Ⅱ තථාච යූයං දර්පධ්මාතා ආධ්බේ, තත් කර්ම්ම යේන කෘතං ස යථා යුෂ්මන්මධ්‍යාද් දූරීක්‍රියතේ තථා ශෝකෝ යුෂ්මාභි ර්න ක්‍රියතේ කිම් ඒතත්?
Ⅲ අවිද්‍යමානේ මදීයශරීරේ මමාත්මා යුෂ්මන්මධ්‍යේ විද්‍යතේ අතෝ(අ)හං විද්‍යමාන ඉව තත්කර්ම්මකාරිණෝ විචාරං නිශ්චිතවාන්,
Ⅳ අස්මත්ප්‍රභෝ ර‍්‍යීශුඛ්‍රීෂ්ටස්‍ය නාම්නා යුෂ්මාකං මදීයාත්මනශ්ච මිලනේ ජාතේ (අ)ස්මත්ප්‍රභෝ ර‍්‍යීශුඛ්‍රීෂ්ටස්‍ය ශක්තේඃ සාහාය්‍යේන
Ⅴ ස නරඃ ශරීරනාශාර්ථමස්මාභිඃ ශයතානෝ හස්තේ සමර්පයිතව්‍යස්තතෝ(අ)ස්මාකං ප්‍රභෝ ර‍්‍යීශෝ ර්දිවසේ තස්‍යාත්මා රක්‍ෂාං ගන්තුං ශක්‍ෂ්‍යති|
Ⅵ යුෂ්මාකං දර්පෝ න භද්‍රාය යූයං කිමේතන්න ජානීථ, යථා, විකාරඃ කෘත්ස්නශක්තූනාං ස්වල්පකිණ්වේන ජායතේ|
Ⅶ යූයං යත් නවීනශක්තුස්වරූපා භවේත තදර්ථං පුරාතනං කිණ්වම් අවමාර්ජ්ජත යතෝ යුෂ්මාභිඃ කිණ්වශූන්‍යෛ ර්භවිතව්‍යං| අපරම් අස්මාකං නිස්තාරෝත්සවීයමේෂශාවකෝ යඃ ඛ්‍රීෂ්ටඃ සෝ(අ)ස්මදර්ථං බලීකෘතෝ (අ)භවත්|
Ⅷ අතඃ පුරාතනකිණ්වේනාර්ථතෝ දුෂ්ටතාජිඝාංසාරූපේණ කිණ්වේන තන්නහි කින්තු සාරල්‍යසත්‍යත්වරූපයා කිණ්වශූන්‍යතයාස්මාභිරුත්සවඃ කර්ත්තව්‍යඃ|
Ⅸ ව්‍යාභිචාරිණාං සංසර්ගෝ යුෂ්මාභි ර්විහාතව්‍ය ඉති මයා පත්‍රේ ලිඛිතං|
Ⅹ කින්ත්වෛහිකලෝකානාං මධ්‍යේ යේ ව්‍යභිචාරිණෝ ලෝභින උපද්‍රාවිණෝ දේවපූජකා වා තේෂාං සංසර්ගඃ සර්ව්වථා විහාතව්‍ය ඉති නහි, විහාතව්‍යේ සති යුෂ්මාභි ර්ජගතෝ නිර්ගන්තව්‍යමේව|
Ⅺ කින්තු භ්‍රාතෘත්වේන විඛ්‍යාතඃ කශ්චිජ්ජනෝ යදි ව්‍යභිචාරී ලෝභී දේවපූජකෝ නින්දකෝ මද්‍යප උපද්‍රාවී වා භවේත් තර්හි තාදෘශේන මානවේන සහ භෝජනපානේ(අ)පි යුෂ්මාභි ර්න කර්ත්තව්‍යේ ඉත්‍යධුනා මයා ලිඛිතං|
Ⅻ සමාජබහිඃස්ථිතානාං ලෝකානාං විචාරකරණේ මම කෝ(අ)ධිකාරඃ? කින්තු තදන්තර්ගතානාං විචාරණං යුෂ්මාභිඃ කිං න කර්ත්තව්‍යං භවේත්?
ⅩⅢ බහිඃස්ථානාං තු විචාර ඊශ්වරේණ කාරිෂ්‍යතේ| අතෝ යුෂ්මාභිඃ ස පාතකී ස්වමධ්‍යාද් බහිෂ්ක්‍රියතාං|
<- 1 Corinthians 41 Corinthians 6 ->