1 مُشُ تٌ قَتَن، مُشُ نَشَ سِفَ كٍرٍن نَ كٌسِ كُنكُي كُي. نَ كُيٍ عِبَ، مُشُ نَشَ سِفَ رٌدِ. مُشُ تٌ كٍلِ رٌدِ، مُشُ نَشَ سِفَ ثَتَرَ. 2 مُشُ تٌ كُنكُي تٌ نَا، نَشَن نُ بَا عِفِرِقٍ سِفَقٍ قٍنِسِيَ بِرِ رَ، مُشُ نَشَ بَكِ نَ كُي. 3 مُشُ تٌ بَرَ سِثِرِ سُرِ تٌ، مُشُ نَشَ دَنفِ نَ رَ كْولَ مَ، سِفَقٍ سِرِيَ بِرِ رَ. مُشُ نَشَ تِ تِرٍ عَلَكٌ كٌتٍ شَ رَفٌرٌ. 4 مُشُ نَشَ عِسَ قْشِرَبِرّيٍ ندٍيٍ لِ نَا. مُشُ نَشَ شِ سٌلٌقٍرٍ رَدَنفِ عٍ شْنيِ. عَلَ شَشِلِ سّنِيّنشِ نَشَ فٌرٌ عِسَ قْشِرَبِرّيٍ مَ، عٍ شَ عَ قَلَ ثْلُ بّ عَ نَشَ تٍ دَرِ سَلَمُ.

5 كْنْ شِ سٌلٌقٍرٍ كَمَلِ لْشْي، مُشُ نَشَ كِرَ تٌنفٌ سِفَقٍ رَ. عٍ بِرِن نَشَ مُشُ مَتِ، عَ نُن عٍ شَ فِنّيٍ نُن عٍ شَ دِيٍ رَ، هَن تَا قَرِ مَ. مُشُ نَشَ مُشُ شِنبِ سِن بَا دّ رَ عَلَ مَشَندِقٍ رَ. 6 حُنفُي تٌ حْن، مُشُ نَشَ بَكِ كُنكُي كُي. بٌورٍيٍ تَن نَشَ فبِلٍن عٍ شْنيِ. 7 مُشُ نَشَ كٍلِ تِرٍ سِفَقٍ رَ ثِتٌلٌمَيِ. مُشُ نَشَ نفَشَكٍرٍنيِيٍ شّيبُ مّننِ، مُشُ نَشَ قّيحّن نَا.

8 نَ كُيٍ عِبَ، مُشُ نَشَ سِفَ سٍسَرٍ، قِلِثُ شِبَارُ قَنيِ كَوَندِلَ شْنيِ، نَشَن نُ نَ مِشِ سُفَندِشِ سٌلٌقٍرٍ يَ مَ. 9 عَ شَ دِ فِنّ نَانِ نُ نَ نَشٍيٍ مُ نُ دْشْ شّمّ تَا. عٍ نُ نَمِحْنمّ وَلِ رَبَمَ. 10 مُشُ تٌ بَرَ شِ وُيَشِ رَبَ نَا، عَلَ شَ نَمِحْنمّ نَشَن شِلِ عَفَبُ، نَشَ قَ مُشُ شْنيِ كٍلِقٍ يُدَيَ. 11 عَ نَشَ ثْلُ شَ بّلّتِ تٌنفٌ، عَ نَشَ عَ يّتّ كَن سَنيِيٍ نُن عَ بّلّشّيٍ شِرِ. عَ نَشَ عَ قَلَ، «عَلَ شَشِلِ سّنِيّنشِ يِ نَن مَسٍنشِ. شّمّ نَشَن فبٍ يِ بّلّتِ رَ، يُوِقِيٍ عَ شِرِ مَ يِ مْولِ نَن نَ دَرِ سَلَمُ، عٍ عَ سٌ مِشِيٍ يِ رَ نَشٍيٍ قِندِ سِ فبّتّيٍ رَ.»

12 مُشُ تٌ نَ مّ، مُشُ نُن نَاكَيٍ نَشَ ثْلُ مَشَندِ عَ نَشَ تٍ دَرِ سَلَمُ. 13 عَ نَشَ مُشُ يَابِ، «مُنقٍ رَ وٌ وَ مَ ﭑ بْحّ مَحَاشُقٍ وٌ يَيٍ رَ؟ ﭑ بَرَ تِن عٍ شَ ﭑ شِرِ دَرِ سَلَمُ، عٍ شَ ﭑ قَشَ، مَرِفِ عِسَ شِلِ شَ قٍ رَ.» 14 عَ تٌ مُ تِن مُشُ شُي سُشُدٍ، مُشُ مُ تِن عَ كَرَشَندٍ. مُشُ نَشَ عَ قَلَ، «مَرِفِ سَفٌ شَ رَبَ.»

