Yohane Busansulushi Kalata ya Yohane yacibili yalalembwa ne mutumwa Yohane mucaka ca (90 A.D.) Yohane nkalasansululungeti ewalalemba kalata iyi, nomba walikuweti ni mutangunishi. Bilimo mukalata ya Yohane yacibili byakoshanako ne bisa bili mu Mulumbe Waina wa Yohane. Ici cilaliboneshenga pakubweshela sha mulawo wa kusunana ne pakukoshanisha sha lusuno ne kukonka milawo yakendi 2 Yohane 1:5-6. Caboneketi iyi kalata Yohane walailembela pamo ne Mulumbe Waina wa Yohane ne makalata naambi, yakutanguna ne yacibili ne yacitatu pa cindi ncali kuba ku Efenso. Yohane walalembela kalata iyi kuli uyo mutukashi wasaliwa pamo ne banabendi. Nomba wali kulembela ku mubungano pamo ne basaliwa bonse abo bashoma. Yohane ncalikuyanda ni kuyumisha mubungano ne kubacenjesha pacebo ca beshi kwiyisha bandemishibili. Mitwi ya makani Yohane layambanga kalata pakwamba nkwelenga nekubapa mitende bene kalata 2 Yohane 1:7-13 Yohane layumishinga mubungano ne kubanusha sha mulawo walusuno lunene 2 Yohane 1:4-6 Cishikukonkapo, labacenjeshenga sha beshikwiyisha bandemi shibili 2 Yohane 1:7-11 Yohane lapwishinga ne kubalaya cena 2 Yohane 1:12-13
1 Ame mutangunishi ndalembelenga mutukashi wasalwa ne Lesa, kayi ne bana bendi abo mbonsuni. Lino ntame ndenka nkusuni, nsombi ne abo bonse basuni cakubinga. 2 Tumusuni pacebo cakubinga ico cili mulinjafwe, kayi ceti cibenganga mulinjfwe kwa cindi conse. 3 Lesa Bata ne Yesu Klistu Mwanendi, atupe lumuno ne luse kayi ne lumuno lube nenjafwe mu cakubinga ne mu lusuno.
Cakubinga ne Lusuno 4 Ndalakondwa cancine ncine mpondalacaneti bana benu nabambi bali mubwikalo bwakukonka cakubinga mbuli Bata ncobalatwambila. 5 Lino ndakusengenga omutukashi obe wasunika kwambeti twense tusunane. Nteko kwambeti ndakulembele mulawo umbi, nsombi niwopele usa ngotwalikukute kufuma pakutatika. 6 Lusuno ndondambanga nilwakwambeti tukonkelenga Milawo ya Lesa mbuli ncomwalanyumfwa kufuma kumatatikilo, neco twelela kusunana.7 Pakwinga bandemi shibili bangi balesulu mucishi capanshi conse, nabo nkabalasumininga kwambeti Yesu walesa mbuli muntu. Bantu bamushobo uyu nibandemi shibili kayi nibalwani ba Yesu Klistu. 8 Neco cenjelani kwambeti mutataya ico ncomwalasebensela kwambeti mukatambule cilambo cenu. 9 Uliyense labulunga kukonkela kwiyisha kwa Yesu Klistu nsombi kabikilapo nabimbi, nkalipo ne Lesa. Nsombi uyo lasungunga ciyisho ico emuntu uli ne Lesa kayi ne Yesu. 10 Neco muntu wisa kulinjamwe kwisa akwiyisha bintu byabula kuba mbuli ibi, mutakamutambula mung'anda mwenu, kamutakambeti, “lumuno lube nenjobe.” 11 Pakwinga uliyense lamupanga mitende lasuminishinga bwipishi bwakendi.
Maswi akupwililisha 12 Nkute bintu binga byakukwambila nsombi nkansuni kubilemba munkalata. Ndayeyenga kwisa akukufwakashila, kwambeti nkamwambile katuli twalangana, kayi ne kwambeti tukasangalale cancine ncine. 13 Bana bankashi yakobe basalwa balakupanga mitende.
1 Ame mutangunishi ndalembelenga mutukashi wasalwa ne Lesa, kayi ne bana bendi abo mbonsuni. Lino ntame ndenka nkusuni, nsombi ne abo bonse basuni cakubinga. 2 Tumusuni pacebo cakubinga ico cili mulinjafwe, kayi ceti cibenganga mulinjfwe kwa cindi conse. 3 Lesa Bata ne Yesu Klistu Mwanendi, atupe lumuno ne luse kayi ne lumuno lube nenjafwe mu cakubinga ne mu lusuno.
7 Pakwinga bandemi shibili bangi balesulu mucishi capanshi conse, nabo nkabalasumininga kwambeti Yesu walesa mbuli muntu. Bantu bamushobo uyu nibandemi shibili kayi nibalwani ba Yesu Klistu. 8 Neco cenjelani kwambeti mutataya ico ncomwalasebensela kwambeti mukatambule cilambo cenu. 9 Uliyense labulunga kukonkela kwiyisha kwa Yesu Klistu nsombi kabikilapo nabimbi, nkalipo ne Lesa. Nsombi uyo lasungunga ciyisho ico emuntu uli ne Lesa kayi ne Yesu. 10 Neco muntu wisa kulinjamwe kwisa akwiyisha bintu byabula kuba mbuli ibi, mutakamutambula mung'anda mwenu, kamutakambeti, “lumuno lube nenjobe.” 11 Pakwinga uliyense lamupanga mitende lasuminishinga bwipishi bwakendi.