1 Asem-dd, ejj aneɣ ad nesřiwřew zzat i SIDI,

ejj aneɣ ad nduqqez s usřiwřew

i Teṣḍart n usenjem nneɣ.

2 Ejj aneɣ ad nades

ɣar wudem nnes s uqadi,

ejj aneɣ ad as nᵉsřiwřew s izehhiden.

3 Maɣar SIDI d ijj Arebbi d ameqqran,

ijj n Ujeǧid d ameqqran

sennej i marra irebbiten.

4 Deg ufus nnes ǧan

imucan yuǧɣen qaɛ n temmurt,

uřa d tiqiccatin n idurar

aqa atent nnes.

5 Nnes řebḥar, maɣar ixřeq i-t-i-dd,

u ifassen nnes ggin uřa d řbar.

6 Asem-dd, ejj aneɣ

ad as nbendeq, ad nesjed,

ejj aneɣ ad nesjed x ifadden zzat i SIDI,

wenni d aneɣ iggin,

7 maɣar Netta d AREBBI nneɣ

u neccin d řgens n tarewsa nnes,

uřa d uǧi n ufus nnes.

Mařa ass-a tseǧem ɣar tmijja nnes, [a]

8 war sseqsiḥem ca uř nwem,

am di Mariba,

am deg wass n Massa di řexřa, [b]

9 mani tuɣa d ayi ttjarrben

řejdud nwem,

qeǧben ayi,

waxxa tuɣa ẓrin řxedmet inu. [c]

10 Arebɛin n iseggʷusa

tuɣa ttɛiffeɣ jjiř-a, nniɣ:

“Aqa-ten d ijj n řgens

s wuř iweddaren,

war ssinen ibriden inu.”[d]

11 S uyenni Necc jjuǧeɣ

deg weɣḍab inu:

“Nitni war dd-ttidfen ɛemmarṣ

di arraḥet inu!” [e]