Ⅱ యతో వయం ప్రభుయీశునా కీదృశీరాజ్ఞా యుష్మాసు సమర్పితవన్తస్తద్ యూయం జానీథ|
Ⅲ ఈశ్వరస్యాయమ్ అభిలాషో యద్ యుష్మాకం పవిత్రతా భవేత్, యూయం వ్యభిచారాద్ దూరే తిష్ఠత|
Ⅳ యుష్మాకమ్ ఏకైకో జనః స్వకీయం ప్రాణాధారం పవిత్రం మాన్యఞ్చ రక్షతు,
Ⅴ యే చ భిన్నజాతీయా లోకా ఈశ్వరం న జానన్తి త ఇవ తత్ కామాభిలాషస్యాధీనం న కరోతు|
Ⅵ ఏతస్మిన్ విషయే కోఽప్యత్యాచారీ భూత్వా స్వభ్రాతరం న వఞ్చయతు యతోఽస్మాభిః పూర్వ్వం యథోక్తం ప్రమాణీకృతఞ్చ తథైవ ప్రభురేతాదృశానాం కర్మ్మణాం సముచితం ఫలం దాస్యతి|
Ⅶ యస్మాద్ ఈశ్వరోఽస్మాన్ అశుచితాయై నాహూతవాన్ కిన్తు పవిత్రత్వాయైవాహూతవాన్|
Ⅷ అతో హేతో ర్యః కశ్చిద్ వాక్యమేతన్న గృహ్లాతి స మనుష్యమ్ అవజానాతీతి నహి యేన స్వకీయాత్మా యుష్మదన్తరే సమర్పితస్తమ్ ఈశ్వరమ్ ఏవావజానాతి|
Ⅸ భ్రాతృషు ప్రేమకరణమధి యుష్మాన్ ప్రతి మమ లిఖనం నిష్ప్రయోజనం యతో యూయం పరస్పరం ప్రేమకరణాయేశ్వరశిక్షితా లోకా ఆధ్వే|
Ⅹ కృత్స్నే మాకిదనియాదేశే చ యావన్తో భ్రాతరః సన్తి తాన్ సర్వ్వాన్ ప్రతి యుష్మాభిస్తత్ ప్రేమ ప్రకాశ్యతే తథాపి హే భ్రాతరః, వయం యుష్మాన్ వినయామహే యూయం పున ర్బహుతరం ప్రేమ ప్రకాశయత|
Ⅺ అపరం యే బహిఃస్థితాస్తేషాం దృష్టిగోచరే యుష్మాకమ్ ఆచరణం యత్ మనోరమ్యం భవేత్ కస్యాపి వస్తునశ్చాభావో యుష్మాకం యన్న భవేత్,
Ⅻ ఏతదర్థం యూయమ్ అస్మత్తో యాదృశమ్ ఆదేశం ప్రాప్తవన్తస్తాదృశం నిర్విరోధాచారం కర్త్తుం స్వస్వకర్మ్మణి మనాంమి నిధాతుం నిజకరైశ్చ కార్య్యం సాధయితుం యతధ్వం|
ⅩⅢ హే భ్రాతరః నిరాశా అన్యే లోకా ఇవ యూయం యన్న శోచేధ్వం తదర్థం మహానిద్రాగతాన్ లోకానధి యుష్మాకమ్ అజ్ఞానతా మయా నాభిలష్యతే|
ⅩⅣ యీశు ర్మృతవాన్ పునరుథితవాంశ్చేతి యది వయం విశ్వాసమస్తర్హి యీశుమ్ ఆశ్రితాన్ మహానిద్రాప్రాప్తాన్ లోకానపీశ్వరోఽవశ్యం తేన సార్ద్ధమ్ ఆనేష్యతి|
ⅩⅤ యతోఽహం ప్రభో ర్వాక్యేన యుష్మాన్ ఇదం జ్ఞాపయామి; అస్మాకం మధ్యే యే జనాః ప్రభోరాగమనం యావత్ జీవన్తోఽవశేక్ష్యన్తే తే మహానిద్రితానామ్ అగ్రగామినోన న భవిష్యన్తి;
ⅩⅥ యతః ప్రభుః సింహనాదేన ప్రధానస్వర్గదూతస్యోచ్చైః శబ్దేనేశ్వరీయతూరీవాద్యేన చ స్వయం స్వర్గాద్ అవరోక్ష్యతి తేన ఖ్రీష్టాశ్రితా మృతలోకాః ప్రథమమ్ ఉత్థాస్యాన్తి|
ⅩⅦ అపరమ్ అస్మాకం మధ్యే యే జీవన్తోఽవశేక్ష్యన్తే త ఆకాశే ప్రభోః సాక్షాత్కరణార్థం తైః సార్ద్ధం మేఘవాహనేన హరిష్యన్తే; ఇత్థఞ్చ వయం సర్వ్వదా ప్రభునా సార్ద్ధం స్థాస్యామః|
ⅩⅧ అతో యూయమ్ ఏతాభిః కథాభిః పరస్పరం సాన్త్వయత|
<- 1 Thessalonians 31 Thessalonians 5 ->