Filemoni

1 U Paulo ufungwe wa Yesu Kristi, nu holo uTimotheo hwa Filemoni, ukundwe wetu ubhomba mbombo wamwetu, 2 na hwa Afia uilumbu wetu na hwa Arkipas usikali wa mwitu, na hwi kanisa lyalitangana mu nyumba yaho. 3 Eneema nu lutengano lwalufuma hwa Ngulubhi uise witu nahwa Gosi witu U Yesu Kilisti. 4 Uwakati wonti ehusalifya Ungulubhi nehutambula humpuuto zyane. 5 Enumvwizye ulugano nu lweteshelo lwolinalwo hwa Yesu, kwa Kilisti bhonti. 6 Elabha huje oumoja wenyu nulweteshelo lwenyu lubhe ne mbombo enyinza ya shila hantu hamubhomba hwa Yesu Kilisti. 7 Ane endi nu luhobhoshelo nu luzinzyo hunongwa ye lugano lwaho awe wuhapumizyaga amooyo ga Kristi wu holo witu. 8 Ata embene amli huje ubhombe zyazi hwanziwa azibhombe, 9 lelo hunongwa ye lugano, lwulinalwo ane ehulamba ane ne Paulo negogolo eshi endi fungwe hunongwa ya Yesu Kristi. 10 Ehulabha hunongwa ya mwana waive u Onesmo, yempepe muufungwe wane. 11 Ulwahande sigakhuundiye lelo eshi skhuundiye sewumwe nane wayo. 12 Etumile huliwe uyo we mwoyo gwane awele huliwe. 13 Nazilishe huje ayendelele akhale nane aje ambombelaje badala ye izula Ngulubhi. 14 Lelo simbajiye abhombe lyalyonti bila luhusayaho. Nilifanya hivi ili kwamba jambo lolote zuri lisifanyike kwa sababu nilikulazimisha, bali kwa sababu ulipenda mwenyewe kulitenda. 15 Ulwenje pepo alehene nawe hashe zyaliesho, aje nkuhakhale nawo wilawila. 16 Nantele huje siga abheboyi aje abhe holo huline na huliwe hubilena na hwa Yesu. 17 Eshi elabha umwejelele neshi huje unejelela nene. 18 Lelo nkashele hahweli hatulile hahonti ulwenje ohudai eho ane embahusombe. 19 Ane ne Paulo ensimbile hukhono gwane nene embahusombe see huje ehudai. 20 Amba epate uluseshe huliwe ugwizye umwoyo gwane hwa Yesu Kristi. 21 Endi nulwitishilo nu lweteshelo lwaho huje ubhabhombe zyesimbiye na zila zyasiga esimbiye. 22 Elabha undinganyizye apagone ane hwanza aje na hinze hujendelele. 23 U Epafra, ufungwe wamwetu ahulamuha, 24 neshi shabhomba uMarko, Aristarko, Dema, Luka, abhomba mbombo pandwimo nane. 25 Eneema ya Yesu Kristi ebhe nu mwoyo gwaho. Amina.