12
Nyamuzinda ancize oku mihigo y’abantu babî
1 Oku mukulu w’abimbiza. Nzihwa y’omu lulanga lwa misî munâni. Lulanga. Lwa Daudi.
2 Orhucize, Nyakasane, bulya abashinganyanya badwîrhe bahwa;
abemêzi badwîrhe bahirigirha omu bâna b’abantu.
3 Abantu badwîrhe barhebana bône na nnene:
nderho nnunu, mirhima ibirhi.
4 Mâshi Nyamuzinda aherêrekeze ngasi kanwa kaderha obunywesi,
ngasi lulimi lulyâlyanya.
5 Ngasi baderha, mpu: «Olulimi lwîrhu yo misî yîrhu»,
«kanwa rhujira, ye ndigi wankarhukulikira?»
6 Naye Nnâmahanga, erhi: «Amalibuko g’abazamba»
«n’emirenge y’abakenyi erhumire»,
«nkolaga nayimanga; abalonza obucire nabahêrezabwo.»
7 Ebinwa bya Nyakasane biri by’okuli,
kwo biri nka cûma ca marhale citule omu luganda,
nka masholo mashuke kali nda.
8 Yâgirwa Nyamuzinda, we rhuciza,
we warhulanga kuli er’iburha ensiku n’amango.
9 Abanya-byâha bazungulusire hoshi hoshi,