PILIMONE Sa Vinabakala Pilimone si keke ṉati tie te Karisito; gina pa ekelesia pa Kolosae, meke tanisa sa pinausu sapu e Onesimasi pozana. Ele govete taloa nana se Onesimasi, meke pa kaiqa ginugua si kamo la si asa koe Paula pa Roma. Meke sipu koa pa vetu varipusi se Paula si ta evaṉae na tie te Karisito se Onesimasi. Sa leta te Paula koe Pilimone, si na tinepa te Paula koa sa pude mani vari bulei koasa nana pinausu, pude va kamoa meke taleoso nia mo. Lopu sapu guana vagi pulea mo sa sa nana pinausu, ba pude tavete gunia na tasina pa korapana e Karisito. Sari na Ṉati Pinaqapaqahana sa Leta Zinama tataru kekenu. Vesi 1-3 Vina lavatana e Pilimone. Vesi 4-7 Tinepa pude vari bulei pule koe Onesimasi. Vesi 8-22 Vinabetona. Vesi 23-25
1Zinama Tuketukele 1 Arau Paula sa tie ta pusiqu, pa ninabuluna e Zisu Karisito, meke e Timote sa tasida koe Karisito si garunu atu nia sa leta hie koa goi Pilimone, sa mami baere meke na turaṉa mami pa tinavete. 2 Meke garunu atu nia tugo gami sa leta hie koari na tie te Karisito pu hoke varigara pa mua vetu, meke koasa tasimami barikaleqe se Apia, meke se Akipasi, sapu somana varane turaṉa gami koasa vinaripera.*Kol 4:173 Mani koa koa gamu sa tataru lopu ta ṉana kamona, meke sa binule, sapu gore mae guana koasa Tamasa sa Tamada, meke sa Baṉara Zisu Karisito.
Sa Tataru meke sa Rinaṉeraṉe te Pilimone 4 Doduru totoso si zama leana la koasa qua Tamasa si rau, pana varavara nigo rau si goi Pilimone na tasiqu koe Karisito, 5 sina avoso nia rau sa mua tataru koari doduru tie te Tamasa, meke sa mua rinaṉeraṉe koe Zisu sa Baṉara. 6 Sa qua vinaravara, si pude sa nada binaere gita pu va hinokara, si kaqu tokani gamu pude gilana valeania doduruna sa minana pu vagi gita pa nada tinoa keke koe Karisito. 7 Tasiqu, sa mua tataru si va qetuqetu hola au, meke va ṉiṉira au, sina ele va qetu hola i goi bulodi sari doduru tie te Tamasa. Sa Tinepa pude Vari Bulei Pule koe Onesimasi 8 Gina pa ginugua hie si boka tava ṉiṉira si rau, guana tasimu pa korapana Karisito, pude tozi nigo mamu tavetia gua sapu leana. 9 Ba pa korapa mua tataru koa rau, si tepa atu si arau Paula sa barogoso, meke na tie ta pusiqu tugo pa ginuana e Karisito. 10 Ke tepa atu si rau koa goi pa kalina te Onesimasi, pu va evaṉae nia tuqu rau pa rinaṉeraṉe koe Karisito, totoso koa rau pa vetu varipusi.*Kol 4:9 11 Pa totoso lahe, si guana lopu variva tukana[~3~] si asa koa goi, ba kamahire, si variva tukana hola tu si asa koa gita kara beto.12 Garunu pule atu nia rau koa goi si asa, na tataru sisigiti nia rau si asa. 13 Hiva heki veko nia mo rau si asa, pude koa mo koa rau pa totoso koa rau pa vetu varipusi, pa ginuguana sa Inavoso Leana, pude boka toka nau sa, sina lopu koa tani si goi. 14 Lopu hiva zukurigo rau pude toka nau. Ba hiva nia rau pude pa mua hiniva soti tu evaṉia goi si asa. Ke lopu boka evaṉia rau si keke toṉa, be lopu va egoa goi.
15 Hokara ele taloa paki mo se Onesimasi koa goi, pa totoso papakana, pude pana vagi pulea goi si kote koa hola koa goi si asa. 16 Meke kamahire si lopu na pinausu mo si asa, ba arilaena hola nia sa sa pinausu; na tasida ta tataruena pa korapana Karisito si asa. Arilaena si asa koa rau, meke kote arilaena hola tugo si asa koa goi, guana pinausu meke na tasimu tugo pa korapana Karisito!
