Ⅱ යුෂ්මාකං විශ්වාසෝ යදි විතථෝ න භවේත් තර්හි සුසංවාදයුක්තානි මම වාක්‍යානි ස්මරතාං යුෂ්මාකං තේන සුසංවාදේන පරිත්‍රාණං ජායතේ|
Ⅲ යතෝ(අ)හං යද් යත් ඥාපිතස්තදනුසාරාත් යුෂ්මාසු මුඛ්‍යාං යාං ශික්‍ෂාං සමාර්පයං සේයං, ශාස්ත්‍රානුසාරාත් ඛ්‍රීෂ්ටෝ(අ)ස්මාකං පාපමෝචනාර්ථං ප්‍රාණාන් ත්‍යක්තවාන්,
Ⅳ ශ්මශානේ ස්ථාපිතශ්ච තෘතීයදිනේ ශාස්ත්‍රානුසාරාත් පුනරුත්ථාපිතඃ|
Ⅴ ස චාග්‍රේ කෛඵෛ තතඃ පරං ද්වාදශශිෂ්‍යේභ්‍යෝ දර්ශනං දත්තවාන්|
Ⅵ තතඃ පරං පඤ්චශතාධිකසංඛ්‍යකේභ්‍යෝ භ්‍රාතෘභ්‍යෝ යුගපද් දර්ශනං දත්තවාන් තේෂාං කේචිත් මහානිද්‍රාං ගතා බහුතරාශ්චාද්‍යාපි වර්ත්තන්තේ|
Ⅶ තදනන්තරං යාකූබාය තත්පශ්චාත් සර්ව්වේභ්‍යඃ ප්‍රේරිතේභ්‍යෝ දර්ශනං දත්තවාන්|
Ⅷ සර්ව්වශේෂේ(අ)කාලජාතතුල්‍යෝ යෝ(අ)හං, සෝ(අ)හමපි තස්‍ය දර්ශනං ප්‍රාප්තවාන්|
Ⅸ ඊශ්වරස්‍ය සමිතිං ප්‍රති දෞරාත්ම්‍යාචරණාද් අහං ප්‍රේරිතනාම ධර්ත්තුම් අයෝග්‍යස්තස්මාත් ප්‍රේරිතානාං මධ්‍යේ ක්‍ෂුද්‍රතමශ්චාස්මි|
Ⅹ යාදෘශෝ(අ)ස්මි තාදෘශ ඊශ්වරස්‍යානුග්‍රහේණෛවාස්මි; අපරං මාං ප්‍රති තස්‍යානුග්‍රහෝ නිෂ්ඵලෝ නාභවත්, අන්‍යේභ්‍යඃ සර්ව්වේභ්‍යෝ මයාධිකඃ ශ්‍රමඃ කෘතඃ, කින්තු ස මයා කෘතස්තන්නහි මත්සහකාරිණේශ්වරස්‍යානුග්‍රහේණෛව|
Ⅺ අතඒව මයා භවේත් තෛ ර්වා භවේත් අස්මාභිස්තාදෘශී වාර්ත්තා ඝෝෂ්‍යතේ සෛව ච යුෂ්මාභි ර්විශ්වාසේන ගෘහීතා|
Ⅻ මෘත්‍යුදශාතඃ ඛ්‍රීෂ්ට උත්ථාපිත ඉති වාර්ත්තා යදි තමධි ඝෝෂ්‍යතේ තර්හි මෘතලෝකානාම් උත්ථිති ර්නාස්තීති වාග් යුෂ්මාකං මධ්‍යේ කෛශ්චිත් කුතඃ කථ්‍යතේ?
