Ⅱ པཤྩཱད྄ དྷཱཝིཏྭཱ ཤིམོནྤིཏརཱཡ ཡཱིཤོཿ པྲིཡཏམཤིཥྱཱཡ ཙེདམ྄ ཨཀཐཡཏ྄, ལོཀཱཿ ཤྨཤཱནཱཏ྄ པྲབྷུཾ ནཱིཏྭཱ ཀུཏྲཱསྠཱཔཡན྄ ཏད྄ ཝཀྟུཾ ན ཤཀྣོམི།
Ⅲ ཨཏཿ པིཏརཿ སོནྱཤིཥྱཤྩ བརྷི རྦྷུཏྭཱ ཤྨཤཱནསྠཱནཾ གནྟུམ྄ ཨཱརབྷེཏཱཾ།
Ⅳ ཨུབྷཡོརྡྷཱཝཏོཿ སོནྱཤིཥྱཿ པིཏརཾ པཤྩཱཏ྄ ཏྱཀྟྭཱ པཱུཪྻྭཾ ཤྨཤཱནསྠཱན ཨུཔསྠིཏཝཱན྄།
Ⅴ ཏདཱ པྲཧྭཱིབྷཱུཡ སྠཱཔིཏཝསྟྲཱཎི དྲྀཥྚཝཱན྄ ཀིནྟུ ན པྲཱཝིཤཏ྄།
Ⅵ ཨཔརཾ ཤིམོནྤིཏར ཨཱགཏྱ ཤྨཤཱནསྠཱནཾ པྲཝིཤྱ
Ⅶ སྠཱཔིཏཝསྟྲཱཎི མསྟཀསྱ ཝསྟྲཉྩ པྲྀཐཀ྄ སྠཱནཱནྟརེ སྠཱཔིཏཾ དྲྀཥྚཝཱན྄།
Ⅷ ཏཏཿ ཤྨཤཱནསྠཱནཾ པཱུཪྻྭམ྄ ཨཱགཏོ ཡོནྱཤིཥྱཿ སོཔི པྲཝིཤྱ ཏཱདྲྀཤཾ དྲྀཥྚཱ ཝྱཤྭསཱིཏ྄།
Ⅸ ཡཏཿ ཤྨཤཱནཱཏ྄ ས ཨུཏྠཱཔཡིཏཝྱ ཨེཏསྱ དྷརྨྨཔུསྟཀཝཙནསྱ བྷཱཝཾ ཏེ ཏདཱ ཝོདྡྷུཾ ནཱཤནྐུཝན྄།
Ⅹ ཨནནྟརཾ ཏཽ དྭཽ ཤིཥྱཽ སྭཾ སྭཾ གྲྀཧཾ པརཱཝྲྀཏྱཱགཙྪཏཱམ྄།
Ⅺ ཏཏཿ པརཾ མརིཡམ྄ ཤྨཤཱནདྭཱརསྱ བཧིཿ སྠིཏྭཱ རོདིཏུམ྄ ཨཱརབྷཏ ཏཏོ རུདཏཱི པྲཧྭཱིབྷཱུཡ ཤྨཤཱནཾ ཝིལོཀྱ
Ⅻ ཡཱིཤོཿ ཤཡནསྠཱནསྱ ཤིརཿསྠཱནེ པདཏལེ ཙ དྭཡོ རྡིཤོ དྭཽ སྭརྒཱིཡདཱུཏཱཝུཔཝིཥྚཽ སམཔཤྱཏ྄།
ⅩⅢ ཏཽ པྲྀཥྚཝནྟཽ ཧེ ནཱརི ཀུཏོ རོདིཥི? སཱཝདཏ྄ ལོཀཱ མམ པྲབྷུཾ ནཱིཏྭཱ ཀུཏྲཱསྠཱཔཡན྄ ཨིཏི ན ཛཱནཱམི།
ⅩⅣ ཨིཏྱུཀྟྭཱ མུཁཾ པརཱཝྲྀཏྱ ཡཱིཤུཾ དཎྜཱཡམཱནམ྄ ཨཔཤྱཏ྄ ཀིནྟུ ས ཡཱིཤུརིཏི སཱ ཛྙཱཏུཾ ནཱཤཀྣོཏ྄།
