Fiisi Pool koc kaɓɗoh ɓi Korenta Rangsohaani Pool ɓaahee ŋ Israayel ci, ŋ cuuɓiŋ Benyaamin.[a] A nikee Farisen.[b] Ŋ finho Paantakot, wi Janguuni camb ɓaatuk, a ɓaahee ŋ ɓi tolfiɗee kosiɗ ci.[c] Waaye wa raakka mbeh, a cohha na Yeesu, a kossa[d] po a nikka Apootar sah. Teerndiŋ "Tum ciŋ Apootar ci" teeɓohiɗ pangkiŋ ɗe wi a nik Apootar ini kooɗoh ŋ saar 13. Teerndiŋ Tum ciŋ Apootar ci teeɓohiɗ kaɗaŋ Pool koc ŋ kur kaŋ Korenta ŋ saar 18:1-18. A tumiɗ ndaam ini uup kiis na camban, wala kiis kanak sah. Wa nikee ŋ reehɗohaaniŋ ɓaaɓiŋ ɗe yakki kanakɗoh.[e] Fiisi Pool koc kaɓɗoh ɓi Korenta wii, a fiisa ŋ ɗooƴ ɓaaɓiŋ ɗe yakki kaahayɗoh,[f] wa raak ɗe ŋ Efes.[g] Ŋ ɗooƴ kaɓɗohi a fiis wii, a yegɗohiɗ nga kaɗiŋ ɗe kanakɗoh ŋ Korenta,[h] wi teeɓohu ŋ teerndiŋ Tum ci 20:2. Fiisi Pool koc kaɓɗoh ɓi Korenta kaɗtiɗoh an : - Kañɗoh na corkiɗ Kooh ŋ ini kaɗ ŋ ɓi Korenta 1:1-9 - Nikaaɗiikiŋ ɓa yino 1:10-17 - Liiɓohaaɗ moɗiɗ na liiɓohaaɗ dof 1:18–2:16 - Inah findi fu joy hotoh ɓi yegiɗ ɗa Yegɗohiŋ Muci3:1–4:21 - Findi fu joy tumoh na ɓoyi tum bakaaɗ yakak 5:1-13 - Ɓi bakaaɗ wiiriis ci joy wortuku 6:1-20 - Raak ƴaar mbaa ɓitiɓ, wala ris raakaaɗi 7:1-40 - Hoosuuɗ wuu kooh nikaaɗi 8:1-13 - Pool teeɓohiɗ ne a Apootar9:1-27 - Wortuk kooh ci nikaaɗiici, yakiɗ Koohi nik 10:1-22 - Kina hondoh ɓooɓi pes na Kooh 10:23–11:1 - Kikilifa na eɗu cir 11:2-16 - Kañam kiŋ Heɗi 11:17-34 - Onoh ciŋ Fuuɗsi Hoolohngaani12–14 - Hultiŋ Kiristaani na wiŋ kosiɗ ci 15:1-58 - Nakoh ci mirndoh na askohi 16:1-24
1Kañɗohi 1-2 Mi yii kañiɗ ɗu, ɗu ɓi Janguuniŋ Kooh nik ŋ Korenta. Mi yi Pool, ApootariŋKiristaani Yeesu ŋ waaɗ-waaɗiŋ Kooh na ɓeeɗkohiŋ ɗe, ñam na fiisee ɗu kaytii, mi na Sosten yi ɓaah ŋ ɓaah ciŋ ɓoo kosiɗ ci. Ɓoo ɓii kañiɗ ɗu, ɗu ɓi Kooh ɓeeɗuk ne a tum ɗu wuu ce ŋ niki ɗu nik ŋ Kiristaani Yeesu. Ɓoo ɓii kañiɗ ɗu na ɓooɓi kos ɗe jen, ŋ ɗisik nu wa min nik ŋ adinaani ɗah. A yi Heɗ ɓa, findi a namoh nik Heɗ ɓoo. 3 Kooh Baabiŋ ɓoo baahohaat ɗu, a on ɗu jam ! Yeesu Kiristaa Heɗi baahohaat ɗu, a on ɗu jam ! Pool corkiɗiɗ Kooh 4 Mi na gene corkiɗ Koohiŋ ngo, ŋ ini kaɗ nga ɗu, sagu baahohi Kooh baahoh ɗu ŋ niki ɗu nik ŋ Kiristaani Yeesu. 5 Wa taamboh nga ɗe, ɗu rahassa raak-raak ci jen ŋ ini kaɗ ŋ Woo ki na inah in ciŋ Kooh. 6 Laam ini seede'u ŋ ini kaɗ ŋ Kiristaani, Kooh ndengɗiɗa nga ɗu. 7 Ineem tahha po, ɗu nikɗi raakaaɗi ali in ŋ onoh ci Fuuɗsiŋ Kooh onoh, ŋ seki ɗu na seke jamanooni Heɗ ɓoo Yeesu Kiristaa teeɓkohan. 