138
Olwimbo lw’okuvuga omunkwa
1 Lwa Daudi.
Nakugashâniza Nyamwagirwa, n’omurhima gwâni gwoshi,
bulya wayumvirhîze ebinwa byâni,
nkolaga nakuzihira embere za bamalahika bâwe,
2 nkola nakuyimbira enyimbo z’obukuze,
erhi nnankumbire bûbi omu ka-Nyamuzinda kâwe.
Nakuza izîno lyâwe,
erhi buzigire bwâwe n’okurhahemuka kwâwe kurhuma,
bulya eciragâne câwe càbîre ca mwâmi w’izîno.
3 Olusiku nakufukamiraga wanyumvîrhiza,
wanyûshûlira emisî y’omurhima.
4 Nyamwagirwa, abâmi b’omw’igulu boshi bakuvuga omunkwa,
bulya bàyumvîrhe ebirhangâzo by’ekanwa kâwe.
5 Nêci bayimba enjira za Nnâmahanga,
bulya irenge lya Nnâmahanga liri likulu lwoshi.
6 Omu bukulu bwâge kurharhuma arhashîbirira abanyinyi,
n’okukengula abacîbona binjà.
7 Nkabâ omu maganya, onanzibuhye,
onalambûle okuboko kwâwe wagombyamwo abanshomba, onancize.
8 Nêci, obuzigire bwâwe buli bw’ensiku n’amango,