Ⅱ svargIyarAjyam etAdR^ishasya nR^ipateH samaM, yo nija putraM vivAhayan sarvvAn nimantritAn AnetuM dAseyAn prahitavAn,
Ⅲ kintu te samAgantuM neShTavantaH|
Ⅳ tato rAjA punarapi dAsAnanyAn ityuktvA preShayAmAsa, nimantritAn vadata, pashyata, mama bhejyamAsAditamAste, nijavTaShAdipuShTajantUn mArayitvA sarvvaM khAdyadravyamAsAditavAn, yUyaM vivAhamAgachChata|
Ⅴ tathapi te tuchChIkR^itya kechit nijakShetraM kechid vANijyaM prati svasvamArgeNa chalitavantaH|
Ⅵ anye lokAstasya dAseyAn dhR^itvA daurAtmyaM vyavahR^itya tAnavadhiShuH|
Ⅶ anantaraM sa nR^ipatistAM vArttAM shrutvA krudhyan sainyAni prahitya tAn ghAtakAn hatvA teShAM nagaraM dAhayAmAsa|
Ⅷ tataH sa nijadAseyAn babhAShe, vivAhIyaM bhojyamAsAditamAste, kintu nimantritA janA ayogyAH|
Ⅸ tasmAd yUyaM rAjamArgaM gatvA yAvato manujAn pashyata, tAvataeva vivAhIyabhojyAya nimantrayata|
Ⅹ tadA te dAseyA rAjamArgaM gatvA bhadrAn abhadrAn vA yAvato janAn dadR^ishuH, tAvataeva saMgR^ihyAnayan; tato.abhyAgatamanujai rvivAhagR^iham apUryyata|
Ⅺ tadAnIM sa rAjA sarvvAnabhyAgatAn draShTum abhyantaramAgatavAn; tadA tatra vivAhIyavasanahInamekaM janaM vIkShya taM jagAd,
Ⅻ he mitra,tvaM vivAhIyavasanaM vinA kathamatra praviShTavAn? tena sa niruttaro babhUva|
ⅩⅢ tadA rAjA nijAnucharAn avadat, etasya karacharaNAn baddhA yatra rodanaM dantairdantagharShaNa ncha bhavati, tatra vahirbhUtatamisre taM nikShipata|
ⅩⅣ itthaM bahava AhUtA alpe manobhimatAH|
ⅩⅤ anantaraM phirUshinaH pragatya yathA saMlApena tam unmAthe pAtayeyustathA mantrayitvA
ⅩⅥ herodIyamanujaiH sAkaM nijashiShyagaNena taM prati kathayAmAsuH, he guro, bhavAn satyaH satyamIshvarIyamArgamupadishati, kamapi mAnuShaM nAnurudhyate, kamapi nApekShate cha, tad vayaM jAnImaH|
ⅩⅦ ataH kaisarabhUpAya karo.asmAkaM dAtavyo na vA? atra bhavatA kiM budhyate? tad asmAn vadatu|
ⅩⅧ tato yIshusteShAM khalatAM vij nAya kathitavAn, re kapaTinaH yuyaM kuto mAM parikShadhve?