ⅩⅢ මෘතානාම් උත්ථිති ර‍්‍යදි න භවේත් තර්හි ඛ්‍රීෂ්ටෝ(අ)පි නෝත්ථාපිතඃ
ⅩⅣ ඛ්‍රීෂ්ටශ්ච යද්‍යනුත්ථාපිතඃ ස්‍යාත් තර්හ්‍යස්මාකං ඝෝෂණං විතථං යුෂ්මාකං විශ්වාසෝ(අ)පි විතථඃ|
ⅩⅤ වයඤ්චේශ්වරස්‍ය මෘෂාසාක්‍ෂිණෝ භවාමඃ, යතඃ ඛ්‍රීෂ්ට ස්තේනෝත්ථාපිතඃ ඉති සාක්‍ෂ්‍යම් අස්මාභිරීශ්වරමධි දත්තං කින්තු මෘතානාමුත්ථිති ර‍්‍යදි න භවේත් තර්හි ස තේන නෝත්ථාපිතඃ|
ⅩⅥ යතෝ මෘතානාමුත්ථිති ර‍්‍යති න භවේත් තර්හි ඛ්‍රීෂ්ටෝ(අ)ප්‍යුත්ථාපිතත්වං න ගතඃ|
ⅩⅦ ඛ්‍රීෂ්ටස්‍ය යද්‍යනුත්ථාපිතඃ ස්‍යාත් තර්හි යුෂ්මාකං විශ්වාසෝ විතථඃ, යූයම් අද්‍යාපි ස්වපාපේෂු මග්නාස්තිෂ්ඨථ|
ⅩⅧ අපරං ඛ්‍රීෂ්ටාශ්‍රිතා යේ මානවා මහානිද්‍රාං ගතාස්තේ(අ)පි නාශං ගතාඃ|
ⅩⅨ ඛ්‍රීෂ්ටෝ යදි කේවලමිහලෝකේ (අ)ස්මාකං ප්‍රත්‍යාශාභූමිඃ ස්‍යාත් තර්හි සර්ව්වමර්ත්‍යේභ්‍යෝ වයමේව දුර්භාග්‍යාඃ|
ⅩⅩ ඉදානීං ඛ්‍රීෂ්ටෝ මෘත්‍යුදශාත උත්ථාපිතෝ මහානිද්‍රාගතානාං මධ්‍යේ ප්‍රථමඵලස්වරූපෝ ජාතශ්ච|
ⅩⅪ යතෝ යද්වත් මානුෂද්වාරා මෘත්‍යුඃ ප්‍රාදුර්භූතස්තද්වත් මානුෂද්වාරා මෘතානාං පුනරුත්ථිතිරපි ප්‍රදුර්භූතා|
ⅩⅫ ආදමා යථා සර්ව්වේ මරණාධීනා ජාතාස්තථා ඛ්‍රීෂ්ටේන සර්ව්වේ ජීවයිෂ්‍යන්තේ|
ⅩⅩⅢ කින්ත්වේකෛකේන ජනේන නිජේ නිජේ පර‍්‍ය්‍යාය උත්ථාතව්‍යං ප්‍රථමතඃ ප්‍රථමජාතඵලස්වරූපේන ඛ්‍රීෂ්ටේන, ද්විතීයතස්තස්‍යාගමනසමයේ ඛ්‍රීෂ්ටස්‍ය ලෝකෛඃ|
ⅩⅩⅣ තතඃ පරම් අන්තෝ භවිෂ්‍යති තදානීං ස සර්ව්වං ශාසනම් අධිපතිත්වං පරාක්‍රමඤ්ච ලුප්ත්වා ස්වපිතරීශ්වරේ රාජත්වං සමර්පයිෂ්‍යති|
ⅩⅩⅤ යතඃ ඛ්‍රීෂ්ටස්‍ය රිපවඃ සර්ව්වේ යාවත් තේන ස්වපාදයෝරධෝ න නිපාතයිෂ්‍යන්තේ තාවත් තේනෛව රාජත්වං කර්ත්තව්‍යං|
ⅩⅩⅥ තේන විජේතව්‍යෝ යඃ ශේෂරිපුඃ ස මෘත්‍යුරේව|
ⅩⅩⅦ ලිඛිතමාස්තේ සර්ව්වාණි තස්‍ය පාදයෝ ර්වශීකෘතානි| කින්තු සර්ව්වාණ්‍යේව තස්‍ය වශීකෘතානීත්‍යුක්තේ සති සර්ව්වාණි යේන තස්‍ය වශීකෘතානි ස ස්වයං තස්‍ය වශීභූතෝ න ජාත ඉති ව්‍යක්තං|
ⅩⅩⅧ සර්ව්වේෂු තස්‍ය වශීභූතේෂු සර්ව්වාණි යේන පුත්‍රස්‍ය වශීකෘතානි ස්වයං පුත්‍රෝ(අ)පි තස්‍ය වශීභූතෝ භවිෂ්‍යති තත ඊශ්වරඃ සර්ව්වේෂු සර්ව්ව ඒව භවිෂ්‍යති|
ⅩⅩⅨ අපරං පරේතලෝකානාං විනිමයේන යේ මජ්ජ්‍යන්තේ තෛඃ කිං ලප්ස්‍යතේ? යේෂාං පරේතලෝකානාම් උත්ථිතිඃ කේනාපි ප්‍රකාරේණ න භවිෂ්‍යති තේෂාං විනිමයේන කුතෝ මජ්ජනමපි තෛරඞ්ගීක්‍රියතේ?
