1 Ita walama sawo Pilistan apana ita Israel apana do wadi Gilboa osowe onantoie. Israelwa sorodiau Pilistan apanawa sorodiau sauntone weuwane antoiena. Tane Pilistan apanawa enane Israel apanawa uaraia bomoiena. 2 Pilistan apanawa enane Sol ita obampa Ionatan, Abinadab ita Malikisua do tanamone wawo antone ita me obampa bomoiena. 3 Tane ona debamakadilen ita mo Sol enane panane ita pidu mampe enidasaiena.

4 Ita Sol, me onawa puraiwa mida awanedia apanawa sa diene wanase, “E onaa isimawa wadaaubee ita mampe ne bonea. Ne mai menaneipona Pilistan apanawa god da sumanaiwantoia apanawa wasineapue ita boneapu.” Tane sorodia me bosapona salen. Ita Sol, meba isimawa wadenaubene eindoe osowe aubaubaulene ita meba enenbobolen. 5 Tane sorodia sa Sol boleno ewene ita meba isimawa wadenaubene ita enenbobolen, ambi Sol bolen rua.

<- 1 Samuel 30