1 O Isus posle godova palem sikada pe pire učenikonenđe po Tiverijadsko jezero. A sikadilo lenđe agajda: 2 O Simon Petar, o Toma akhardo Blizanco, o Natanail andar o gav Kana Galilejaći, e Zevedejevešće čhave thaj još aver duj e Isusešće učenikurja sas zajedno.

3 O Simon Petar phendas lenđe: “Džav te astarav mačhe.”

A von phendine: “Džas vi amen tusa.”

Inkljistine avri, dine ando čamco, ali godoja rjat khanči či astardine.

4 A rano ande detharin, o Isus ačhelas pe obala, ali e učenikurja či pindžardine kaj si godova vo.

5 Askal o Isus phučla len: “Čhavoralen, dali astardine vareso?”

A von phendine: “Či astardam khanči.”

6 A o Isus phendas lenđe: “Čhuden e mreža pe desno rig katar o čamco thaj astarena.”

Von ćerdine gajda thaj astardine gaći mačhe kaj našti crdenas e mreža katar e but mačhe save astardine.

7 Askal okova učeniko saves o Isus but volilas phendas e Petrešće: “Godova si o Gospod.”

Kana o Simon Petar ašundas kaj si godova o Gospod, učharda pe kaj sas gata nango, thaj huklas ando jezero. 8 A okola aver učenikurja avile e čamcosa. Crdenas e mreža e mačhenca pe obala, kaj e obala nas lendar dur, varekaj katar šel meterja. 9 Kana inkljistine pe obala, dikhline već ćerdi jag katar o angar thaj pe late čhutino mačho thaj mangro.

10 O Isus phendas lenđe: “Anen varekozom e mačhe katar akala save akana astardine.” 11 Askal o Simon Petar dija ando čamco thaj inkalda pe obala e mreža savi sas pherdi bare mačhe, šel thaj pandžvardeš thaj trin kotora. Ali vi ako sas gaći but, e mreža či pharadili.

12 A o Isus phendas lenđe: “Aven doručkujin”, a ni jek učeniko či usudisajlo te phučel les: “Ko san tu?” kaj džanenas kaj si vo o Gospod. 13 Askal o Isus avilo majpaše, lijas o mangro thaj dija len, a gajda vi o mačho. 14 Sas godova trito data sar o Isus sikadilo pire učenikonenđe sar uštilo andar mule.

15 Kana haline, o Isus phučlas e Simone Petre: “Simone, čhaveja e Jovanesko, dali volis man majbut katar akala?”

A o Petar phendas “Ej, Gospode, tu džanes kaj voliv tut.”

A o Isus phendas lešće: “Pravar mungre bakhroren.”

16 Askal o Isus phučla les po dujto drom: “Simone, čhaveja e Jovanesko, dali volis man?”

A o Petar phendas lešće: “Ej, Gospode, tu džanes kaj voliv tut.”

A o Isus phendas lešće: “Le sama pe mungre bakhre.”

17 Askal o Isus phučla les po trito drom: “Simone, čhaveja e Jovanesko, dali volis man?”

O Petar sas žalosno kaj po trito drom phučel les: “Volis man?” thaj phendas lešće: “Gospode, tu sa džanes thaj džanes kaj voliv tut.”

A o Isus phendas lešće: “Pravar mungre bakhren. 18 Čače, čače phenav tuće: kana sanas majterno korkoro šaj phandavejas ćiri haravlji thaj džajas kaj kamejas. Ali, kana aveja phuro, buljareja ćire vas thaj aver phandavena tut thaj inđarena tut okoring kaj tu či kameja.” 19 O Isus akava phendas te sikavel save smrtosa o Petar proslavila e Devles. Askal phendas lešće: “Av pale mande!”

20 A o Petar bolda pe thaj dikhla e učeniko saves o Isus but volilas sar džalas pale lende, okoles savo pe večera avilo e Isuseste majpaše thaj phučla les: “Gospode, ko si ćiro izdajniko?” 21 Sar o Petar dikhla les, phučlas e Isuse: “Gospode, a so avela lesa?”

22 O Isus phendas lešće: “Ako me kamav te vo ačhel džudo dok me či boldav man, so godova tut hal briga? Tu samo av pale mande.”

23 Gajda maškar e phral buljarda pe o svato kaj godova učeniko či merela. Ali o Isus či phendas kaj vo či merela, nego: “Ako me kamav te vo ačhel džudo dok me či boldav man, so godova tut hal briga?”

24 Akava si o učeniko savo svedočil pale akava, vo akava ramosarda thaj amen džanas kaj lesko svedočanstvo si čačutno. 25 A si još but godova so o Isus ćerda, a kana sa po redo avilosas ramome, gndiv kaj ando sasto them či ačhile sas e knjige save avile sas ramome.

<- Jovan 20