ⅩⅤ ཏདཱ ཡཱིཤུསྟཱམ྄ ཨཔྲྀཙྪཏ྄ ཧེ ནཱརི ཀུཏོ རོདིཥི? ཀཾ ཝཱ མྲྀགཡསེ? ཏཏཿ སཱ ཏམ྄ ཨུདྱཱནསེཝཀཾ ཛྙཱཏྭཱ ཝྱཱཧརཏ྄, ཧེ མཧེཙྪ ཏྭཾ ཡདཱིཏཿ སྠཱནཱཏ྄ ཏཾ ནཱིཏཝཱན྄ ཏརྷི ཀུཏྲཱསྠཱཔཡསྟད྄ ཝད ཏཏྶྠཱནཱཏ྄ ཏམ྄ ཨཱནཡཱམི།
ⅩⅥ ཏདཱ ཡཱིཤུསྟཱམ྄ ཨཝདཏ྄ ཧེ མརིཡམ྄། ཏཏཿ སཱ པརཱཝྲྀཏྱ པྲཏྱཝདཏ྄ ཧེ རབྦཱུནཱི ཨརྠཱཏ྄ ཧེ གུརོ།
ⅩⅦ ཏདཱ ཡཱིཤུརཝདཏ྄ མཱཾ མཱ དྷར, ཨིདཱནཱིཾ པིཏུཿ སམཱིཔེ ཨཱུརྡྡྷྭགམནཾ ན ཀརོམི ཀིནྟུ ཡོ མམ ཡུཥྨཱཀཉྩ པིཏཱ མམ ཡུཥྨཱཀཉྩེཤྭརསྟསྱ ནིཀཊ ཨཱུརྡྡྷྭགམནཾ ཀརྟྟུམ྄ ཨུདྱཏོསྨི, ཨིམཱཾ ཀཐཱཾ ཏྭཾ གཏྭཱ མམ བྷྲཱཏྲྀགཎཾ ཛྙཱཔཡ།
ⅩⅧ ཏཏོ མགྡལཱིནཱིམརིཡམ྄ ཏཏྐྵཎཱད྄ གཏྭཱ པྲབྷུསྟསྱཻ དརྴནཾ དཏྟྭཱ ཀཐཱ ཨེཏཱ ཨཀཐཡད྄ ཨིཏི ཝཱརྟྟཱཾ ཤིཥྱེབྷྱོ྅ཀཐཡཏ྄།
ⅩⅨ ཏཏཿ པརཾ སཔྟཱཧསྱ པྲཐམདིནསྱ སནྡྷྱཱསམཡེ ཤིཥྱཱ ཨེཀཏྲ མིལིཏྭཱ ཡིཧཱུདཱིཡེབྷྱོ བྷིཡཱ དྭཱརརུདྡྷམ྄ ཨཀུཪྻྭན྄, ཨེཏསྨིན྄ ཀཱལེ ཡཱིཤུསྟེཥཱཾ མདྷྱསྠཱནེ ཏིཥྛན྄ ཨཀཐཡད྄ ཡུཥྨཱཀཾ ཀལྱཱཎཾ བྷཱུཡཱཏ྄།
ⅩⅩ ཨིཏྱུཀྟྭཱ ནིཛཧསྟཾ ཀུཀྵིཉྩ དརྴིཏཝཱན྄, ཏཏཿ ཤིཥྱཱཿ པྲབྷུཾ དྲྀཥྚྭཱ ཧྲྀཥྚཱ ཨབྷཝན྄།
ⅩⅪ ཡཱིཤུཿ པུནརཝདད྄ ཡུཥྨཱཀཾ ཀལྱཱཎཾ བྷཱུཡཱཏ྄ པིཏཱ ཡཐཱ མཱཾ པྲཻཥཡཏ྄ ཏཐཱཧམཔི ཡུཥྨཱན྄ པྲེཥཡཱམི།