ⅩⅨ tatkaradAnasya mudrAM mAM darshayata| tadAnIM taistasya samIpaM mudrAchaturthabhAga AnIte
ⅩⅩ sa tAn paprachCha, atra kasyeyaM mUrtti rnAma chAste? te jagaduH, kaisarabhUpasya|
ⅩⅪ tataH sa uktavAna, kaisarasya yat tat kaisarAya datta, Ishvarasya yat tad IshvarAya datta|
ⅩⅫ iti vAkyaM nishamya te vismayaM vij nAya taM vihAya chalitavantaH|
ⅩⅩⅢ tasminnahani sidUkino.arthAt shmashAnAt notthAsyantIti vAkyaM ye vadanti, te yIsheाrantikam Agatya paprachChuH,
ⅩⅩⅣ he guro, kashchinmanujashchet niHsantAnaH san prANAn tyajati, tarhi tasya bhrAtA tasya jAyAM vyuhya bhrAtuH santAnam utpAdayiShyatIti mUsA AdiShTavAn|
ⅩⅩⅤ kintvasmAkamatra ke.api janAH saptasahodarA Asan, teShAM jyeShTha ekAM kanyAM vyavahAt, aparaM prANatyAgakAle svayaM niHsantAnaH san tAM striyaM svabhrAtari samarpitavAn,
ⅩⅩⅥ tato dvitIyAdisaptamAntAshcha tathaiva chakruH|
ⅩⅩⅦ sheShe sApI nArI mamAra|
ⅩⅩⅧ mR^itAnAm utthAnasamaye teShAM saptAnAM madhye sA nArI kasya bhAryyA bhaviShyati? yasmAt sarvvaeva tAM vyavahan|
ⅩⅩⅨ tato yIshuH pratyavAdIt, yUyaM dharmmapustakam IshvarIyAM shakti ncha na vij nAya bhrAntimantaH|
ⅩⅩⅩ utthAnaprAptA lokA na vivahanti, na cha vAchA dIyante, kintvIshvarasya svargasthadUtAnAM sadR^ishA bhavanti|
ⅩⅩⅪ aparaM mR^itAnAmutthAnamadhi yuShmAn pratIyamIshvaroktiH,
ⅩⅩⅫ "ahamibrAhIma Ishvara ishAka Ishvaro yAkUba Ishvara" iti kiM yuShmAbhi rnApAThi? kintvIshvaro jIvatAm Ishvara:, sa mR^itAnAmIshvaro nahi|
ⅩⅩⅩⅢ iti shrutvA sarvve lokAstasyopadeshAd vismayaM gatAH|
ⅩⅩⅩⅣ anantaraM sidUkinAm niruttaratvavArtAM nishamya phirUshina ekatra militavantaH,
ⅩⅩⅩⅤ teShAmeko vyavasthApako yIshuM parIkShituM papachCha,
ⅩⅩⅩⅥ he guro vyavasthAshAstramadhye kAj nA shreShThA?
ⅩⅩⅩⅦ tato yIshuruvAcha, tvaM sarvvAntaHkaraNaiH sarvvaprANaiH sarvvachittaishcha sAkaM prabhau parameshvare prIyasva,
ⅩⅩⅩⅧ eShA prathamamahAj nA| tasyAH sadR^ishI dvitIyAj naiShA,
ⅩⅩⅩⅨ tava samIpavAsini svAtmanIva prema kuru|
ⅩⅬ anayo rdvayorAj nayoH kR^itsnavyavasthAyA bhaviShyadvaktR^igranthasya cha bhArastiShThati|
ⅩⅬⅠ anantaraM phirUshinAm ekatra sthitikAle yIshustAn paprachCha,
ⅩⅬⅡ khrIShTamadhi yuShmAkaM kIdR^igbodho jAyate? sa kasya santAnaH? tataste pratyavadan, dAyUdaH santAnaH|
ⅩⅬⅢ tadA sa uktavAn, tarhi dAyUd katham AtmAdhiShThAnena taM prabhuM vadati ?
ⅩⅬⅣ yathA mama prabhumidaM vAkyamavadat parameshvaraH| tavArIn pAdapIThaM te yAvannahi karomyahaM| tAvat kAlaM madIye tvaM dakShapArshva upAvisha| ato yadi dAyUd taM prabhuM vadati, rtiha sa kathaM tasya santAno bhavati?
ⅩⅬⅤ tadAnIM teShAM kopi tadvAkyasya kimapyuttaraM dAtuM nAshaknot;
ⅩⅬⅥ taddinamArabhya taM kimapi vAkyaM praShTuM kasyApi sAhaso nAbhavat|
<- Matthew 21Matthew 23 ->