15 نَ لْشْييٍ تٌ دَنفِ، مُشُ نَشَ مُشُ يَءِلَن، مُشُ نَشَ تٍ دَرِ سَلَمُ. 16 عِسَ قْشِرَبِرّيٍ ندٍيٍ سٍسَرٍكَيٍ نَشَ مُشُ مَتِ. عٍ نَشَ مُشُ شَنِن مٍنَسٌن سِثِرِكَ شْنيِ، نَشَن قِندِشِ عِسَ قْشِرَبِرّ رَ عَ رَكُيَ. عَ نَشَ مُشُ يِفِيَ.

17 مُشُ تٌ سٌ دَرِ سَلَمُ، عِسَ قْشِرَبِرّيٍ نَشَ مُشُ رَ سّنّ حّلّشِنيِ رَ. 18 نَ كُيٍ عِبَ، مُشُ نُن ثْلُ نَشَ سِفَ يَكِ شْنيِ. دَنشَنِيَتْي حَمَ كُنتِفِ بِرِن نَشَ عٍ مَلَن نَا. 19 عَ تٌ فّ عٍ شّيبُدٍ، ثْلُ نَشَ عَ شَ وَلِ دّنتّفّ سَ عَلَ نَشَن نَبَشِ سِ فبّتّيٍ تَفِ عَ سَابُي رَ. 20 عٍ تٌ نَ مّ، عٍ نَشَ عَلَ مَتْشْ. عٍ نَشّ، «مُشُ نفَشَكٍرٍنيِ، عِ بَرَ عَ تٌ يُوِقِ وُلُ وُيَشِ بَرَ دَنشَنِيَ، كْنْ عٍ مَن عٍ تُننَبّشِشِ بِرَقٍ عَننَبِ مُنسَ شَ سّرِيّ قْشْ رَ. 21 مِشِ ندٍيٍ بَرَ عَ قَلَ عٍ بّ عَ عِ يُوِقِيٍ شَرَنمَ، نَشٍيٍ نَ سِ فبّتّيٍ يَ مَ، عَ عٍ شَ فبِلٍن عَننَبِ مُنسَ شَ سّرِيّيٍ قْشْ رَ، عَ عٍ نَشَ عٍ شَ دِيٍ سُننَ، عَ عٍ نَشَ بِرَ يُوِقِيٍ شَ نَامُنيِيٍ قْشْ رَ.»

22 «وٌن نَ مَ دِ؟ سِيكّ يٌ مُ نَ، حَمَ عَ كٌلٌنمَ نّ عَ عِ بَرَ قَ. 23 نَ نَ عَ رَ، مُشُ نَشَن قَلَمَ عِ بّ عِ شَ عَ رَبَ. مِشِ نَانِ نَ مُشُ يَ مَ، نَشٍيٍ بَرَ لَايِدِ تٌنفٌ عَلَ بّ. 24 عِ شَ كَقُ عٍ مَ، وٌ بِرِن شَ وٌ يّتّ رَ سّنِيّن، عِ مَن شَ عٍ سَرٍ قِ، عٍ شَ عٍ شُنيِ بِ. نَ نَ عَ رَ بِرِن عَ كٌلٌنمَ عَ مِشِيٍ نَشَن قَلَشِ عِ شُن مَ، وُلٍ نَ عَ رَ. عٍ شَ عَ كٌلٌن عِ قَن بِرَشِ عَننَبِ مُنسَ شَ سّرِيّ نَن قْشْ رَ. 25 مُشُ نَشَ نَتّ تٌنفٌ، مُشُ مَن قَ نَ سّبّ. دَنشَنِيَتْييٍ نَشٍيٍ كٍلِ سِ فبّتّيٍ مَ، عٍ نَشَ سُبٍ دٌن نَشَن بَشِ سّرّشّ رَ كُيٍيٍ بّ، نُن سُبٍ يُقَشِيٍ. عٍ نَشَ وُلِ قَن مِن. عٍ مَن نَشَ يّنّ قَن نَبَ.»

26 عَوَ نَ كُيٍ عِبَ، ثْلُ نَشَ نَ مِشِيٍ تٌنفٌ، عٍ نَشَ عٍ يّتّ رَ سّنِيّن. نَ شَنبِ عَ نَشَ سٌ هْرْ مْبَنشِ كُي، عَ شَ عَ مَسٍن، مَرَ سّنِيّنيِ رَكَمَلِمَ لْشْي نَشَن مَ، عَ نُن سّرّشّ نَشَن بَمَ كَنكَن بّ.