8 A yi ŋ haf ce, a yi ndengɗan ɗu po ŋ reehɗohaana, ne ɗu raakuu ali woyɗaah moɗaaɗi ŋ mbehiŋ ɗe. 9 A Kooh ɓeeɗuk ɗu ne ɗu nik yino na Kuɓkiŋ ɗe, Yeesu Kiristaa, Heɗ ɓoo, te in nu Kooh gapoh ɗah, a tuma. Ɓi Janguunaŋ Korenta saɓsukohiɗ 10 Ɓaah ciŋ ngo kosiɗ ci, mi yii ñaah ɗu ŋ tiikiŋ Heɗ ɓoo Yeesu Kiristaa, ne ɗu jen ɗu kerhiɗoh. Saɓsukoh raakuu ŋ harmban ɗu, nikaat yino keeh-keeh, ɗu ɓaah liiɓohaaɗ, ɗu ɓaah hot-hot. 11 Laam, ɓi kahan Kolowe[i] woyiɗ to ne lahtoh raakiɗ ŋ harmban ɗu, ɓaah ciŋ ngo. 12 Mi na woye ne yaa nu nga ɗu yii woo, ɓii an : « Mi, ŋ ɓaah ŋ Pool ! » Ɓum an : « Mi, ŋ ɓaah ŋ Apolos ! » Raak ɓi na woye ne : « Mi, ŋ ɓaah ŋ Piyeer ! » Na ɓi na woye ne : « Mi, ŋ ɓaah ŋ Kiristaani ! »13 Kiristaani saɓsukoh saɓsukoh e ? A mi yi Pool ñam daaƴu ŋ kurwaana wuu ɗu e ? Ɗu ɓoktu ɓoktu ŋ tiikiŋ Pool e ? 14 Mi yii corkiɗ Kooh ŋ ini ŋ ɓokitɗi ali ɓo' nga ɗu, ɗal Kirispus na Gayus. 15 Ŋ ineem ali ɓo' minɗi woo ne ɗu ɓoktohu ŋ tiikiŋ ngo. 16 Ee, ŋ namiɗ ɓokit ɓi kahan Estefanas ; ɗal ɓooɓeem ɗah, ŋ naandsukɗi ɗiski ŋ ɓoktoh ɓo' wiiriis.
17 Laam Kiristaani woosɗi so ne ŋ ɓoktohe, waaye a woos so ne ŋ woyee Yegɗohiŋ Muci ; te wa gaƴkuu ŋ min woo, po kurwaaniŋ Kiristaani kee nika ɓarang ɓarang.
Liiɓohaaɗ moɗiɗ na liiɓohaaɗ dof 18 Ee, woo ŋ kakaan kiŋ Yeesu ŋ kurwaana, wa dof ngaŋ ɓi yurah ŋ muuƴ, waaye nga ɓoo, ɓoo ɓi nik ŋ waasiŋ muci, wa hatiliŋ Kooh. 19 Laam Fiis ci Hooliɗ ci woyiɗ ne : « Ŋ hey ɗumbe ki'inhiŋ inhiɗ ci, ŋ ɓarngiɗ ñaañiŋ ñaañiɗ ci.[j] » 20 Ɓa nde ɓooɓi na toone ñaañ ? Ɓa nde inhiɗ ci[k] ? Ɓa nde ɓooɓi na lasse min woo woti-woti ? Kooh teeɓohɗi ne kiñaañ kiŋ Adina dof e ? 21 Kooh, ŋ moɗkiŋ liiɓohaaɗiŋ ɗe, tumiɗ po ɓi Adina minɗi ɗe inah taamboh ŋ kiñaañ kiŋ ɓa. Ineem weɗ tah po, a hotta ne wa baahiɗ ne a taamboh ŋ Yegɗohi ɓooɓi amb ne wa dofoha ne a muciɗ ɓi kos.22 Yawuut ci na meeksohe keemaan, Gerek ci waakee ki'inah. 23 Waaye ɓoo nak, ɓoo na yegɗohe Kiristaani, yi daaƴu ŋ kurwaa. Ineem na kafnde Yawuut ci po ɓa minɗi kos te ɓi nikɗi Yawuut ammba ne wa dofoha. 24 Waaye ŋ ɓi Kooh ɓeeɗuk, wa Yawuut haa wa Gerek haa, Kiristaani a yi hatiliŋ Kooh, a yi moɗkiŋ liiɓohaaɗiŋ Kooh. 25 Laam ŋ woyohaaɗ sah, Kooh haɓiɗ dofoha ɗah, weɗ uup ñaañ kiñaañ ɓo' te a ñak hatil ɗah, hatiliŋ ɗe uup hatil ɓo'.
