5 Koto hoki naneta꞉ oli hepeni nane mo tembolo da pota꞉ lumba wiekeeki handoa꞉me. Kutupa mo da tukikina꞉ta꞉ amba꞉ hande Koda꞉ ipika꞉ wanda꞉hali ame̱le̱ pi lo hayeke palai da handoa꞉me. 6 Mo watake hata꞉ enisolo manuta꞉ mo watake hata꞉ ke handa꞉peke ekimanu miniki hata꞉ tembolo pa꞉ta꞉ hao epememe. Ikita꞉ hake piki leke yale yale piki dau yama koloma꞉ wepiki beleke ika꞉ hakokona꞉ yamemekeme. 7 Kutupa mo hande deto hala꞉ tonkopu ale homekema꞉ mo watake hata꞉ enisolomanu pa꞉ta꞉ mo hoto paeyao pa hao halo pa꞉la꞉ Koda꞉na꞉ mineke panka꞉la꞉ ekima꞉ tumbiki watake hata꞉ kawasomanu halea꞉me. 8 Mo Koda꞉na꞉ wele pita꞉ pa̱a̱ yaapo pa꞉ta꞉ yama꞉ epea꞉ lumuma꞉ta꞉ mo tembolo tumbulu baeya꞉me. Kutupa mo tembolo pa꞉ta꞉ta꞉ ma꞉nda꞉ pua꞉peke na ya꞉pate pa mo watake hata꞉ enisolo manuma꞉ mo watake hata꞉ ke handaasa꞉eki mea ipu paeya꞉ka꞉na꞉ta꞉ wetepena꞉ pua꞉peke ya꞉me.