17 Ke, be balabala ia goi sapu arau si keke tie tavetavete turaṉamu pa korapana Karisito, si mu va kamo valeania si asa, guana sapu arau tu si va kamo au goi. 18 Be evaṉi sa si kaiqa sinea koa goi, ba be kaiqa nana gale si koa koa goi, si mu va gore mae ni koa rau. 19 Hiera si maqu kuberia pa limaqu soti: Arau Paula si kote hobei koa goi si arini. Lopu ta hivae pude va balabala pule nigo rau si hie; sapu agoi, ba sa mua tinoa soti si guana mua gale koa rau, sina ele toka hola nigo rau si goi pude na tie te Karisito si goi. 20 Ego, agoi na tasiqu, mu va egoa si hie pa ginuguana sa Baṉara; mu va qetu au, guana tasimu pa korapana Karisito!
21 Va hinokara valeania rau totoso kuberia rau si hie, sapu kote va egoa goi sa qua tinepa koa goi. Meke gilania rau sapu kote tavete valeana hola la tu si goi. 22 Mamu va nama vekoa tugo keke lose taqarau, sina rove valeania rau sapu kote olaṉi Tamasa sari na mia vinaravara meke kote va pule atu au Sa si rau koa gamu.
Zinama Tataru Vina Betobeto 23 Se Epaparasi, sapu ta pusi turaṉae koa rau pa ginuguana e Zisu Karisito, si va atua sa nana tataru.*Kol 1:7, 4:12 24 Meke gua tugo sari kasa tie tavetavete turaṉaqu, ari Maka, Arisitakasi, Dimasi, meke e Luke.*TTA 12:12,25, 13:13, 15:37-39, 19:29, 27:2; Kol 4:10,14; 2 Tim 4:10,1125 Mani koa koa gamu sa tataru variharupi te Zisu Karisito.
3 Mani koa koa gamu sa tataru lopu ta ṉana kamona, meke sa binule, sapu gore mae guana koasa Tamasa sa Tamada, meke sa Baṉara Zisu Karisito.
12 Garunu pule atu nia rau koa goi si asa, na tataru sisigiti nia rau si asa. 13 Hiva heki veko nia mo rau si asa, pude koa mo koa rau pa totoso koa rau pa vetu varipusi, pa ginuguana sa Inavoso Leana, pude boka toka nau sa, sina lopu koa tani si goi. 14 Lopu hiva zukurigo rau pude toka nau. Ba hiva nia rau pude pa mua hiniva soti tu evaṉia goi si asa. Ke lopu boka evaṉia rau si keke toṉa, be lopu va egoa goi.
15 Hokara ele taloa paki mo se Onesimasi koa goi, pa totoso papakana, pude pana vagi pulea goi si kote koa hola koa goi si asa. 16 Meke kamahire si lopu na pinausu mo si asa, ba arilaena hola nia sa sa pinausu; na tasida ta tataruena pa korapana Karisito si asa. Arilaena si asa koa rau, meke kote arilaena hola tugo si asa koa goi, guana pinausu meke na tasimu tugo pa korapana Karisito!
17 Ke, be balabala ia goi sapu arau si keke tie tavetavete turaṉamu pa korapana Karisito, si mu va kamo valeania si asa, guana sapu arau tu si va kamo au goi. 18 Be evaṉi sa si kaiqa sinea koa goi, ba be kaiqa nana gale si koa koa goi, si mu va gore mae ni koa rau. 19 Hiera si maqu kuberia pa limaqu soti: Arau Paula si kote hobei koa goi si arini. Lopu ta hivae pude va balabala pule nigo rau si hie; sapu agoi, ba sa mua tinoa soti si guana mua gale koa rau, sina ele toka hola nigo rau si goi pude na tie te Karisito si goi. 20 Ego, agoi na tasiqu, mu va egoa si hie pa ginuguana sa Baṉara; mu va qetu au, guana tasimu pa korapana Karisito!
21 Va hinokara valeania rau totoso kuberia rau si hie, sapu kote va egoa goi sa qua tinepa koa goi. Meke gilania rau sapu kote tavete valeana hola la tu si goi. 22 Mamu va nama vekoa tugo keke lose taqarau, sina rove valeania rau sapu kote olaṉi Tamasa sari na mia vinaravara meke kote va pule atu au Sa si rau koa gamu.
25 Mani koa koa gamu sa tataru variharupi te Zisu Karisito.