5 Uthughun khavɨn Judarir akoghɨn gumasi rako amisi fhomɨra gua igharisi uŋuimbarɨ unuasir iti tharsi mena marsi nomthegha zaava Jerusalemɨni iti, mee ivhɨra Gotɨn apheeŋn iti. 6 Ara mee nɨŋnɨɨŋn khavɨ oraegha zaa bar nori akuvaghav ikava, mee uvhuaghuvhagha orasima gumasi rako amisi menɨ uŋuimbar akaa vɨŋgeeghi. 7 [f] Kamagha amuisi mee osemigha atam nɨghɨnɨsi. Ara mee rɨŋgavan maghatɨgha amuighava azaaghi, “Kha mbɨŋgeer gumasi mee bar Galilin distrighɨn gumasira! 8 Manmagh amuigha ee barɨ uvhuaghuvhagha memba orasima mee enɨ uŋuimbar akaara vɨŋgeeghi? 9 [g] Ena marsi, Partianɨ unuaghɨn ko Midianɨ unuaghɨn ko Elamɨnɨ unuaghɨnan ze. Marsi Mesopotemianɨ unuaghɨnan zesi gumasi. Marsi Judian distrigh ko Kapadosian distrigh ko Pontusɨn distrigh koma Esian distrighɨn ze. 10 Marsi Frigian distrigh ko Pamfilian distrighɨn ze. Marsi Isivɨnɨ unuaghɨn, ko Libian distrighɨna avheni itira aŋan, a uŋuun ikɨvan mav Sairinin aghangere iti tharsi mee ze. Marsi Judarir akoghɨn gumasi Romiiŋnɨ uŋuuni ikhegha zesi tharsi. 11 Ee barbar, Judarir akoghɨn gumasi rako igharisirɨ unuaghɨnan gumasi, mee Judariro othevir gɨn zui tharsi, mee ivhɨra, ena marsi. Ena marsi Kritɨn mɨghsɨm koma Arebian distrighɨn gumasi, ee uvhuaghuvhuagha memba orasima mee enɨ uŋuimbar akaar Gota amuisi bisir ikiir gunɨm mbɨŋgeeghi!” 12 Judarir akoghɨn gumasi rɨŋgavan maghatɨgha amuighava phurama atamatam nɨghɨnɨghava norir azaaghi, “Khara theghanan bighaaŋ?” 13 Judarir akoghɨn gumasir marsi rɨmbovira akaa vɨŋgɨ kamaghɨusue, “Mee uainir rɨphar avhɨrara amegha oŋani.”
22 [l] Israeliiŋn akhoghɨn gumasi rako amisi, gee mbɨŋgɨŋgɨman khavɨ oragh. Nasaretiiŋn gumagh Iesus, Got gemɨusua ana amandagha gamgaaŋn aŋga anɨɨŋi. Aŋga aniiŋsima, a iŋaarir aghavagharir ikii rako rɨŋgavan maghatɨgha amuir othevi koma gamgaaŋn bisi gen thooŋn andagha amui. Ana andagha amuisima, anda othuivisima gee andar ganigha nori ikaaŋi. 23 [m] Got non vhusvhusan gɨn gua gemɨusua fhomɨra nɨghɨnɨghan mavɨ amuigha, nono otar nigha gen afharigha athɨ. Mauthughura gee ana nigha gumasir maghatɨsir afharɨa athɨsima, mee ana nigha khani ighuuvan ana athɨghava aŋga afhusi, ana aremi. 24 [n] Ovhevheeŋn othɨv Iesusɨnɨ usuiragham thughatɨs phatɨ. Kamagha amuisi, Got aŋga amuisi a rɨkavhigha ovhevheeŋn osɨmndɨgha thaghi. 25 [o] Devitɨn mbɨtisirɨ mbɨghar kamaghɨm mbɨkemi,
29 [q] Nana avheeŋmbuagha, khɨɨ guisimbaaŋra gem mbɨŋgeeghi, en avhav Devit aremisima mee ana rafha. Aŋna akɨman umogh thighira en phorugha ikha khari iti. 30 [r] Devit a Gotɨna ambuuŋn gumaghan mav, a ikaaŋi, Got akaman rɨŋgɨran aghavagharan aŋga aniiŋga kamaghɨusue, ‘Nɨɨ ativasir gumagh, khɨɨ nɨɨn aŋan niamɨusua nɨɨna avava thavam mbɨsevighemi.’ 31 [s] Got gɨn ramuaŋgamir bigh, Devit ana ikaaŋi, a Got nom ee niamɨusua mbɨsevisi gumagh ana aremigh nom rɨkavamir bighaaŋm mbɨŋgeeghi. A kamaghɨusue, Got ana thaeghtima aŋna arɨghiresi tharsir arɨghanɨ umoghɨn avhen ikeghem phatɨ. Aŋm mbɨkarɨgh kurighem phatɨghami. [t] 32 [u] Gumaghan khav Iesus, Got aŋga aghurasima a nomthegha rɨkavhi. Ee nori nona arɨmasir aŋn ganigha, mbɨŋgeeghi. 33 [v] A guavanaŋga non Inaghavesɨn guvɨn aghara apheraghav ikha aŋn iphɨn gamgaaŋ nii. Aŋni Inaghavhes aŋm mbɨkemisi moghɨn a nonɨ Utuman aŋga anɨɨŋi. Gee thighira oraghava garir bisir kharsi, Iesus nombɨ Gotɨnɨ Utum emɨusuava ana amandasima ee aŋn gamaaŋn iphɨn bisigha amui. 34 [w] Devit Iesusɨn mɨn Gotɨnɨ uŋuun gus phatɨ. A kamaghɨm mbɨŋgeeghi,
36 [x] Kamagha amuisima, gee Israeli gee bar bighan khav ikaaŋi. Geem mbɨsuegha khani ighuuvan gurasi Iesusɨn khav, thighira Got aŋga amuisima a Ikhɨvan oto. A Got nom ee niamɨusua mbɨsevisi gumagh.”