ⅩⅩⅩ වයමපි කුතඃ ප්‍රතිදණ්ඩං ප්‍රාණභීතිම් අඞ්ගීකුර්ම්මහේ?
ⅩⅩⅪ අස්මත්ප්‍රභුනා යීශුඛ්‍රීෂ්ටේන යුෂ්මත්තෝ මම යා ශ්ලාඝාස්තේ තස්‍යාඃ ශපථං කෘත්වා කථයාමි දිනේ දිනේ(අ)හං මෘත්‍යුං ගච්ඡාමි|
ⅩⅩⅫ ඉඵිෂනගරේ වන්‍යපශුභිඃ සාර්ද්ධං යදි ලෞකිකභාවාත් මයා යුද්ධං කෘතං තර්හි තේන මම කෝ ලාභඃ? මෘතානාම් උත්ථිති ර‍්‍යදි න භවේත් තර්හි, කුර්ම්මෝ භෝජනපානේ(අ)ද්‍ය ශ්වස්තු මෘත්‍යු ර්භවිෂ්‍යති|
ⅩⅩⅩⅢ ඉත්‍යනේන ධර්ම්මාත් මා භ්‍රංශධ්වං| කුසංසර්ගේණ ලෝකානාං සදාචාරෝ විනශ්‍යති|
ⅩⅩⅩⅣ යූයං යථෝචිතං සචෛතන්‍යාස්තිෂ්ඨත, පාපං මා කුරුධ්වං, යතෝ යුෂ්මාකං මධ්‍ය ඊශ්වරීයඥානහීනාඃ කේ(අ)පි විද්‍යන්තේ යුෂ්මාකං ත්‍රපායෛ මයේදං ගද්‍යතේ|
ⅩⅩⅩⅤ අපරං මෘතලෝකාඃ කථම් උත්ථාස්‍යන්ති? කීදෘශං වා ශරීරං ලබ්ධ්වා පුනරේෂ්‍යන්තීති වාක්‍යං කශ්චිත් ප්‍රක්‍ෂ්‍යති|
ⅩⅩⅩⅥ හේ අඥ ත්වයා යද් බීජම් උප්‍යතේ තද් යදි න ම්‍රියේත තර්හි න ජීවයිෂ්‍යතේ|
ⅩⅩⅩⅦ යයා මූර්ත්ත්‍යා නිර්ගන්තව්‍යං සා ත්වයා නෝප්‍යතේ කින්තු ශුෂ්කං බීජමේව; තච්ච ගෝධූමාදීනාං කිමපි බීජං භවිතුං ශක්නෝති|
ⅩⅩⅩⅧ ඊශ්වරේණේව යථාභිලාෂං තස්මෛ මූර්ත්ති ර්දීයතේ, ඒකෛකස්මෛ බීජාය ස්වා ස්වා මූර්ත්තිරේව දීයතේ|
ⅩⅩⅩⅨ සර්ව්වාණි පලලානි නෛකවිධානි සන්ති, මනුෂ්‍යපශුපක්‍ෂිමත්ස්‍යාදීනාං භින්නරූපාණි පලලානි සන්ති|
ⅩⅬ අපරං ස්වර්ගීයා මූර්ත්තයඃ පාර්ථිවා මූර්ත්තයශ්ච විද්‍යන්තේ කින්තු ස්වර්ගීයානාම් ඒකරූපං තේජඃ පාර්ථිවානාඤ්ච තදන්‍යරූපං තේජෝ(අ)ස්ති|
ⅩⅬⅠ සූර‍්‍ය්‍යස්‍ය තේජ ඒකවිධං චන්ද්‍රස්‍ය තේජස්තදන්‍යවිධං තාරාණාඤ්ච තේජෝ(අ)න්‍යවිධං, තාරාණාං මධ්‍යේ(අ)පි තේජසස්තාරතම්‍යං විද්‍යතේ|
ⅩⅬⅡ තත්‍ර ලිඛිතමාස්තේ යථා, ‘ආදිපුරුෂ ආදම් ජීවත්ප්‍රාණී බභූව,` කින්ත්වන්තිම ආදම් (ඛ්‍රීෂ්ටෝ) ජීවනදායක ආත්මා බභූව|
ⅩⅬⅢ යද් උප්‍යතේ තත් තුච්ඡං යච්චෝත්ථාස්‍යති තද් ගෞරවාන්විතං; යද් උප්‍යතේ තන්නිර්බ්බලං යච්චෝත්ථාස්‍යති තත් ශක්තියුක්තං|
