2 Ta chenliendu, bi Baolo tande goude kielieye. Ta hetoude kouise Mexiha tande yama haochu uwo. 3 Bi pse jien hetoune giesan kunlade jingao gieye. Tande guijinni man zunjiku zheren wine. 4 Ta enezighan guijinni kouizhi gounide sanane giesanla, Mexihaghala gonxi widazhi nenjiense likai giewo. 5 Bijien Shenlinde kouizhi xianxin giekughala gounide sanakui panjizhi sagheizho. 6 Mexiha Ersai miende hetoune gie, ulie gie yama zhunyo uwo. Zhunyonishi orekughala khizhesan xianxin gieku wo.

7 Ta izhi giesan gou woma, ede ta zhendaoni shunjikui kien duiwo? 8 Ingiezhi surughasanshi tai urusan hhe pusho. 9 Goujinie kunieghe nie duizi ghurunyi faighane. 10 Ta pseshikui ulie sumulakui bi Ezhanyi miende hende xianxin giezhoma, kien tai daolon giese hhei faine. 11 Gaijiula, bi izhigie hetoune giekui chonjizhoshi mii yangiezhi dou heine? Qingiezhoshi shizijia kunni hokurughaku widawo. 12 Bi xiwon giese tai daolon giesanla goyane atala gie!

13 Gaijiula, tai ziyude uruzhoma, ene ziyuni nefuxin gieku jihui bu gholughadene nieniene oreku zhugheghala ushila. 14 Soyuji guijin man goyadene mutun giebeidene ore giesan ene nie aman kieliende bouizho. 15 Ta xioxin giezhi nieniene bu zhouzhi bu yenji, pse man widane.

16 Bi kielieye, ta Shenlinni daghazhi gie, ingiese beyeni nefuxinni ulie giene. 17 Beyeni nefuxin Shenlinghala zodui giezho, Shenlinye beyeghala zodui giezho. Ene ghuala nieniene zodui giezhi ta duralasan shiqinni ulie gieghane. 18 Tai Shenlin uduruse guijin doura uwo. 19 Beye giekulai minminji mejiene, lon kijieku, zannanni, hu gieku, 20 nigiedai beiiku, fashu shuaiku, chou bareiku, zhenjinduku, henjiku, piqi shuaiku, zinie goyane guiku, danlinraku, danpai gholughaku, 21 dubilieku, jiu ochi sudoku, nouiku, pse intu shiqinla wo. Bi eqighanse tande jingao giesan mutun ede pse tande jingao gieye. Enezighan shiqinlani giesan kunla Hudai gojiai jienlie dane.

22 Shenlinni jiegoshi, oreku, bayasuku, pinnan, rennai, goude gieku, gou zhughe, kekaoni, 23 renyi, goyane kunzhi gieku wo. Intu shiqinlai guijin gonji dane. 24 Mexiha Ersani kunla beyeji nefuxin gieku duranne hhantu shizijia jiere ghadawo. 25 Matan Shenlinni kouizhi udu daose Shenlinni kouizhi giekuni wo. 26 Matan goyane undude bu uzhezhi nieniene bu hokughazhi nieniene bu dubilieye.

<- Jialatai Kunlade Huaisan Xin 4Jialatai Kunlade Huaisan Xin 6 ->