Pilemon Teik pasi Pol hani Pilemon ma teka kahikahi Jises Krais kapin Kakain ti haxewai teik pepa ie Pol tel aposel tai teik pas ie hani Pilemon sai 32 ahang muhin ti Jises moih aliawa ape Haeu waxi i hani tesol tonan. Pilemon i tel seilon kilan soxi. I tel ti teka kahikahi Jises Krais ti tehu taon Kolosi. Lokon ti taun ti Pilemon mela, teka masiwi ti kiliwakei xux hana tenen nauna ti tua hapuasa unaualaha tap kahulaha. Kilan seilon laha aile ukek ien. Ape Pilemon i uke unauan tel seilon axan Onesimus. Salangawe tenen ax Onesimus i masin “hina pupuasan.” Imuh Onesimus i ox ti Pilemon tel masiwi tetan. I lua hani Rom. Ti ien i tunahi Pol i kakalabusake ti kaxi ahutiai meng solian ti Jises Krais. Ti sale kakaialalu i aile ape Onesimus towiahu ti lialui woun ape i soh ti Jises Krais. Pol ma Onesimus hukuma hehetekie tuahe pahan Onesimus alia haniwa kapi Pilemon ti hasawiai wasolalalu. Aile ape Pol tai teik pas ie hani Pilemon. Pol kamei i ti waxi aliakei Onesimus hetekie amuam, kumahe hanowi tel tuahe unauan nake ape ati lalu soh ti Jises Krais. Aope ie lalu uke he akikin ti Krais.
1 Teik pas ie tataiak nga Pol, tel nga kakalabusake ti kaxi ahutiai meng solian ti Jises Krais.
Amuam ti amili Timoti, tel akikikako ti Krais haniwa Pilemon, tel i puas akakati amili pate amili waheni. 2 Tin amili hakau amuam haniwa Apia i masin tel tuamili, hetekie Akipus tel i haeliel hawane kaxiai meng solian ti Jises ma tin haniwa teka kahikahi Jises liai, teteka lawe laha apupuha leili ingam ti ailei lotu.3 Nga kamei Haeu tel Tamakako ma Jises Krais tel Masiwi lehe lalu aile kola lalape soliaialalu hani amuto ma hatona hasolia tiamuto.
Pol lotu huali Pilemon 4-5 Pilemon, tapai na nga lotu huali o, nga kak kemulik hani Haeu tel Masiwi tetak nake nga to hongohong xoxoi namilom ti Jises tel Masiwi ma wawahen tetam hani hatesol seilon ti Haeu. 6 Nga kamei Haeu hualiam lehe o hukuma eliel ahe kapi teka laha soh ti Jises hanowi o ma waxi o paxai tioi hawane hatesol waliko solian ti Haeu haniwen kako teka kahikahi Krais. 7 Tel ukalak, wawahen tetam hamuamua hawane nga ma i hakui nga nake o hewi hawane tiai teka seilon ti Haeu. Kamekame ti Pol hani Pilemon 8 Aile ape nga matut kameiam ailei waliko tenen solian. Se sawisawin wanen ti na o aile. Ala i pon nga tua hone o ailean nake nga kakak hahitake axe Krais. 9 Tuahe pahak nga kamei eliel o nake ti soliai lohuloh ti kalu ma wawahen ti kalu hani seilon liai. Hongoa kamekame tetak nga Pol, tel salaimat. Aope ie nga leili kalabus nake ti ailei puase Jises Krais.10 Nga kamei o ti aile aluini haniwa Onesimus, tel unauam. I masin natuk nake i sohot kahikahi Jises lokon ti nga kaxi hahani i meng solian ti Jises ti nga leili kalabus ie. 11 Ti imat Onesimus pupuasan tetam kumahe pate tuah, tuahe ti aope ie pate hina pupuasan ti kalu hauhua. 12 I tel ti he atek wanen tuahe nga hakau aliake i hani kapim.
