ⵉⵥⴻⵀⵀⵉⴷⴻⵏ

ⴰⴷⵍⵉⵙ ⴰⵎⴻⵣⵡⴰⵔⵓ - ⵉⵣⴻⵀⵀⵉⴷⴻⵏ 1-41

1 ⵙⵙⴻⵄⴷ ⵏ ⵡⴻⵔⵢⴰⵣ,

ⵡⴻⵏⵏⵉ ⵡⴰⵔ ⵉⴳⴳⵓⵔⴻⵏ

ⴷⵉ ⵛⵛⵡⴰⵔ ⵏ ⵉⵄⴻⴼⴼⴰⵏⴻⵏ,

ⴷ ⵡⴻⵏⵏⵉ ⵡⴰⵔ ⵉⴱⴻⴷⴷⴻⵏ

ⴷⴻⴳ ⵡⴻⴱⵔⵉⴷ ⵏ ⵉⵎⴻⴷⵏⴰⴱ,

ⴷ ⵡⴻⵏⵏⵉ ⵡⴰⵔ ⵉⵇⵇⵉⵎⴻⵏ

ⵅ ⵍⴽⵓⵔⵙⵉ ⵏ ⵉⵎⴻⵙⵜⴻⵀⵣⴰⵢⴻⵏ, [a]

2 ⵎⴰⵛⴰ ⵍⴻⴼⵔⴰⵃⴻⵜ ⵏⵏⴻⵙ

ⴰⵇⴰ-ⵜⵜ ⴷⵉ ⵛⵛⴰⵔⵉⵄⴰ ⵏ ⵙⵉⴷⵉ

ⵓ ⵉⵜⵜⵅⴰⵔⵔⴻⵚ ⴷⵉ ⵛⵛⴰⵔⵉⵄⴰ ⵏⵏⴻⵙ ⴰⵙⵙ ⴷ ⴵⵉⵍⴻⵜ. [b]

3 ⴰⴷ ⵢⵉⵍⵉ ⴰⵎ ⵢⵉⵛⵜ ⵏ ⵜⵛⴻⵊⵊⴰⵔⵜ

ⵉ ⵉⵜⵜⵡⴰⵥⵥⵓⵏ ⵖⴰⵔ ⵜⵖⴻⵣⵔⴰⵜⵉⵏ ⵏ ⵡⴰⵎⴰⵏ,

ⵜⴻⵏⵏⵉ ⵉⵜⵜⵉⵛⴻⵏ ⵍⵖⵉⴵⴻⵜ ⵏⵏⴻⵙ ⴷⵉ ⵍⵡⴻⵇⵜ ⵏⵏⴻⵙ,

ⴰⴼⴰⵔ ⵏⵏⴻⵙ ⵡⴰⵔ ⵉⵜⵜⵉⵥⴻⵖ.

ⵎⴰⵔⵔⴰ ⵎⵉⵏ ⵉⵜⵜⴻⴳⴳ, ⴰⴷ ⵢⵉⵍⵉ. [c] [d]

4 ⵡⴰⵔ ⵜⵜⵉⵍⵉⵏ ⵉⵄⴻⴼⴼⴰⵏⴻⵏ ⴰⵎⵎⵓ,

ⵎⵉⵏⵣⵉ ⵏⵉⵜⵏⵉ ⴰⵎ ⵉⵛⴰⵔⴼⴰ ⵉⵜⵜⴰⵡⵉ-ⵢ-ⵉ-ⵜ ⵓⵙⴻⵎⵎⵉⴹ. [e]

5 ⵅ ⵓⵢⴰ ⵉⵄⴻⴼⴼⴰⵏⴻⵏ ⵡⴰⵔ ⵜⵜⴱⴻⴷⴷⵉⵏ ⵛⴰ

ⴷⴻⴳ ⵡⴰⵙⵙ ⵏ ⵍⴻⵃⵙⴰⴱ,

ⵓⵍⴰ ⴷ ⵉⵎⴻⴷⵏⴰⴱ ⴷⵉ ⵜⵎⴻⵙⵎⵓⵏⵜ ⵏ ⵉⵎⵙⴻⴳⴳⴰⴷⴻⵏ.

6 ⵎⵉⵏⵣⵉ ⵙⵉⴷⵉ ⵉⵙⵙⴻⵏ ⴰⴱⵔⵉⴷ ⵏ ⵉⵎⵙⴻⴳⴳⴰⴷⴻⵏ,

ⵎⴰⵛⴰ ⴰⴱⵔⵉⴷ ⵏ ⵉⵄⴻⴼⴼⴰⵏⴻⵏ ⴰⴷ ⵉⴼⵏⴰ.