40 [bb] Mauthughura Pita mbɨŋgɨŋgɨr avhɨrara meŋga amuava akaar aghavagharir marsi ivhɨra mem mbɨkemi, “Gee norira norir akuraghti, Gotɨ uthughun khavɨn gumasi rako amisir maghatɨsir kharsigh asɨghasɨghɨva ivhɨra geŋga asɨghasiighem phatɨghami.” 41 [cc] Mauthughura gumasi rako amisira avhɨrara aŋna akama mbaraegha aŋn vhusvhusigha urue. Uthughun khavɨn Got nom 3,000ɨn gumasi rako amisir marsi nom mee nisima mee Kraisɨna andarsira avhen ze.
- a Lo 16.9-11; Ap 1.14
- b Pentikosɨnɨ uthughun ikhɨv, aŋni izɨɨn mav khara, ombariria rɨghorir uthughun ikhɨv.
- c Ap 4.31
- d Mt 3.11
- e Mk 16.17; Ap 1.5; 4.31; 10.44-46; 1 Ko 12.10; 13.1
- f Ap 1.11
- g 2 Ti 1.15
- h 1 Te 5.7
- i Judarira akoghɨn gumasi uthughun khavɨn rɨmaaŋra rɨphara oŋani aphi phatɨ. Kamagha amuisi Pita akaman khavɨn mem mbɨŋgeeghi.
- j Jol 2.28-32; Sek 12.10; Jo 7.38; Ap 10.45; 21.9
- k Ro 10.13
- l Jo 3.2; 14.10-11; Hi 2.4
- m Mt 27.35; Mk 15.24; Lu 23.33; Jo 19.18; Ap 4.28; 1 Pi 1.20
- n Mt 28.5-6; Mk 16.6; Lu 24.5; Ap 3.15; 4.10; 10.40; 13.30-31; 17.31; 1 Ko 15.15
- o Sng 16.8-11
- p Ap 13.35
- q 1 Kin 2.10; Lu 1.32; 1.69; Ap 13.36; 2 Ti 2.8
- r 2 Sml 7.12-13; Sng 89.3-4; 132.11
- s Sng 16.10; Ap 13.35
- t Grighiiŋna akam mee kamaghɨusue, “Krais”, aŋm mbɨnɨɨŋ kamaghɨn, Got nom ee niamɨusua mbɨsevisi gumagh.
- u Ap 1.8; 2.24
- v Jo 14.26; Ap 1.4; 5.31; 7.55-56; 10.45; Ef 4.8; Hi 10.12
- w Sng 110.1
- x Ap 5.30-31
- y Sek 12.10; Lu 3.10-12; Ap 9.6; 16.30
- z Lu 24.47; Ap 3.19
- aa Ais 57.19; Jol 2.28; Ap 10.45; 14.27; Ef 2.13; 2.17
- bb Lo 32.5; Fl 2.15
- cc Ap 2.47; 4.4; 5.14
- dd Ap 20.7
- ee Ikeeŋsi gumasira avhɨrara kamagh nɨghɨnɨsi, ufhuaragha zui Kraisɨna andarsi nori akuvagha norir phorughava aphi. Mee amegha gɨvagha, mee Iesusɨn neerɨnofhɨgh ko ŋaanaŋgi nɨghɨnɨgha uvhuɨsirɨ uthuu rako uainiro ovɨsiri imbooriria aphi.
- ff Mk 16.17; Ap 4.33; 5.11-12
- gg Ap 4.32-35; 5.12; 6.8
- hh Lu 24.53; Ap 1.14; 20.7
- ii Ap 2.41; 4.33; 5.14; 6.7; 11.21; 11.24; Ro 14.18