13 Pahak wanen nga akeni kongini i kapik lehe i uke totonam hualiak ti nga kakalabusake kaxiai meng solian ti Jises Krais. 14 Tuahe nga tai aile nake nga kum tioi ka o sowini. Kumahe pahak o aile waliko solian hani nga ti lungelungeak, mewenae na puki paham. 15 Sohin Onesimus ox salili o ti teik taun kukunun lehe imuh o waxi aliake tamusuke i. 16 I ape kumahe tuahe unauam, i masin tel ukalam wanen. I pate tuah tetak, tuahe haniwa o i pamu tuah. I ape tel akikim ti Krais ma tin tel unauam.
17 Aile ape ti na o paxai ukek nga tel tuaum, waxi amukewa i hanowiwa ka o waxi amumuke nga. 18 Na masin i aile talesi o na tenen ma na i waxi hina waliko tetam, hanima nga hasawian. 19 Ie puki minak wanen nga Pol tatai ka nga hasawi hani o. Tuahe kum mamaluhe ka ti huhual tetak o sohot kahikahi Krais.
20 Tel ukalak, aile ape nga kamei eliel o, hamuamuawa nga ti ailean nake ati kalu kahikahi Krais. 21 Nga tatai teik pas ie ti kameiam nake nga soh hawane ka o aile tenen waliko ien ma tin pamu o aile akulai waliko ti nga kakamei o.
22 Tin nga kamei hetekie o ti apeseni hanima nga tesol ti na nga to nake namilok i eliel hahawane ka Haeu i hong kamekame ti amuto teka kahikahi Krais ma nga sohot paxai ulea amuto.
Tiliai kakai Pol 23 Epapras, tel i kalabus akakati nga nake ti kaxi ahutiai meng solian ti Jises, i hakau hani o amuam tetan. 24 Tin hetekie Mak, Aristakus, Demas ma Luk, tesol puas akatiak.25 Nga kamei tel Masiwi Jises Krais ti aile hasolia hawane haniamuto hatesol.
1 Teik pas ie tataiak nga Pol, tel nga kakalabusake ti kaxi ahutiai meng solian ti Jises Krais.
3 Nga kamei Haeu tel Tamakako ma Jises Krais tel Masiwi lehe lalu aile kola lalape soliaialalu hani amuto ma hatona hasolia tiamuto.
10 Nga kamei o ti aile aluini haniwa Onesimus, tel unauam. I masin natuk nake i sohot kahikahi Jises lokon ti nga kaxi hahani i meng solian ti Jises ti nga leili kalabus ie. 11 Ti imat Onesimus pupuasan tetam kumahe pate tuah, tuahe ti aope ie pate hina pupuasan ti kalu hauhua. 12 I tel ti he atek wanen tuahe nga hakau aliake i hani kapim.
13 Pahak wanen nga akeni kongini i kapik lehe i uke totonam hualiak ti nga kakalabusake kaxiai meng solian ti Jises Krais. 14 Tuahe nga tai aile nake nga kum tioi ka o sowini. Kumahe pahak o aile waliko solian hani nga ti lungelungeak, mewenae na puki paham. 15 Sohin Onesimus ox salili o ti teik taun kukunun lehe imuh o waxi aliake tamusuke i. 16 I ape kumahe tuahe unauam, i masin tel ukalam wanen. I pate tuah tetak, tuahe haniwa o i pamu tuah. I ape tel akikim ti Krais ma tin tel unauam.
17 Aile ape ti na o paxai ukek nga tel tuaum, waxi amukewa i hanowiwa ka o waxi amumuke nga. 18 Na masin i aile talesi o na tenen ma na i waxi hina waliko tetam, hanima nga hasawian. 19 Ie puki minak wanen nga Pol tatai ka nga hasawi hani o. Tuahe kum mamaluhe ka ti huhual tetak o sohot kahikahi Krais.
20 Tel ukalak, aile ape nga kamei eliel o, hamuamuawa nga ti ailean nake ati kalu kahikahi Krais. 21 Nga tatai teik pas ie ti kameiam nake nga soh hawane ka o aile tenen waliko ien ma tin pamu o aile akulai waliko ti nga kakamei o.
22 Tin nga kamei hetekie o ti apeseni hanima nga tesol ti na nga to nake namilok i eliel hahawane ka Haeu i hong kamekame ti amuto teka kahikahi Krais ma nga sohot paxai ulea amuto.
25 Nga kamei tel Masiwi Jises Krais ti aile hasolia hawane haniamuto hatesol.