1 Alaga engabo y’abantu bahêkagwa bujà na mwâmi Nabukondonozori mwâmi w’e Babeli, amango bagwârhagwa mpira, kandi bashub’iyagaluka, bashubira e Yeruzalemu omu Buyahudi, ngasi muguma omu cishagala câge. 2 Baligi abarhengaga yo na Zorobabeli, Yozwè, Nehemiya, Seraya, Rehelaya, Nahamani, Mordokayi, Bilshani, Mispar, Bigwayi, Rehumu, Bânâ: omuganjo gw’olwo lubaga lwa bene Israheli: 3 Bene Parosi, bihumbi bibirhi n’igana na makumi gali nda. 4 Bene Shefatya, magana asharhu na makumi gali nda na babirhi. 5 Bene Ara magana gali nda na makumi gali nda na barhanu. 6 Bene Pahat-Mowabu, bo bene Yozwè na bene Yowabu, bihumbi bibirhi na magana gali munâni na ikumi na babirhi. 7 Bene Elamu, cihumbi na magana abirhi na makumi arhanu na bâni. 8 Bene Zatu, magana galimwenda na makumi anni na barhanu. 9 Bene Zakayi magana gali nda na makumi gali ndarhu. 10 Bene Bâni, magana gali ndarhu na makumi anni na babirhi. 11 Bene Bebayi, magana gali ndarhu na makumi abiri na basharhu. 12 Bene Azgadi, cihumbi na magana abirhi na makumi abirhi na babirhi. 13 Bene Adonikamu, magana gali ndarhu, makumi gali ndarhu na ndarhu, 14 Bene Bigwayi: bihumbi bibirhi na makumi arhanu na ndarhu. 15 Bene Adini, magana anni na makumi arhanu na bâni. 16 Bene Ateri, w’omu mulala gwa Hezekiyahu, makumi gali mwenda na munâni. 17 Bene Bezayi; magana asharhu na makumi abirhi na basharhu. 18 Bene Yora, igana na ikumi na babirhi. 19 Bene Hashum, magana abirhi na makumi abirhi na basharhu. 20 Bene Gibari, makumi gali mwenda na barhanu. 21 Bene Betelehemu, igana na makumi abirhi na basharhu. 22 Bene Netofa, makumi arhanu na ndarhu. 23 Bene Anatoti, igana na makumi abirhi na munâni. 24 Bene Azimaweti, makumi anni na babirhi. 25 Bene Kiryati-Yearimi na Kefira na Beroti, magana gali nda na makumi anni na basharhu. 26 Bene Rama na Geba, magana gali ndarhu na makumi abirhi na muguma. 27 Bene Mikimasi, igana na makumi abirhi na babirhi. 28 Bene Beteli na Ayi, magana abirhi na makumi abirhi na basharhu. 29 Bene Nebo, makumi arhanu na babirhi. 30 Bene Magbishi, igana na makumi arhanu na ndarhu. 31 Bene owundi Elamu, cihumbi na magana abirhi na makumi arhanu na bâni. 32 Bene Harimu, magana asharhu na makumi abirhi. 33 Bene Lodi na Hadidi na Ono, magana gali nda na makumi abirhi na barhanu. 34 Bene Yeriko, magana asharhu na makumi anni na barhanu. 35 Bene Sena, bihumbi bisharhu na magana gali ndarhu na makumi asharhu.

36 Abadâhwa: Bene Yedaya w’omu bûko bwa Yozwè, magana gali mwenda na makumi gali nda na basharhu. 37 Bene Imeri, cihumbi na makumi arhanu na babirhi. 38 Bene Pashehuri, cihumbi na magana abirhi na makumi anni na nda. 39 Bene Harimu, cihumbi n’ikumi na nda.

40 Abaleviti: Bene Yozwè na bene Kadmieli na Hodayiwa, makumi gali nda na bâni. 41 Abimbiza: Bene Asafi, igana na makumi abirhi na munâni. 42 Abalanga enyumvi: Bene Shalumu, bene Ateri, bene Talmoni, bene Akubu, bene Hatita, bene Shobayi, boshi haguma, igana na makumi asharhu na mwenda.

43 Abanatineni: Bene Siha, bene Hasufa, bene Tabaoti[a], 44 bene Kerosi, bene Siyaha, bene Padoni, 45 bene Lebana, bene Hagaba, bene Akubu, 46 bene Hagabu, bene Shalmayi, bene Hanani, 47 bene Gideli, bene Gahari, bene Reaya, 48 bene Resini, bene Nekoda, bene Gazamu, 49 bene Uza, bene Paseya, bene Besaya, 50 bene Asena, bene Meuni, bene Nefushisim, 51 bene Bakbuku, bene Hakufa, bene Haruru. 52 Bene Basluti, bene Mehida, bene Harsha, 53 Bene Barkosi, bene Sisera, bene Tema, 54 bene Nesiya na bene Hatifa.

55 Abâna b’abajà ba Salomoni: Bene Sotayi, bene Sofereti, bene Peruda, 56 bene Yaala, bene Darkoni, bene Gideli, 57 bene Shefatya, bene Hatili, bene Pokereti-Hasebayimi, bene Ami. 58 Abanatineni na bene abajà ba Salomoni haguma bahika omu magana asharhu na makumi gali mwenda na babirhi.

59 Abarhengaga e Tel-Mela, Tel-Harsha, Kerubu, Adani na Imeri barhahashag’iderha emilala yâbo n’obûko bwâbo lyo bamanyîsa oku bali bene Israheli. 60 Bene Delaya, bene Tobiya, bene Nekoda: Magana gali ndarhu na makumi arhanu na babirhi; 61 n’omu bene Abadâhwa: bene Habaya, bene Hakosi, bene Barzitat owayankaga mwâli wa Barzilayi, Omugalediti, lêro ayîrikwa izîno lyâge. 62 Balonza ebitabu by’obûko bwâbo barhanabubonagamo; bakulwa omu badâhwa. 63 N’omurhambo abahanza okulya oku biryo bitagatîfu bwenêne, kuhika habè omudâhwa wankadôsa Nyamubâho omu kukolêsa Urimu na Tumimi[b].

64 Olubaga loshi lwahika omu bantu bihumbi makumi anni na bibirhi na magana asharhu na makumi gali ndarhu, 65 buzira kuganja bambali na bambali-kazi bâbo abâli bahisire omu bihumbi nda na magana asharhu na makumi asharhu na nda; mulibo mwàli bîmbiza magana abirhi, abalume n’abakazi. 66 Bali bagwêrhe nfarasi magana gali nda na makumi asharhu na ndarhu, ndogomi magana abirhi na makumi anni na irhanu; 67 ngamiya magana anni na makumi asharhu na irhanu na bihumbi ndarhu na magana gali nda na makumi abirhi ga bindi bihêsi.

68 Banji omu bakulu b’emilala, erhi bahika aha ka-Nyamuzinda e Yeruzalemu, barherekêra enterekêro, banalonza ako ka-Nyamuzinda mpu kashub’ishakûlulwa aha kanali. 69 Bahâna ebindi omu mbîko y’omukolo nk’oku banahashire: drakima z’amasholo bihumbi makumi gali ndarhu na ciguma, bihumbi birhanu bya marhale, na bishûli igana bya badâhwa. 70 Abadâhwa n’Abaleviti na baguma omu lubaga babêra aha Yeruzalemu; abimbiza, abalanzi n’abà-Natineni bajà omu bishagala byâbo; n’abandi bene Israheli boshi bajà omu bishagala byâbo.

<- Ezra 1Ezra 3 ->