1 Mbaa, Kooh gapiɗ ɓoo ne ɓoo miniɗ rahas iɗsiɗki a woye. Te gapohiŋ ɗe weem, wa ris po wi. Kon ɓoo wortukaat po ali ɓo' nga ɗu kinaat ambu findi ɓo' tasiɗ finho. 2 Laam ɓoo namiɗ yegɗu yegɗoh muc findi ɓa fiɗaaf caŋ ɓa keenee ŋ kehƴa hulanga. Woo ka ɓa yegɗasse, wa njirñeeɗi ɓa in sagu ina ɓa ɓaaheeɗi kos na ɓa teyɗukee wa.
3 Waaye ɓoo ɓi kos, ɓoo hey rahse iɗsiɗki Kooh na woye wi a woo ne :
5 Waaye, ŋ Fiis cii, a woyis ne : « Ɓa rahsanɗi muk iɗsiɗki ŋ gap ɓa. » 6 Ɓi koc kerah yegɗoh muc, ɓa rahasɗi iɗsiɗki sagu kerhiɗaaɗi Kooh. Waaye wa wooriɗ ne raakiɗ poyi, ɓi joya min rahas. 7 Ineem weɗ tah, wa degga kiis laayiɗ, a gapissa mbeh wiiriis, a teekkaa "woti". A taambohha ŋ woosuuɗi Dawuuda a woosaa, ngaŋ Fiis ci ɓoo raaw jang an :
11 Kon mbaa ɓoo ndengɗukaat, ɓoo rahas iɗsiɗkeem ne ali ɓo' nikuu kerhiɗaaɗi po a kee keena findi caac caŋ ɓoo. 12 Laam woo kiŋ Kooh wii pes te wa raakiɗ hatil, weɗ uup kaañ ndang nu na nguɗe na ɓak kanak ɗah. Weɗ na kaɗe po wa saɓsoh coonndiŋ ɓoyi na liiɓiŋ ɗe, pok pok ciŋ ɗe na soriŋ ɗe te wa inhisohee ini ɓo' waaɗ ŋ ɗooƴ keeñ na ini a na liiɓe. 13 Raakɗi feruuɗi ɗemb Kooh, in ci jen rangsukiɗ halang ŋ fiki Kooh, Yi ɓoo woyan in ci ɓoo tum.
16 Kon, ɓoo kinaat supuk, ɓoo reɓaat ŋ ɓoofohaaniŋ Kooh yi na ɗaasohe, ne ɓoo min ɗe misik, a baahoh ɓoo, ŋ ineem, a min ɓoo hirip ŋ jamanooniŋ wa.
<- Heber ci 3Heber ci 5 ->- a 4:3 Sabuur 95:11
- b 4:4 Camba 2:2; Pula 20:11
- c 4:7 Sabuur 95:7-8
- d 4:8 kur ka Yosuwe aasɗohee caac caŋ ɓoo : wa nikee Kanaan, wa Kooh kocee gap Ibrahiima. (Camba 12:1-7) E Musaa pulɗee Israayel ci, ɓi rimkoh ŋ Ibrahiima, Misra (Pula 12:29-42) ; Yosuwe, yi adgoh Israayel ci ŋ finho Musaa, aasiɗta ɓa ŋ kur ka. (Yosuwe 4) Ɓa mirndohhaa teek Israayel.