌ عَ نَشَ دَنفِ عَ عِ، عَلَ نَشَ عَ شَ مَنفّيَ نُن عَ نْرّ بَ عَ يِ رَ. 21 عَ نَشَ عَ كٍرِ عَدَ مَدِيٍ يَ مَ. عَ عَدَ مَدِ شَشِلِ نَشَ مَسَرَ، عَ قِندِ سُبٍ شَشِلِ رَ. عَ نَشَ لُ وُلَ عِ سٌقَلٍيٍ قْشْ رَ، عَ سّشّ دٌن عَلْ نِنفٍيٍ. شِنِ نُ عَ قَتٍ بُندَ، هَن عَ عَ كٌلٌن عَ عَلَ شُنفبٍ نَن عَدَ مَدِيٍ شَ مَنفّيَيٍ يَمَرِ مَ، عَ تَن نَن مَنفّيَ سٌمَ مِشِ يِ رَ عَ وَ مَ نَشَن شْن.»
22 «عِ تَن، عَ شَ دِ بٍلِسَسَرِ، عِ بَرَ نَ بِرِن كٌلٌن، كْنْ عِ مُ عِ يّتّ مَفٌرٌ قٍوٌ. 23 عِ بَرَ عِ يّتّ عِتٍ كٌورٍ مَرِفِ شِلِ مَ. عِ بَرَ عَ شَ هْرْ مْبَنشِ ثْوتِيٍ رَوَلِ. عِ تَن، عِ شَ كُنتِفِيٍ، عِ شَ فِنّيٍ، عِ شَ كٌنيِ فِنّيٍ، وٌ بِرِن بَرَ وّنِ مِن نَ ثْوتِيٍ رَ. عِ بَرَ كُيٍيٍ بَتُ نَشٍيٍ يَءِلَنشِ فبٍتِ، شّيمَ، يْشُي، وُرٍ، وُرِ، نُن فّمّ رَ. عٍ مُ سٍيٍ تٌمَ، عٍ مُ قٍيٍ مّمَ، عٍ مُ سٍسٍ كٌلٌن، كْنْ عِ بَرَ عٍ بَتُ. عِ شَ دُنِحّءِفِرِ بِرِن نَ عَلَ بّلّشّ عِ، كْنْ عِ تَن مُ عَ تَنتُمَ. 24 نَ نَن عَ تٌشِ، عَلَ نَشَ يِ بّلّشّ نُن يِ سّبّلِ مَسٍن عِ بّ.»
25 «يِ سّبّلِ نَن تِشِ؛ ‹مٍنٍ، مٍنٍ، تٍكٍلٍ، ثَرِ سِن.› 26 نَ وَ مَ نَشَن مَسٍنقٍ نَ نَن يَ؛ ‹مٍنٍ›، نَ نَن نَ كِ ‹كْنتِ›. عَلَ بَرَ عِ شَ مَنفّيَ لْشْييٍ كْنتِ، عَ بَرَ دَنيِ سَ عٍ مَ. 27 ‹تٍكٍلٍ›، نَ نَن نَ كِ ‹مَنِيّ›. عَلَ بَرَ عِ مَنِيّ، عِ يٍلٍبُ. 28 ‹ثَرِ سِن› نَ نَن نَ كِ ‹مَءِتَشُنيِ›. عَلَ بَرَ عِ شَ مَنفّيَ عِتَشُن مٍدٍكَيٍ نُن ثٍرِ سٍكَيٍ مَ.»
29 بٍلِسَسَرِ نَشَ يَامَرِ قِ كٍرٍن نَ، عَ دَنِيّلِ شَ مَشِرِ مَنفّ دُفِ رَ، عَ نُن شّيمَ كْنمَفٌرٍ رَ، عَ مَن شَ قِندِ مَنفّ سَشَن ندٍ رَ بْشِ بِرِن شُن مَ.
30 نَ كْي كٍرٍنيِ كُي مِشِ ندٍ نَشَ بَبِلْن مَنفّ بٍلِسَسَرِ قَشَ.
<- عَننَبِ دَنِيّلِ 4عَننَبِ دَنِيّلِ 6 ->