1 Umwaha, ugwa kumi na tano owalongozye hwakwe Kaisari Tiberia, Pantio Pilato nali liwali owayahudi, na Herode omwene owa Galilaya, no Filipo oholo wakwe omwene uwa Iturea nensi eya Trakoniti, na Lisania no mwene owa Abilene, 2 Wakati owa kohani ogosi owa anasi no Kayafa, izu elya NGOLOBHE lya fishiye oYohana omwana owa Zakaria, mwipoli. 3 Afishele mnsi yonti yelikaribu ne Yordani, alombeleye owoziwa owa lete usajilwa olwa hwefwe embibhi. 4 Neshe shahwasimbilwe chuo eshe mazu aga kuwe Isaya, “Izu ya mntu wali mwipoli, “Lilenganyi idala elya GOSI, gagalosyaji omwashile hwakwe. 5 Entebha yonti yayimema nigamba nagamba hayisiwa, papatejile payibha pagoloshe papakwanyushe paile nganiha. 6 Bhonti abhebele bhayihulo owaule owa NGOLOBHE.” 7 Basi, abhabholele amabongano bhala bhabhaliye ili abhoziwe amwe mpapwo wenzoha wenu yabhasundile amwe ayinjile enkuni yehayenza? 8 Basi fumyaje amadondo gagahwanziwa ulusajilo, wala mgajeahwanza ayanje mmoyo genyu, “Tilinawo udada uIbrahimu eshi embabhola yaje amawe ega, ONGOLOBHE abhajiye ahwubhosrzye uIbrahimu abhana. 9 Neshi etwanga tayari ebhehwelwe pamashinshi age makwi. Basi, kila likwi lya sagalipapa amadondo aminza, lidumlwa nalitaje mmwoto. 10 Amabungano gabhozya, “Tikhozye wole eshi?” 11 Wabhajibu wabhabhozya, “Yali na magolola gabhele na apele yasaga aunigolola yali nevyalye wape abhombe eshoshesho.” 12 Bhabhasonjezya bhape bhenza ahwoziwe, bhabhozya,”Manyiziji, tubhombe yenu ate? 13 Wabhabhola, “Mgaje sonjezye ahantu zaidi ya hata hahapangwilwe. 14 Asikali bhape bhabhozya bhayanga, “ate nate tibhombe wele? Wabhabhole msafwele omntu wala msashitake ilenka antele myanje no mshahara gwenyu.” 15 Basi, abhantu nabhali bhabhagola gaganzafumile, wonti bhasega sebhaga mmoyo gabho enongwa ezya Yohana nkashe umwene Kristi. 16 UYohana wagalula wabhabhozya bhonti lyoli ane embozya namenze lelo ahwenza ohwemaha ashile ane sembwezizye ayengezye olwabho olye vilato vyakwe. omwahale ayibhoziwa hupepo ozelu no mwoto. 17 Afwanaje ubheto lwakwa lulimakho no wape ayozya tee mhati yakwe na bhonganye engano yakwe. Mshanga, antele amapetelo aigapemba mmwoto gwa sagaguzima. 18 Basi hurusundo hugamwabho aminji, abhalombeleye abhantu. 19 Lelo omwene oHerode akhalipiwe nomwe kwajili ya Herode, ushe wa holo wakwe, namabhibhi gonti gabhombile o Herode. 20 Ahonjezye eli neli afunjile oyohani mwijela. 21 Bhabhantu wonti bhabhamaushe ahinziwe no Yesu wape ahoziwe wape alabhile emwanya zya higushe. 22 Upepo uzelu ahishile pamwanya yakwe hufwano ongwebelebele, neshe enjebha izu lya fumile amwanya, “Awe wemwana wane wegene. Ensogwezewe nawe.” 23 No Yesu yoyo nahandile amanyizye, ali apate umri wakwe neshe amaha salathini. ategemelwa ajemwana wa Yusufu, wa Eli, 24 Wo Mathati, walawi, wa MeIki, wayana wa Yusufu, 25 Wa Matathia, wa Amosi, wa Nahumu, wa Esli, wa Nagai, 26 Wa Maati, wa Matathia, wa Semeini, wa Yusufu, wa Yuda, 27 Wa Yohana, wa Rese, wa Zerubabeli, wa SheaItieli, wa Neri, 28 MeIki, wa Adi, wa Kosamu, wa Elmadamu, wa Eri, 29 Wa Yoshua, wa Eliezeri, wa Yorimu, wa Matathi, wa Lawi, 30 Wa Simioni, wa Yuda, wa Yusufu, wa Yonamu, wa Eliyakimu, 31 Wa Melea, wa Mena, wa Matatha, wa nathani, wa Daudi, 32 Wa Yese, wa Obedi, wa Boazi wa Salmoni, wa Nashoni, 33 Wa Abinadabu, wa Aramu, wa Hesroni, wa Peresi, wa Yuda, 34 Wa Yakobo, wa Isaka, wa Ibrahimu, wa Tera, wa Nahori, 35 Wa Seruig, wa Ragau, wa Pelegi, wa Eberi, wa Sala, 36 Wa Kenani, wa Arfaksadi, wa Shemu, wa Nuhu, wa Lameki, 37 Wa Methusela, wa Henoko, wa Yaredi, wa Mahalalei, wa Kenani, 38 Wa Enoshi, wa Sethi, wa Adamu, wa NGOLOBHE.

<- Luka 2Luka 4 ->