1 ⴰⵣⴻⵀⵀⴻⴷ ⵏ ⴷⴰⵡⵓⴷ, ⵓⵎⵉ ⵢⴰⵔⵡⴻⵍ ⵣⴻⴳ ⵡⵓⴷⴻⵎ ⵏ ⵎⵎⵉⵙ ⴰⴱⵛⴰⵍⵓⵎ.[a]

2 ⴰ ⵙⵉⴷⵉ, ⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ

ⴰⵇⴰ ⴽⴻⵜⵜⴰⵔⴻⵏ,

ⴰⵟⵟⴰⵙ ⴰⵇⴰ ⴰⵜⴻⵏ ⴹⵉⴷⴷ ⵉⵏⵓ.

3 ⴰⵟⵟⴰⵙ ⴰⵇⴰ ⵇⵇⴰⵔⴻⵏ ⵅ ⵍⴻⵄⵎⴰⵔ ⵉⵏⵓ:

“ⵉ ⵏⴻⵜⵜⴰ ⵡⴰⵔ ⴷⵉⵏ ⵉⴵⵉ ⵓⵙⴻⵏⵊⴻⵎ ⵖⴰⵔ ⴰⵔⴻⴱⴱⵉ!”

ⵙⵉⵍⴰⵀ.

4 ⴰⵃⴻⵇⵇⴰ ⵛⴻⴽ, ⴰ ⵙⵉⴷⵉ,

ⴷ ⵜⴰⵙⴻⴷⴷⴰⵔⵜ ⵏ ⵓⵙⴻⵍⵇⵉ ⵉ ⵏⴻⵛⵛ,

ⴰⵄⵓⴵⵉ ⵉⵏⵓ,

ⵛⴻⴽ ⴷ ⵡⴻⵏⵏⵉ ⵉⵙⵙⴳⴻⵄⵄⴷⴻⵏ ⴰⵣⴻⴵⵉⴼ ⵉⵏⵓ.

5 ⵙ ⵜⵎⵉⵊⵊⴰ ⵉⵏⵓ ⵍⴰⵖⵉⵖ ⵉ ⵙⵉⴷⵉ,

ⵓⵛⴰ ⵏⴻⵜⵜⴰ ⵢⴰⵔⵔⴰ-ⴷⴷ ⵅⴰⴼⵉ

ⵣⴻⴳ ⵡⴻⴷⵔⴰⵔ ⵏⵏⴻⵙ ⵉⵇⴻⴷⴷⵙⴻⵏ. ⵙⵉⵍⴰⵀ.

6 ⵙⴻⵏⵏⴷⴻⵖ ⵓⵛⴰ ⵉⴽⴽⴰ ⵅⴰⴼⵉ ⵢⵉⴹⴻⵚ,

ⴼⴰⵇⴻⵖ-ⴷⴷ, ⵎⵉⵏⵣⵉ ⵙⵉⴷⵉ ⵉⵜⵜⵄⴰⵡⴻⵏ ⴰⵢⵉ. [b]

7 ⵡⴰⵔ ⵜⵜⴻⴳⴳⵯⵉⴷⴻⵖ ⵣⵉ ⵄⴻⵛⵔⴰ ⵏ ⵍⵓⵍⵓⴼ ⵏ ⵍⴳⴻⵏⵙ,

ⵉⵏⵏⵉ ⴷ ⴰⵢⵉ ⴷⴷ-ⵉⵏⵏⴹⴻⵏ,

ⵙⵙⴱⴻⴷⴷⴰⵏ ⵉⵅⴻⴼ ⵏⵙⴻⵏ ⵅ ⵉⵖⴻⵣⴷⵉⵙⴻⵏ ⵉⵏⵓ. [c]

8 ⴽⴽⴰⵔ, ⴰ ⵙⵉⴷⵉ, ⵙⴻⵏⵊⴻⵎ ⴰⵢⵉ, ⴰ ⴰⵔⴻⴱⴱⵉ ⵉⵏⵓ,

ⵎⵉⵏⵣⵉ ⵛⴻⴽ ⵜⴻⵡⵜⵉⴷ ⵎⴰⵔⵔⴰ ⵍⵄⴻⴷⵢⴰⵏ ⵉⵏⵓ

ⵖⴰⵔ ⵓⵖⴻⵙⵎⵉⵔ,

ⴰⵇⴰ ⵜⴻⴷⴷⵣⴻⴷ ⵜⵉⵖⵎⴰⵙ ⵏ ⵉⵄⴻⴼⴼⴰⵏⴻⵏ.

9 ⴰⵙⴻⵏⵊⴻⵎ ⴰⵇⴰ-ⵜ ⵏ ⵙⵉⴷⵉ,

ⵍⴱⴰⵔⴰⴽⴰ ⵏⵏⴻⵛ ⴰⵇⴰ-ⵜⵜ ⵅ ⵍⴳⴻⵏⵙ ⵏⵏⴻⵛ. ⵙⵉⵍⴰⵀ. [d]