Бути апостолэнгири
Мурэ амала!
Тумэ рицарэн ды вастэн книга, ды савля вджян дуй части: «Евангелие Лукастар» тай «Бути апостолонэнгири». Вонэ сле заискрисардэ екхэ манушэга, сыклярно Исусохкоро Лука, тай исин лил ды Библия, лав Дэвлэстар. Ды Библия вджян дуй барэ части: «Пурано Завето» тай «Нэво Завето». Дэ «Пуранэ Завето» роспхэнэлпэ, саво сля джюимо англал пэ пхув, кадиж пала израильские мануша, савэн вытидыня Дэвэл. Ды «Нэво Завето» заискрисардэ допхэнимо пала джюимо Иисусо Христохкоро, кадиж роспхэнэлпэ, сар быяндяпэ кхандирь тай розджиляпэ пав всавори пхув.
Еджино лав «евангелие» — када «лошало лав». Кадыя дума пала кода, со дуй пхангля бэрш павпалэ ды миро авиля Иисусо Христосо, саво сля Фирисари, пала када со Вов джюда амэнца, састярэлас тай сыклярэлас манушэн, отмукэлас лэнди бэзэх, муля пала всаворэн манушэн тай отджюдиля, кади пала кода со Вов упалэ рисявэла ды кадыва миро. Евангелие сикавдапэ ды перво вако джюима манушэндирэ тай сля заискрисардо пы греческо чиб. Штар евангелия, искрисардэ Иисусохкирэ апостолонэнца (Матфеега тай Иоаннога) тай савэ сле амала, савэ тирэнас бути апостолонэнца (Лука тай Марко), исин англал ды Нэво Завето. Пала лэн книга «Бути апостолонэнгири». Ды ла роспхэнэлпэ пала кода, сар вытидынэ Иисусога апостолы роспхэнэнас Лошало Лав Дэвлэстар, кадиж пала кода, сар быяндёнаспэ кхандиря. Кадиж ды пэрво вако авиле лила Иисусохкирэ сыклярнэндар тай книга Откровение. Всаворэ кадыла книги сле залиджялдэ ды екх книга, сави акхарэлпэ Нэво Завето, ды саво вджял 27 книг тай лила.
Пы кадыва диво книги ды Нэво Завето тай евангелие пэрэлиджялдэ пав всаворэ чиба ды люмля, ды савэ исин искрисаримо. Библия тай лакирэ толмачи исин каци книга, сави динэн ды всавори люмля. Амэ патях, со тумэ тховэна циминд, сар искрисардэ дымутнэ рындуря.
Амэ наисарах їлэстар ко тирэлас бути, соб тэ выджян кала книги — толмачи, редакторы тай бутэнди ромэнди, пала кода со вонэ продинэнас кодыла книги тай чювэнас пэхкири сама, сар вонэ заискрисардэ. Баро тумэнди наис!
Да благословит тумэн Дэвэл!
Пативага тумэнди,
Мануша, савэ тирэн бути ды организация «Переводчики Библии Украины»

Исусо ваздэлпэ дэ болыбэн

1 Пативало Феофило, дэ муро англуно лил мэ искриисардом пала вса, со терэлас Исусо и сости Вов сиклярэлас 2 ды колэ дивэ, кала Свэнтонэ Фаноґа прыпхэнда вытидэне апостолонэнди кода, со лэнди трэбуни тэ терэ, и сля лито дэ болыбэн. 3 Пала Пэхкири бари грыжа Вов сикавдапэ лэнди джювдэґа тай допхэнда, со кода чячимо. Исусо сикавэласпэ лэнди саранда дивэ и дэдумэлас пала Дэвлэхкоро Тхагаримо. 4 Екхвар, кала вонэ сле їтханэ, Исусо прыпхэнда лэнди тэ на уджян Ерусалимостар, нэ тэ дожутярэн кода, со Дад камля лэнди тэ дэ.

— Акэ, терэлпэ кода, со тумэ шундэ Мандар. 5 Иоанно болдэня панеґа, нэ тумэ сиго авэна болдэ Свэнтонэ Фаноґа.

6 Тунчи кодэла, савэ котэ сле, пхучле Лэстар:

— Рае, на дэ кадыя вряма Ту камэх тэ ваздэ упалэ Израилёхкоро тхагаримо?