27 نَ شِ سٌلٌقٍرٍ رَحْنيِ، يُوِقِيٍ عَسِكَيٍ تٌ ثْلُ تٌ هْرْ مْبَنشِ كُي، عٍ نَشَ حَمَ بِرِن يَ عِسٌ، عٍ مَن نَشَ ثْلُ سُشُ. 28 عٍ نُ سْنشْي رَتٍ، «عِسِرَيِلَكَيٍ، وٌ مُشُ مَلِ! نَ شّمّ نَن يِ كِ نَشَن كَوَندِ حَاشِ رَبَمَ يِرٍ بِرِن مِشِ بِرِن بّ، يُوِقِيٍ، نُن عَننَبِ مُنسَ شَ سّرِيّ، نُن يِ هْرْ مْبَنشِ شَ قٍ رَ. عَ مَن بَرَ فِرّكِكَيٍ رَ سٌ هْرْ مْبَنشِ كُي. نَ بَرَ يِ يِرٍ سّنِيّنشِ قِندِ يِرٍ سّنِيّنتَرٍ رَ.» 29 عٍ نَ قَلَ نّ بَرِ مَ عٍ نُ بَرَ ثْلُ نُن تِرٌقِمٌ عٍقّسّكَ تٌ عٍ بٌورٍ قْشْ رَ تَا كُي. عٍ نَشَ عَ مَحْشُن عَ ثْلُ عَ رَ سٌ نّ هْرْ مْبَنشِ كُي.

30 تَا كُي بِرِن يَ نَشَ عِسٌ. مِشِيٍ نَشَ قَ عٍ فِ رَ كٍلِ يِرٍ بِرِن. عٍ نَشَ ثْلُ سُشُ، عٍ نَشَ مِنِ عَ بُبُ رَ تَندٍ مَ. عٍ نَشَ نَادّيٍ رَفَلِ كٍرٍن نَ. 31 عٍ نُ وَ مَ ثْلُ قَشَقٍ نّ. سْورِ مَنفّ نَشَ عَ كٌلٌن دَرِ سَلَمُ بِرِن يَ عِسٌشِ. 32 سْورِ مَنفّ نَشَ سْورِيٍ نُن عٍ شَ شُنمَتِيٍ تٌنفٌ، عٍ سِفَ ثْلُ قْشْ رَ كٍرٍن نَ. حَمَ تٌ سْورِيٍ تٌ، عٍ نَشَ بَ ثْلُ بْنبْقٍ. 33 عَوَ، سْورِ مَنفّ نَشَ يَامَرِ قِ عٍ شَ عَ شِرِ يْلْنشْنيِ قِرِن نَ. عَ نَشَ مَشْرِنيِ تِ قَ ندٍ عَ رَ، نُن عَ مُنقٍ رَبَشِ. 34 حَمَ سّيتِ ندٍ سْنشْمَ عٍ فبٍ كِ، بٌورٍيٍ قَن سْنشْمَ عٍ فبٍ كِ. عَ تٌ مُ نْ قٍ قِيشّ سْتْدٍ عٍ رَ سْنشْي شَ قٍ رَ، عَ نَشَ عَ قَلَ عٍ شَ ثْلُ شَنِن سْورِ بَنشِ كُي. 35 ثْلُ تٌ تِ بَنشِ دّ رَ، سْورِيٍ نَشَ عَ تٌنفٌ حَمَ شَ حَاشُي مَ، 36 بَرِ مَ مِشِ فَلِ نَن نُ بِرَشِ عٍ قْشْ رَ، عٍ نُ قَ عَ قَلَ عٍ شُي عِتٍشِ رَ، «عَ شَ قَشَ!»

37 عٍ وَ مَ عَ رَ سٌقٍ سْورِ بَنشِ كُي تّمُي نَشّ، ثْلُ نَشَ سْورِ مَنفّ مَشْرِن، «عِ نْمَ ﭑ سَفٌ سَدٍ ﭑ شَ قٍ ندٍ قَلَ عِ بّ؟» سْورِ مَنفّ نَشَ عَ يَابِ، «عِ فِرّكِ شُي مّمَ؟ 38 عِ تَن شَ مُ نَ مِسِرَكَ رَ، نَشَن مِشِيٍ يَ عِسٌ يِ دْنشْي رَ، عَ نَشَ سُوتٍ وُلُ نَانِ شَنِن وُلَ كُي؟» 39 ثْلُ نَشَ عَ يَابِ، «يُوِقِ نَن ﭑ نَ، تَرِ سٍكَ. نَ تَا شُنفبٍ عَ مُنَقَنيِ فبٌ سِلِسِ بْشِ مَ. ﭑ سَفٌ سَ ﭑ شَ وْيّن يِ فَلِ بّ.»

40 سْورِ مَنفّ تٌ عَ سَفٌ سَ، ثْلُ تِشِ بَنشِ تٍدٍ دّ رَ، عَ نَشَ مِشِيٍ مَسَبَرِ عَ بّلّشّ رَ. كُيٍ نَشَ بٌلٌن يٍن! ثْلُ نَشَ وْيّن عٍبُرُ شُي.

<- شّيرَيٍ شَ تَرُشُي 20شّيرَيٍ شَ تَرُشُي 22 ->