na totoso tadi hopeke tinavete pa kauruna sa maṉauru:

na totoso pude lelete meke na totoso pude pakepakete,

3 na totoso pude variva matei meke na totoso pude sasalaṉa,

na totoso pude huhuara meke na totoso pude kurikuri,

4 na totoso pude kabo meke na totoso pude hegere,

na totoso pude talotaṉa meke na totoso pude peka,

5 na totoso pude taburu palae patu meke na totoso pude varigara ni,

na totoso pude vari kapae meke na totoso pude vari seu i,

6 na totoso pude hata meke na totoso pude muliuṉu,

na totoso pude va naqiti meke na totoso pude okipalae,

7 na totoso pude rikata meke na totoso pude tuvaka,

na totoso pude lopu kulu meke na totoso pude zama,

8 na totoso pude vari tatarue meke na totoso pude vari kanai,

na totoso pude varipera meke na totoso pude varibulei.

9 Na sa si vagia sa tie tavetavete koari nana minabo? 10 Ele dogoria rau sa minamata vekoa sa Tamasa koari na tie. 11 Tavete va leleani Sa sari doduru ginugua pa dia totoso. Meke padai Sa sari gineledi rina totoso pa bulo tie; gua, ba lopu boka dogoria na tie sa doduruna sa tinavete te Tamasa pa pinodalaena kamo vina betona. 12 Gilania rau sapu loketoṉa si leana la koasa tie, ba pude qetuqetu mo meke tavete va leana sipu korapa toa nana. 13 Pude mani hena na napo sari doduru tie, meke mani qetu ni sari nana minabo pa tinavete, arini si na vinariponi te Tamasa. 14 Gilania rau sapu doduru ginugua pu taveti sa Tamasa si kote koa hola; loketoṉa si boka ta hoda la, meke loketoṉa si boka ta vagi palae koasa. Tavetia sa Tamasa pude va lavatia ri na tie si Asa.

meke sapu kote ta evaṉa si ele ta evaṉa tu;

meke sapu ele ta evaṉa tugo asa si kote va evaṉa pilipule i sa Tamasa.

16 Meke dogoria rau si keketoṉa pule pa kauruna sa rimata:

pa vasina vari toṉoti, si na kinaleana si ele koa nana.

17 Balabala si rau pa buloqu,

saripu toṉoto meke arini pu kaleadi,

hopeke dia totoso sari doduru tinavete.”

18 Meke balabala tugo si rau, “Sari tie si podeki sa Tamasa pude di gilania sapu arini si kekeṉoṉo gua mo rina kurukuru ṉame. 19 Sa vina betona sa tinoa tana tie, si gua mo tadi na kurukuru; kekeṉoṉo mo sari karua; pana mate si keke si mate tugo si keke. Sa tinoa tanisa tie si lopu hola nia sapu tanisa kurukuru. Doduru ginugua si loke laedi beto. 20 Doduru si la mo pa keke vasina; pa kavuru vura maedi, meke pa kavuru mo pule la. 21 Lopu ta gilana, be sa maqomaqona sa tie si sage taloa meke sa maqomaqona sa kurukuru ṉame si gore la pa korapa pepeso.”

22 Ke dogoria rau sapu loketoṉa si leana koasa tie, ba pude qetu nia mo sa sa nana tinavete, sina asa sa nana hinia. Ura, esei kote boka va dogoro nia koasa sapu gua kote ta evaṉa pa mudina sa?

<- Ekeleziasiti 2Ekeleziasiti 4 ->