121
God na kipum wi seif
1 Ai lukap langa ola hil.
Hu garra kaman blanga album mi wen mi abum trabul?
2 YAWEI det trubala God na garra kaman blanga album mi.
Im na bin meigim ebrijing langa skai en langa graun.
3 YAWEI, im oldei wotjimbat wi wulijim wi kaan buldan.
Im oldei lukaftumbat wi.
Im nomo go silip.
4 Tharran hu lukaftumbat im pipul langa Isreil,
im jidan weik en wotjimbat.
Im nomo go silip.
5 YAWEI kipum wi seif brom olkain trabul,
jis laiga bigwan tri im gudwan sheid brom det hotwan san.
6 YAWEI im blokim ebrijing.
Det san kaan ardim wi deitaim,
en det mun kaan ardim wi naitaim.
Nomo enijing kaan ardim wi deitaim en naitaim.
7 YAWEI garra kipum wi seif.
Nomo enijing kaan ardim wi.
Im garra wotjimbat wi.
8 Wen yu gowei YAWEI garra wotjimbat yu,
en wen yu kambek im garra lukaftum yu,