1 وٌ شَ عَ كٌلٌن، بَبَ عَلَ وٌن شَنُشِ نّ هَن عَ وٌن شِلِ «عَ شَ دِيٍ». وٌن قِندِشِ عَ شَ دِيٍ يَتِ يَتِ نَن نَ. دُنِحَ مُ نْمَ وٌن كٌلٌندٍ نَ رَ، بَرِ مَ عٍ مُ عَلَ كٌلٌن. 2 ﭑ شَنُنتٍنيِيٍ، يَكْسِ عَلَ شَ دِيٍ نَن وٌن نَ. عَ مُ مَسٍنشِ سِندٍن وٌن لُمَ كِ نَشّ، كْنْ وٌن عَ كٌلٌن، عَ عِسَ نَ قَ، وٌن مَسَرَ مَ نّ، وٌن قَ لُ عَلْ عَ تَن، بَرِ مَ وٌن عَ تٌمَ نّ عَ نَ كِ نَشّ يَتِ. 3 مِشِ نَشَن عَ يِفِ تِشِ عِسَ رَ، عَ عَ يّتّ رَ سّنِيّنمَ، عَلْ عِسَ سّنِيّنشِ كِ نَشّ.

4 مِشِ نَشَن يُنُبِ رَبَمَ، عَ قِندِشِ سّرِيّ مَتَندِلَ نَن نَ، بَرِ مَ يُنُبِ، سّرِيّ مَتَندِ نَن عَ رَ. 5 وٌ عَ كٌلٌن عَ عِسَ قَ وٌن مَ يُنُبِ نَن شَقَرِدٍ. يُنُبِ يٌ مُ نُ نَ عَ تَن مَ. 6 مِشِ نَشَن سَبَتِشِ عِسَ عِ، نَ كَنيِ مُ لُمَ يُنُبِ رَبَ رَ سْنْن. نَشَن لُمَ يُنُبِ رَبَ رَ، نَ كَنيِ مُ عِسَ تٌشِ، عَ مَن مُ عَ كٌلٌن.

7 ﭑ مَ دِيٍ، مِشِ يٌ نَشَ وٌ مَدَشُ. مِشِ نَشَن تِنشِنيِ رَبَمَ، عَ تِنشِن عَلْ مَرِفِ تِنشِنشِ كِ نَشّ. 8 يُنُبِتْي تَن قَتَنشِ عِبُلِسَ نَن نَ، بَرِ مَ عِبُلِسَ نَن يُنُبِ رَبَ كَبِ دُنِحَ قْلّ. عَلَ شَ دِ قَ نّ عَلَكٌ عَ شَ عِبُلِسَ شَ وَلِ كَنَ.

9 مِشِ يٌ قِندِ عَلَ شَ دِ رَ، عَ مُ لُمَ يُنُبِ رَبَ رَ، بَرِ مَ عَلَ بَرَ وَلِ ندٍ قْلْ عَ بْحّ كُي. عَ مُ نْمَ لُدٍ يُنُبِ كُي، بَرِ مَ عَ قَتَنشِ عَلَ نَن نَ. 10 عَلَ شَ دِيٍ نُن عِبُلِسَ شَ دِيٍ تَفِ رَ سَمَ يِ كِ نّ؛ نَشَن مُ تِنشِن، عَلَ شَ دِ مُ عَ رَ. نَشَن مُ عَ بٌورٍ عَدَ مَدِيٍ شَنُمَ، عَ مُ عَلَ كٌلٌن.

11 مَسٍنيِ نَن يَ وٌ نَشَن مّشِ كَبِ عَ قْلّ؛ وٌن شَ وٌن بٌرٍ شَنُ. 12 وٌن نَشَ لُ عَلْ كَبِلَ، نَشَن قَتَن سٍنتَنّ رَ، عَ قَ عَ شُنيَ يَتِ قَشَ. عَ نَ رَبَ مُنقٍ رَ؟ عَ نَ رَبَ نّ بَرِ مَ عَ حّرّ كِ مُ نُ فّشِ تِنشِندٍ عَلْ عَ شُنيَ حّرّ كِ.

13 ﭑ نفَشَكٍرٍنيِيٍ، وٌ نَشَ وٌ مَحِن دُنِحَ شَ شْننَنتٍيَ شَ قٍ رَ وٌ مَبِرِ. 14 شَنُنتٍيَ نَشَن لُمَ وٌن بْحّ كُي وٌن بٌورٍ عَدَ مَدِيٍ بّ، عَ عَ مَسٍنمَ عَ وٌن بَرَ قَشّ كِرَ لُ نَ، وٌن تِ كِسِ كِرَ شْن مَ. شَنُنتٍيَتَرٍ تَن تِشِ قَشّ كِرَ نَن شْن مَ. 15 مِشِ نَشَن عَ بٌورٍ عَدَ مَدِ شْنمَ، نَ كَنيِ لُشِ نّ عَلْ قَشّتِ. وٌ عَ كٌلٌن عَ كِسِ مُ نَ قَشّتِ بّ.

16 وٌن شَنُنتٍيَ كٌلٌنمَ عَلَ شَ مِشِ سُفَندِشِ عِسَ شَ مِسَالِ نَن سَابُي رَ، نَشَن تِنشِ عَ نِي قِدٍ وٌن بّ. وٌن قَن لَن نّ وٌن شَ تِن نَ رَبَدٍ وٌن بٌورٍ عَدَ مَدِيٍ بّ. 17 سٍ كَنيِ نَشَن عَ بْحّ بَلَنمَ تْورْ مِشِ يَ رَ، عَ مُ عَلَ شَ شَنُنتٍيَ كٌلٌن. 18 ﭑ مَ دِيٍ، وٌن مَ شَنُنتٍيَ نَشَ قِندِ وْيّنيِ تُن نَ، عَ شَ قِندِ مَرَبَ نَن نَ، شَ نَ مُ عَ رَ نْندِ يٌ مُ نَ عَ كُي.

19 نَ كُي، وٌن نْمَ عَ كٌلٌندٍ عَ نْندِ نَ وٌن يِ، وٌن بْحّ قَ سَ عَلَ مَبِرِ. 20 هَلِ وٌن بْحّ سَ وٌن مَكِيتِ، عَلَ فبٌ وٌن بْحّ بّ، عَ قٍ بِرِن كٌلٌن. 21 ﭑ شَنُنتٍنيِيٍ، شَ وٌن بْحّ مُ وٌن مَكِيتِ، وٌن بَرَ شَشِلِسَ سْتْ عَلَ يَ عِ. 22 عَلَ وٌن مَ دُبَ بِرِن سُشُمَ نّ، بَرِ مَ وٌن بِرَ مَ عَ شَ سّرِيّيٍ نُن عَ وَشْنقٍ نَن قْشْ رَ.

23 عَ شَ سّرِيّ نَن يَ؛ وٌن شَ دَنشَنِيَ عَ شَ دِ مَ، عَ شَ مِشِ سُفَندِشِ عِسَ. وٌن مَن شَ وٌن بٌرٍ شَنُ، عَلْ عَلَ وٌن يَمَرِشِ كِ نَشّ. 24 مِشِ نَشَن عَلَ شَ سّرِيّ رَبَتُمَ، نَ كَنيِ نُن عَلَ نَ عَ رَ. عَ عَ كٌلٌنمَ عَلَ شَشِلِ سّنِيّنشِ نَن مَ، عَلَ نَشَن قِشِ وٌن مَ.

<- يَيَ عِ 2يَيَ عِ 4 ->