7 Вов пхэнда лэнди:

— На тумаро рындо тэ джянэ вряма и чясо, савэ Дад тховда Пэхкиря зораґа. 8 Нэ кала пэ тумэн сджяла Свэнто Фано, тумэ лэна зор и авэна тэ розпхэнэ пала Ман дэ Ерусалимо, пав всавири Иудея, дэ Самария и пав всавири люмля.

9 Кала Вов пропхэнда када, вонэ дыкхле, сар Вов ваздэняпэ упрал, и хмара затерда Лэ лэнгэрэ якхэндар.

10 Вонэ на пэрэаченас тэ дыкхэ пэ болыбэн, кала Вов ваздэласпэ. Тай акэ, паша лэн ачиле дуй мануша дэ парни їда.

11 — Галилеянуря, — пхэндэ вонэ, — сости тумэ ачен и дыкхэн дэ болыбэн? Кадэва Исусо, Саво сля лито тумэндар дэ болыбэн, рисявэла кади ж, сар тумэ дыкхле Лэ, кала уджялас.

Апостолуря вытидэн нэвэ манушэ пэ Иудахкоро тхан

12 Тунчи вонэ рисиле дэ Ерусалимо плаестар, саво акхарэлпэ «Оливково». Вов сля надур форостар, дром, саво домукэнас тэ проджя дэ суббота. 13 Кала вонэ авиле дэ цэр, дэ саво джювдэ набари вряма, тунчи ваздэнепэ дэ упралуни цэра. Котэ сле Пётро тай Иоанно, Иаково тай Андреи, Филиппо тай Фома, Варфоломеи тай Матфеи, Иаково, Алфеёхкоро чяво, Симоно Зилото тай Иуда, Иаковохкоро чяво. 14 Всавэрэ вонэ їтханэ сле дэ мангима. Лэнца сле набут джювлен, дэй Исусохкири, Мария, тай Лэхкэрэ пхрала.

15 Дэ кодыя вряма Пётро вщиля машкар патякунэн (а лэн стидэняпэ паша шэл тай биш мануш) и пхэнда:

16 — Мурша! Пхралалэ! Трэбуни сля, соб тэ стерэлпэ кода, со чиндо дэ Лилэн, тев Свэнто Фано пхэнда чэрез Давидо пала Иуда, саво лиджялас колэн, савэ пхангле Исусо. 17 Иуда сля екх амэндар, саво терэлас амэнца екх бути. 18 (Пэ ловэ, савэ вов затерда пала пэхкоро вурыто рындо, вов тинда маля. Нэ тэлэдэня и кади фартэ замардапэ, со пхариля лэхкоро води и выґульдэ лэстар всавэрэ пора. 19 Пала кода уджянгле всавэрэ, ко джювдэ дэ Ерусалимо, и проакхардэ маля пав пэхкири чиб Акелдама, ай пав аврэ — «Ратэхкири маля».) 20 Дэ лил «Псалмы» искриисардо:

«Мэк лэхкоро цэр тэ авэл шушо,

и мэк котэ нико на джювэл».

Тай инте:

«Мэк авэр лэхкоро тхан залэла».

21 Колэсти амэнди трэбуни тэ вытидэ екхэ кодэла манушэндар, ко пхирэлас амэнца всавири вряма, тев бы тэ на джял Рай Исусо, 22 кодэла вряматар, кала Иоанно болдэня Лэ ды колэ дивэ, кала Исусо сля лито амэндар. Кадэва мануш, сар и амэ, трэбуни тэ авэл допхэнимари пала Исусохкоро отджюндивимо.

23 Вытидэне дон: Иосифо, савэ инте акхарэнас Варсавва, а кади ж — Иусто, тай Матфие. 24 Тай поманглепэ:

— Рае, Ту джянэх їло кожнонэхкоро; сикав екхэ кадэлэндар дондар, ка Ту вытидэнян 25 тэ лиджя бути апостолэнгири, соб вов тэ парувэл Иуда, саво ачявда амэн и джиля дэ тхан, тев трэбуни лэсти тэ авэ.

26 Тунчи вонэ чутэ жребии, тай вов выпэля пэ Матфие, саво прыачиля дэшуекхэ апостолонэндэ.

Бути 2 ->