18
Sol Dawid mampe nuawa kadileide
5 Sol Dawid wadiaubedio ona daitada bedewe aleidie onaleidie ita Dawid onaleidia ipa euda os. Sa baiwa Sol Dawid wadene itunposideno sorodia uwau apana segalen. Sol Dawid epe dewasano apana uduudu nuau eudidalen, ita Sol sorodia do nuau eulen.
6 Dawid Pilistan apanawa debama dea epenbolen, me ebowa ipa Golaioti. Tane sape sorodia onantoia ene leutone bolauwo antoio, ioto Israel bolawa debama deadea bedewe waimoia nomone warere Sol donsapua baiwa anton. Mo gita ita tambarin epeie ita nuaeu sasawa waie ita biantoie. 7 Tane ioto sa mo gita epeie ita sasantoie waiase,
“Sol emalawoa apanawa 1,000 bomon tane
Dawid emalawoa apanawa 10,000 bomon!”
8 Tane Sol aia ema etene mai nuawa eulepona, dia. Sa baiwa me nuawa kadileno ema epe insen, “Mo Dawid ituposisaie waiase,
‘Me apana 10,000 bomon ita ne 1,000 os bomona. Ita mo ando me dewasapuo warereulepi!’ ”
9 Ita walama sawo ualene odene alena Sol Dawid emalawoasadie.
Tane ema aupe, me inta banusadia Dawid bosapi. Ita Sol otopa Ionatan Dawid diene wanase, “Ne mamana menasadia e boepi,” sa baiwa Dawid Sol ene weuwane bola dauwo alene weregalen.
<- 1 Samuel 171 Samuel 19 ->