ⅩⅫ ཨིཏྱུཀྟྭཱ ས ཏེཥཱམུཔརི དཱིརྒྷཔྲཤྭཱསཾ དཏྟྭཱ ཀཐིཏཝཱན྄ པཝིཏྲམ྄ ཨཱཏྨཱནཾ གྲྀཧླཱིཏ།
ⅩⅩⅢ ཡཱུཡཾ ཡེཥཱཾ པཱཔཱནི མོཙཡིཥྱཐ ཏེ མོཙཡིཥྱནྟེ ཡེཥཱཉྩ པཱཔཱཏི ན མོཙཡིཥྱཐ ཏེ ན མོཙཡིཥྱནྟེ།
ⅩⅩⅣ དྭཱདཤམདྷྱེ གཎིཏོ ཡམཛོ ཐོམཱནཱམཱ ཤིཥྱོ ཡཱིཤོརཱགམནཀཱལཻ ཏཻཿ སཱརྡྡྷཾ ནཱསཱིཏ྄།
ⅩⅩⅤ ཨཏོ ཝཡཾ པྲབྷཱུམ྄ ཨཔཤྱཱམེཏི ཝཱཀྱེ྅ནྱཤིཥྱཻརུཀྟེ སོཝདཏ྄, ཏསྱ ཧསྟཡོ རླཽཧཀཱིལཀཱནཱཾ ཙིཧྣཾ ན ཝིལོཀྱ ཏཙྩིཧྣམ྄ ཨངྒུལྱཱ ན སྤྲྀཥྚྭཱ ཏསྱ ཀུཀྵཽ ཧསྟཾ ནཱརོཔྱ ཙཱཧཾ ན ཝིཤྭསིཥྱཱམི།
ⅩⅩⅥ ཨཔརམ྄ ཨཥྚམེ྅ཧྣི གཏེ སཏི ཐོམཱསཧིཏཿ ཤིཥྱགཎ ཨེཀཏྲ མིལིཏྭཱ དྭཱརཾ རུདྡྷྭཱབྷྱནྟར ཨཱསཱིཏ྄, ཨེཏརྷི ཡཱིཤུསྟེཥཱཾ མདྷྱསྠཱནེ ཏིཥྛན྄ ཨཀཐཡཏ྄, ཡུཥྨཱཀཾ ཀུཤལཾ བྷཱུཡཱཏ྄།
ⅩⅩⅦ པཤྩཱཏ྄ ཐཱམཻ ཀཐིཏཝཱན྄ ཏྭམ྄ ཨངྒུལཱིམ྄ ཨཏྲཱརྤཡིཏྭཱ མམ ཀརཽ པཤྱ ཀརཾ པྲསཱཪྻྱ མམ ཀུཀྵཱཝརྤཡ ནཱཝིཤྭསྱ།
ⅩⅩⅧ ཏདཱ ཐོམཱ ཨཝདཏ྄, ཧེ མམ པྲབྷོ ཧེ མདཱིཤྭར།
ⅩⅩⅨ ཡཱིཤུརཀཐཡཏ྄, ཧེ ཐོམཱ མཱཾ ནིརཱིཀྵྱ ཝིཤྭསིཥི ཡེ ན དྲྀཥྚྭཱ ཝིཤྭསནྟི ཏཨེཝ དྷནྱཱཿ།
ⅩⅩⅩ ཨེཏདནྱཱནི པུསྟཀེ྅སྨིན྄ ཨལིཁིཏཱནི བཧཱུནྱཱཤྩཪྻྱཀརྨྨཱཎི ཡཱིཤུཿ ཤིཥྱཱཎཱཾ པུརསྟཱད྄ ཨཀརོཏ྄།
ⅩⅩⅪ ཀིནྟུ ཡཱིཤུརཱིཤྭརསྱཱབྷིཥིཀྟཿ སུཏ ཨེཝེཏི ཡཐཱ ཡཱུཡཾ ཝིཤྭསིཐ ཝིཤྭསྱ ཙ ཏསྱ ནཱམྣཱ པརམཱཡུཿ པྲཱཔྣུཐ ཏདརྠམ྄ ཨེཏཱནི སཪྻྭཱཎྱལིཁྱནྟ།
<- John 19John 21 ->