1 قّسِتُ نَشَ شِ سَشَن نَبَ سٍسَرٍ. نَ شَنبِ، عَ نَشَ تٍ دَرِ سَلَمُ. 2 سّرّشّدُبّ كُنتِفِ نُن يُوِقِ كُنتِفِيٍ نَشَ ثْلُ كَلَمُ قّسِتُ بّ. 3 عٍ نَشَ قّسِتُ مَيَندِ عَ شَ قَ عَ رَ دَرِ سَلَمُ. عٍ نُ وَ مَ نّ عٍ شَ عَ قَشَ كِرَ رَ. 4 قّسِتُ نَشَ عٍ يَابِ، «ثْلُ مَكَنتَشِ سٍسَرٍ. عَ فبٍفبٍ مُ لُشِ ﭑ تَن قَن شَ سِفَ نَا. 5 وٌ شَ يَرٍرَتِ ندٍيٍ شَ ﭑ مَتِ، وٌ شَ ثْلُ كَلَمُ نَا شَ عَ بَرَ سَ قٍ حَاشِ ندٍ رَبَ.»

6 قّسِتُ مُ سٍ سَ شِ سٌلٌمَسَشَن قَرِ، شَ نَ مُ عَ رَ شِ قُ دَرِ سَلَمُ، عَ نَشَ فٌرٌ سٍسَرٍ. نَ كُيٍ عِبَ، عَ نَشَ دْشْ عَ شَ كِيتِ كِبَنيِ مَ. عَ نَشَ يَامَرِ قِ عٍ شَ قَ ثْلُ رَ. 7 عَ تٌ قَ، يُوِقِيٍ نَشٍيٍ قَ كٍلِ دَرِ سَلَمُ، عٍ نَشَ عَ رَبِلِن. عٍ نَشَ تْوحّفّ فبٍفبٍ سَ عَ شُن، عٍ مُ نُ نْمَ نَشَن مَسٍندٍ نْندِ رَ. 8 ثْلُ نَشَ سٌ عَ يّتّ شُنمَقَلَقٍ، عَ نُ عَ قَلَ، «ﭑ مُ قٍ حَاشِ يٌ رَبَشِ يُوِقِيٍ شَ سّرِيّ رَ، شَ نَ مُ هْرْ مْبَنشِ رَ، شَ نَ مُ عَ رَ رْ مَ مَنفّ رَ.» 9 قّسِتُ تٌ وَ عَ يّتّ مَقَنقٍ يُوِقِيٍ شْن، عَ نَشَ ثْلُ مَشْرِن، «عِ وَ مَ تٍقٍ دَرِ سَلَمُ عِ شَ سَ مَكِيتِ يِ قٍيٍ مَ ﭑ يَ شْرِ؟» 10 ثْلُ نَشَ عَ يَابِ، «ﭑ لَنمَ ﭑ شَ مَكِيتِ مَنفَسَنيِ شَ كِيتِ بَنشِ نَن كُي، ﭑ تِشِ دّننَشّ يِ كِ. ﭑ مُ قٍ كٌبِ يٌ رَبَشِ يُوِقِيٍ رَ. عِ قَن نَ كٌلٌن عَ قَنيِ رَ. 11 شَ ﭑ بَرَ قٍ حَاشِ رَبَ عَ لَنمَ ﭑ شَ قَشَ نَشَن مَ، ﭑ مُ تٌندِ مَ ﭑ شَ قَشَ، كْنْ شَ عٍ نَشَن قَلَمَ وُلٍ نَ عَ رَ، عَ مُ لَن مِشِ يٌ شَ ﭑ سٌ عٍ يِ رَ. مَنفّ شُنفبٍ شَ سَ ﭑ مَكِيتِ رْ مَ.» 12 قّسِتُ تٌ وْيّن عَ رَ سِمَيٍ رَ، عَ نَشَ عَ قَلَ ثْلُ بّ، «عِ بَرَ وَ سِفَقٍ مَنفّ شُنفبٍ شْن. عَوَ، عِ سِفَمَ نّ.»

