1 ⵉⵣⵍⵉ ⵏ ⵓⴳⴻⵄⵄⴻⴷ.

ⵣⵉ ⵍⴰⴵⴰⵖ ⵍⴰⵖⵉⵖ-ⴷⴷ ⵅⴰⴽ, ⴰ ⵙⵉⴷⵉ!

2 ⴰ ⵙⵉⴷⵉ ⵉⵏⵓ, ⵙⴻⵍ ⵉ ⵜⵎⵉⵊⵊⴰ ⵉⵏⵓ,

ⴻⵊⵊ ⵉⵎⴻⵣⵣⵓⵖⴻⵏ ⵏⵏⴻⵛ ⴰⴷ ⴼⴻⵜⵏⴻⵏ

ⵅ ⵜⵎⵉⵊⵊⴰ ⵏ ⵜⵓⵜⵔⴰ ⵉⵏⵓ!

3 ⴰ ⵙⵉⴷⵉ, ⵎⴰⵍⴰ ⵜⴻⵃⴹⵉⴹ

ⵍⵎⵓⵄⵚⵉⵢⵢⴰⵜ ⵎⵍⵉⵃ,

ⴰ ⵙⵉⴷⵉ ⵉⵏⵓ, ⵎⴰⵏ ⵡⴻⵏ ⵉⵣⴻⵎⵎⴰⵔⴻⵏ

ⴰⴷ ⵉⵇⵇⵉⵎ ⵉⴱⴻⴷⴷ. [a]

4 ⵎⴰⵛⴰ ⵖⴰⵔⴻⴽ ⴰⵙⴰⵎⴻⵃ,

ⵎⴰⵃⴻⵏⴷ ⴰⴷ ⵣⵣⴰⵢⴻⴽ ⴳⴳⵯⴻⴷⴻⵏ. [b]

5 ⵏⴻⵛⵛ ⵙⵉⵜⵉⵎⴻⵖ ⴷⵉ ⵙⵉⴷⵉ,

ⵍⴻⵄⵎⴰⵔ ⵉⵏⵓ ⵉⵛⵛⵓⵔ ⵙ ⵓⵙⵉⵜⴻⵎ,

ⵜⵜⵔⴰⵊⵉⵖ ⴰⵡⴰⵍ ⵏⵏⴻⵙ, [c]

6 ⵍⴻⵄⵎⴰⵔ ⵉⵏⵓ ⵉⵜⵜⵔⴰⵊⴰ ⵙⵉⴷⵉ ⵉⵏⵓ,

ⴰⵟⵟⴰⵙ ⵣⴻⴳ ⵉⵄⴻⵙⵙⴰⵙⴻⵏ ⵜⵜⵔⴰⵊⴰⵏ

ⵖⴰⵔ ⵓⵜⴻⴼⴼⵓ. [d]

7 ⴻⵊⵊ ⵉⵙⵔⴰⵉⵍ ⴰⴷ ⵉⵔⴰⵊⴰ ⵙⵉⴷⵉ,

ⵎⴰⵖⴰⵔ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ

ⴰⵇⴰ-ⵜⵜ ⵖⴰⵔ ⵙⵉⴷⵉ,

ⵖⴰⵔⴻⵙ ⴰⴼⴻⴽⴽⵉ ⵉⵛⴻⵟⵟ.

8 ⵏⴻⵜⵜⴰ ⴰⴷ ⵉⵙⵙⴻⵏⵊⴻⵎ ⵉⵙⵔⴰⵉⵍ

ⵣⵉ ⵎⴰⵔⵔⴰ ⵍⵎⵓⵄⵚⵉⵢⵢⴰⵜ ⵏⵏⴻⵙ.