1 Toaso̱ muꞌseña sa tëto sai maca Caná daripëre hueja fiesta paquëña, Galilea yejare. Ja̱rote Jesús pëca jaꞌcoje̱ pacoña. 2 Jesús cuiꞌne i̱ yeꞌyacohuaꞌi co̱ni hueja fiestana soi cua̱ñoisicohuaꞌipi paꞌijë sateña. 3 Cuiyaꞌi oꞌsa caraja̱isi maca, Jesús pëca jaꞌcopi cao:

“Cuiyaꞌi oꞌsa yure peoji.”

4 Cacona, Jesupi sehuopi:

“¿Nomio me yoꞌoco ja̱je yëꞌëre cacoꞌni? Yëꞌë yoꞌo maca ja̱ yëꞌtaꞌa ti̱ꞌañe pa̱ji.”

5 Ja̱je catoje̱ i̱opi cao, pa̱ire necaicohuaꞌire:

“I̱ cayeje̱ yoꞌojë̱ꞌë.”

6 Ja̱rote seis quë̱na yurupë̱a pajiꞌi, judío pa̱i siꞌsi cuya to̱jë yoꞌo yurupë̱a. Teꞌe yurupë cato veinte panitaꞌa veinticinco galones doye pajiꞌi. 7 Jesupi pa̱ire necaicohuaꞌire capi:

“Iye yurupë̱ana ocore doꞌe ti̱mëjëꞌë.”

Caëna, doꞌe ti̱mëreña. 8 Doꞌe ti̱mërena, Jesupi capi:

“Yure cato aꞌri maña doni fiesta yoꞌoye ñacaiquëna sacaijë̱ꞌë.”

Caëna, ja̱je yoꞌoreña. 9 Sarena, fiesta yoꞌoye ñacaiquëpi, ocopi cuiyaꞌi co̱no deꞌoseꞌere neñapi, huesëquë. I̱ti ñajë ocopi yurupë̱ana dosicohuaꞌiseꞌe ja̱ꞌë cuasahuë. Ja̱je neñani fiesta yoꞌoye ñacaiquëpi huejaquëre soini capi:

10 “Siꞌa pa̱i duꞌru macarepa cato deꞌo cuiyaꞌi co̱nore pare u̱cucoa. Ai u̱cusi macarepa jeteyoꞌje aꞌri maña deꞌo cuiyaꞌi co̱no o̱cuacoa. Ja̱je paꞌiquëtaꞌare mëꞌë cato ai deꞌo cuiyaꞌi co̱nore pare deꞌhuahuë.”

11 Jesús Caná daripë Galilea yejana pa̱i yoꞌo ti̱ꞌa maꞌñere yoꞌoseꞌe cato duꞌru macarepa yoꞌo i̱ñoseꞌe pajiꞌi, i̱ deꞌoquërepa paꞌiyere. Ja̱je yoꞌouna, i̱te yeꞌyecohuaꞌi i̱re papi cuasahuë.

12 Iye yoꞌo tëjisi jeteyoꞌje Capernaum daripëna sajiꞌi, pëca jaꞌco, yoꞌje tsi̱, cuiꞌne i̱ yeꞌyacohuaꞌi co̱ni saijëna. Sani ja̱rona paëꞌë, aꞌri maña muꞌseña.

“¡Eto saojë̱ꞌë, i̱ño pamaꞌpë! ¡Yëꞌë Jaꞌquë huëꞌere coꞌamaña huero huëꞌe neni yoꞌomaꞌpë!”

17 Ja̱ maca i̱ yeꞌyacohuaꞌipi toyaseꞌe cayere cuasa ñajateña, ñeje cayere: “Siꞌaye yëꞌë paꞌiye mëꞌë huëꞌere cuasani ñacai yoꞌoyë.”

18 Ja̱ maca judío pa̱ipi Jesure se̱iꞌë:

“¿I̱quepi mëꞌë i̱ñojaꞌquë aꞌni, mëꞌë cua̱ñequë paꞌiye iye yoꞌoquë?”

19 Cajëna, Jesupi sehuopi:

“Nejojëꞌë, iye huëꞌere. Ja̱je yoꞌojëna, yëꞌëpi coa toaso̱ muꞌseñapi nesiꞌi, cuiꞌnaoni.”

20 Caquëna, judío pa̱ipi careña:

“Cuarenta y seis o̱metëcarepa nesicore ¿me mëꞌëpi coa toaso̱ muꞌseñapi huëꞌe nesiꞌni?”

21 Ja̱je Jesús cani i̱ ca̱përe capi, huëꞌere pare caye pa̱pi. 22 Ja̱je paꞌina, Jesús ju̱ꞌisiquëpi huëisi maca i̱ yeꞌyacohuaꞌipi cuasa ñajateña, i̱ iye caseꞌere. Cuiꞌne ja̱ maca toyaseꞌe caseꞌeje̱ nuñerepa care paꞌë cajë asahuë.

23 Jesús Jerusalénre paꞌi pa̱i yoꞌo ti̱ꞌa maꞌñere yoꞌoquëna, ñani jai pa̱i i̱te i̱re papi cajë asahuë, Israel pa̱i Egíptopi etaseꞌere cuasajë yoꞌo fiesta paꞌi maca yoꞌoquëna. 24 Ja̱je paꞌiquëtaꞌare Jesús cato pa̱i cuasayere ñani pa̱i nuñerepa cayë cuasaye pa̱pi, siꞌaye pa̱i cuasaye ñaquë sëte. 25 Pa̱ipi i̱te dani ja̱je yoꞌoquë api iquë cajë quëa ti̱ꞌañe peopi, tsoe i̱seꞌe asapi, pa̱i joyo cuasajë paꞌiye.

<- SAN JUAN 1SAN JUAN 3 ->