13 شِ ندٍ تٌ دَنفِ، مَنفّ عَفِرِثَ نُن بٍرِنِسِ نَشَ سٌ سٍسَرٍ قّسِتُ شّيبُدٍ. 14 عٍ تٌ بَرَ شِ وُيَشِ رَدَنفِ نَا، قّسِتُ نَشَ ثْلُ شَ قٍ قَلَ مَنفّ عَفِرِثَ بّ. عَ نَشّ، «قٍلِسِ بَرَ فٍيلِمَنِ ندٍ لُ بٍ. 15 ﭑ نُ نَ دَرِ سَلَمُ تّمُي نَشّ، سّرّشّدُبّ كُنتِفِيٍ نُن يُوِقِيٍ قٌرِيٍ نَشَ عَ كَلَمُ، عٍ مَن نَشَ وَ عَ شَ قَشَ. 16 ﭑ نَشَ عٍ يَابِ عَ رْ مَكَيٍ شَ سّرِيّ مُ مِشِ قَشَمَ، قٌ عَ شَ عَ فبٍ قَلَ كَلَمُسَيٍ بّ كِيتِسَ يَ شْرِ. 17 نَ قٍ نَن عٍ رَقَشِ بٍ. ﭑ قَن مُ دُفُندِ. نَ كُيٍ عِبَ، ﭑ نَشَ دْشْ ﭑ مَ كِيتِ بَنشِ. ﭑ نَشَ يَامَرِ قِ عٍ شَ قَ نَ شّمّ رَ. 18 كَلَمُسَيٍ تٌ عٍ دّنتّفّ، عٍ مُ قٍ حَاشِ يٌ قَلَ عَ شُن مَ، ﭑ نُ نَشٍيٍ مَحْشُنشِ. 19 عٍ نُ شْرْشْمَ عٍ شَ دِينّ نَن مَ قٍ رَ، عَ نُن عِسَ شَ قٍ رَ. عٍ نَشّ عَ بَرَ قَشَ، كْنْ ثْلُ نَشّ عَ بَلٌشِ. 20 عَوَ، ﭑ تٌ مُ عَ كٌلٌن عَ لَن ﭑ شَ نَشَن نَبَ، ﭑ نَشَ عَ مَشْرِن شَ عَ وَ مَ سِفَقٍ دَرِ سَلَمُ، عَ شَ مَكِيتِ نَا. 21 كْنْ ثْلُ نَشَ وَ عَ شَ قٍ شَنِنقٍ مَنفّ شُنفبٍ شْن مَ. نَ تّمُي ﭑ نَشَ يَامَرِ قِ عٍ شَ عَ كَنتَ هَن ﭑ عَ رَ سَنبَمَ مَنفّ شُنفبٍ مَ تّمُي نَشّ.»

22 عَفِرِثَ نَشَ عَ قَلَ قّسِتُ بّ، «ﭑ قَن وَ مَ ﭑ تُلِ مَتِقٍ نَ شّمّ رَ.» قّسِتُ نَشَ عَ يَابِ، «تِنَ، عِ عَ شُي مّمَ.» 23 عَوَ، نَ كُيٍ عِبَ، عَفِرِثَ نُن بٍرِنِسِ نَشَ سٌ مَلَن يِرٍ عٍ نُن تَا كُنتِفِيٍ. عٍ نُ مَشِرِشِ عَ قَنيِ رَ. قّسِتُ شَ يَامَرِ مَ، عٍ نَشَ قَ ثْلُ رَ. 24 قّسِتُ نَشَ عَ قَلَ، «مَنفّ عَفِرِثَ نُن وٌ تَن نَشٍيٍ بِرِن نَ بٍ، وٌ بَرَ يِ شّمّ تٌ يُوِقِ نَشَن بِرِن كَلَمُشِ ﭑ شْن دَرِ سَلَمُ نُن بٍ. عٍ نَشّ عَ عَ شَ قَشَ. 25 ﭑ تَن بّ، عَ مُ قٍقٍ رَبَشِ عَ لَن عَ شَ قَشَ نَشَن مَ، كْنْ عَ تَن يَتِ بَرَ مَيَندِ تِ سِفَقٍ رَ مَنفّ شُنفبٍ شْنيِ رْ مَ. عَوَ، ﭑ قَن بَرَ تِن نَ رَ. 26 ﭑ مُ قٍ شْرِ يٌ سْتْشِ نَشَن سّبّمَ مَنفّ شُنفبٍ مَ عَ شَ قٍ رَ. نَ نَ عَ رَ، ﭑ عَ رَ مِنِشِ وٌ يَ عِ، عَ فبٍنفبٍنيِ عِ تَن مَنفّ عَفِرِثَ، عَلَكٌ وٌن نَ فّ عَ مَشْرِندٍ ﭑ شَ عَ كٌلٌن عَ لَنمَ ﭑ شَ نَشَن سّبّ. 27 ﭑ مُ نْمَ فٍيلِمَنِ رَ سَنبَدٍ مَنفّ مَ، ﭑ مُ عَ مَسٍن عَ نَشَن نَبَشِ.»

<- شّيرَيٍ شَ تَرُشُي 24شّيرَيٍ شَ تَرُشُي 26 ->