ⅩⅬⅣ යත් ශරීරම් උප්‍යතේ තත් ප්‍රාණානාං සද්ම, යච්ච ශරීරම් උත්ථාස්‍යති තද් ආත්මනඃ සද්ම| ප්‍රාණසද්මස්වරූපං ශරීරං විද්‍යතේ, ආත්මසද්මස්වරූපමපි ශරීරං විද්‍යතේ|
ⅩⅬⅤ තත්‍ර ලිඛිතමාස්තේ යථා, ආදිපුරුෂ ආදම් ජීවත්ප්‍රාණී බභූව, කින්ත්වන්තිම ආදම් (ඛ්‍රීෂ්ටෝ) ජීවනදායක ආත්මා බභූව|
ⅩⅬⅥ ආත්මසද්ම න ප්‍රථමං කින්තු ප්‍රාණසද්මෛව තත්පශ්චාද් ආත්මසද්ම|
ⅩⅬⅦ ආද්‍යඃ පුරුෂේ මෘද උත්පන්නත්වාත් මෘණ්මයෝ ද්විතීයශ්ච පුරුෂඃ ස්වර්ගාද් ආගතඃ ප්‍රභුඃ|
ⅩⅬⅧ මෘණ්මයෝ යාදෘශ ආසීත් මෘණ්මයාඃ සර්ව්වේ තාදෘශා භවන්ති ස්වර්ගීයශ්ච යාදෘශෝ(අ)ස්ති ස්වර්ගීයාඃ සර්ව්වේ තාදෘශා භවන්ති|
ⅩⅬⅨ මෘණ්මයස්‍ය රූපං යද්වද් අස්මාභි ර්ධාරිතං තද්වත් ස්වර්ගීයස්‍ය රූපමපි ධාරයිෂ්‍යතේ|
Ⅼ හේ භ්‍රාතරඃ, යුෂ්මාන් ප්‍රති ව්‍යාහරාමි, ඊශ්වරස්‍ය රාජ්‍යේ රක්තමාංසයෝරධිකාරෝ භවිතුං න ශක්නෝති, අක්‍ෂයත්වේ ච ක්‍ෂයස්‍යාධිකාරෝ න භවිෂ්‍යති|
ⅬⅠ පශ්‍යතාහං යුෂ්මභ්‍යං නිගූඪාං කථාං නිවේදයාමි|
ⅬⅡ සර්ව්වෛරස්මාභි ර්මහානිද්‍රා න ගමිෂ්‍යතේ කින්ත්වන්තිමදිනේ තූර‍්‍ය්‍යාං වාදිතායාම් ඒකස්මින් විපලේ නිමිෂෛකමධ්‍යේ සර්ව්වෛ රූපාන්තරං ගමිෂ්‍යතේ, යතස්තූරී වාදිෂ්‍යතේ, මෘතලෝකාශ්චාක්‍ෂයීභූතා උත්ථාස්‍යන්ති වයඤ්ච රූපාන්තරං ගමිෂ්‍යාමඃ|
ⅬⅢ යතඃ ක්‍ෂයණීයේනෛතේන ශරීරේණාක්‍ෂයත්වං පරිහිතව්‍යං, මරණාධීනේනෛතේන දේහේන චාමරත්වං පරිහිතව්‍යං|
ⅬⅣ ඒතස්මින් ක්‍ෂයණීයේ ශරීරේ (අ)ක්‍ෂයත්වං ගතේ, ඒතස්මන් මරණාධීනේ දේහේ චාමරත්වං ගතේ ශාස්ත්‍රේ ලිඛිතං වචනමිදං සේත්ස්‍යති, යථා, ජයේන ග්‍රස්‍යතේ මෘත්‍යුඃ|
ⅬⅤ මෘත්‍යෝ තේ කණ්ටකං කුත්‍ර පරලෝක ජයඃ ක්ක තේ||
ⅬⅥ මෘත්‍යෝඃ කණ්ටකං පාපමේව පාපස්‍ය ච බලං ව්‍යවස්ථා|
ⅬⅦ ඊශ්වරශ්ච ධන්‍යෝ භවතු යතඃ සෝ(අ)ස්මාකං ප්‍රභුනා යීශුඛ්‍රීෂ්ටේනාස්මාන් ජයයුක්තාන් විධාපයති|
ⅬⅧ අතෝ හේ මම ප්‍රියභ්‍රාතරඃ; යූයං සුස්ථිරා නිශ්චලාශ්ච භවත ප්‍රභෝඃ සේවායාං යුෂ්මාකං පරිශ්‍රමෝ නිෂ්ඵලෝ න භවිෂ්‍යතීති ඥාත්වා ප්‍රභෝඃ කාර‍්‍ය්‍යේ සදා තත්පරා භවත|
<- 1 Corinthians 141 Corinthians 16 ->