Taniŋ Kooh 26 Te ŋ ineem sah, ɓaah ciŋ ngo, markaat ɓooɓi ɗu nikoh, ɗu ɓi Kooh ɓeeɗuk ; laayiɗ nga ɗu heɗ liiɓohaaɗ moɗiɗ ŋ Adina haa wala heɗ hatil wala heɗ tiik haa. 27 Waaye Kooh tan in ci ɓi Adina amb dofoha ne a kaci'iɗ ñaañiɗ ci ; Kooh tan in ci ɓi Adina amb ne ca raakɗi hatil ne a kaci'iɗ heɗ hatil ci. 28 Kooh tan in ci ƴissuutɗu ŋ Adina, ci heefu, in ci nikɗi ali in, ne a ɓarngiɗ in ci raakiɗ etoh ci.29 Tahha po ali ɓo' minanɗi yaksiɗuk ŋ fiki Kooh. 30 A yi tum po ɗu nikka ŋ Kiristaani Yeesu yi nik liiɓohaaɗ moɗiɗ puloh ŋ Kooh wuu ɓoo, a tummba ɓoo ɓo' yurhiɗ, a tummba ɓoo ɓo'-Kooh, a muciɗta ɓoo, 31 findi wa fiisohu an : « Ɓo' nu na yaksiɗke ɗah, a yaksiɗkohaat Heɗi.[l] »
1 Korenta 2 ->
- a Ɓi Rom 11:1; Ɓi Filippi 3:5
- b Tum ci 23:6; Ɓi Filippi 3:5
- c Tum ci 7:58–8:3
- d Tum ci 9:1-30
- e Tum ci 15:40–18:22
- f Tum ci 18:23–21:17
- g Tum ci 19:1–20:1; 1 Korenta 16:8
- h 1 Korenta 16:5-7
- i 1:11 Kolowe : wa tiik ɓitiɓ.
- j 1:19 Esayi 29:14
- k 1:20 inhiɗ ci ndii : ɓo' uup liiɓ ne a na woye jangɗohoh ciŋ waasiŋMusaa.
- l 1:31 Yeremi 9:23
13 Kiristaani saɓsukoh saɓsukoh e ? A mi yi Pool ñam daaƴu ŋ kurwaana wuu ɗu e ? Ɗu ɓoktu ɓoktu ŋ tiikiŋ Pool e ? 14 Mi yii corkiɗ Kooh ŋ ini ŋ ɓokitɗi ali ɓo' nga ɗu, ɗal Kirispus na Gayus. 15 Ŋ ineem ali ɓo' minɗi woo ne ɗu ɓoktohu ŋ tiikiŋ ngo. 16 Ee, ŋ namiɗ ɓokit ɓi kahan Estefanas ; ɗal ɓooɓeem ɗah, ŋ naandsukɗi ɗiski ŋ ɓoktoh ɓo' wiiriis.
17 Laam Kiristaani woosɗi so ne ŋ ɓoktohe, waaye a woos so ne ŋ woyee Yegɗohiŋ Muci ; te wa gaƴkuu ŋ min woo, po kurwaaniŋ Kiristaani kee nika ɓarang ɓarang.
22 Yawuut ci na meeksohe keemaan, Gerek ci waakee ki'inah. 23 Waaye ɓoo nak, ɓoo na yegɗohe Kiristaani, yi daaƴu ŋ kurwaa. Ineem na kafnde Yawuut ci po ɓa minɗi kos te ɓi nikɗi Yawuut ammba ne wa dofoha. 24 Waaye ŋ ɓi Kooh ɓeeɗuk, wa Yawuut haa wa Gerek haa, Kiristaani a yi hatiliŋ Kooh, a yi moɗkiŋ liiɓohaaɗiŋ Kooh. 25 Laam ŋ woyohaaɗ sah, Kooh haɓiɗ dofoha ɗah, weɗ uup ñaañ kiñaañ ɓo' te a ñak hatil ɗah, hatiliŋ ɗe uup hatil ɓo'.
29 Tahha po ali ɓo' minanɗi yaksiɗuk ŋ fiki Kooh. 30 A yi tum po ɗu nikka ŋ Kiristaani Yeesu yi nik liiɓohaaɗ moɗiɗ puloh ŋ Kooh wuu ɓoo, a tummba ɓoo ɓo' yurhiɗ, a tummba ɓoo ɓo'-Kooh, a muciɗta ɓoo, 31 findi wa fiisohu an : « Ɓo' nu na yaksiɗke ɗah, a yaksiɗkohaat Heɗi.[l] »
1 Korenta 2 ->- a Ɓi Rom 11:1; Ɓi Filippi 3:5
- b Tum ci 23:6; Ɓi Filippi 3:5
- c Tum ci 7:58–8:3
- d Tum ci 9:1-30
- e Tum ci 15:40–18:22
- f Tum ci 18:23–21:17
- g Tum ci 19:1–20:1; 1 Korenta 16:8
- h 1 Korenta 16:5-7
- i 1:11 Kolowe : wa tiik ɓitiɓ.
- j 1:19 Esayi 29:14
- k 1:20 inhiɗ ci ndii : ɓo' uup liiɓ ne a na woye jangɗohoh ciŋ waasiŋMusaa.
- l 1:31 Yeremi 9:23