1 Axemmi n Dawud.

Taẓaǧit umi t tuɣa deg yefri.

2 S tmijja inu sɣuyeɣ ɣar SIDI,

s tmijja inu ḥeccmeɣ SIDI.

3 Necc ttzeǧaɛeɣ ifeqquṣen inu

zzat i wudem nnes,

ssargbeɣ as řeḥṣaret inu

zzat i wudem nnes.

4 Mařa buḥbeř inu idqeř xafi aṭṭas,

Cek tessned amesruq inu.

Nitni ssnuffaren ayi ijj n řfex

deg webrid nni di ɣa uyureɣ. [a]

5 Sweḍ ɣar ufusi, u xzar,

war din tuɣi ḥed

i d ayi ɣa iwcen taynit,

ittwakkes ayi qaɛ mani ɣa arewřeɣ,

war din tuɣi uřa d ijj

i ɣa isseqsan x řeɛmar inu.

6 Necc sɣuyyuɣ-dd ɣarek, a SIDI. Qqareɣ:

“Cek d amcan inu n tarewřa,

tasɣart inu di temmurt n yinni iddaren.[b]

7 Ḥḍa x uɣuyyi inu, maɣar fniɣ qaɛ.

Fekk ayi zeg inni d ayi iḍeffaren,

maɣar nitni jehden xafi. [c]

8 Suffeɣ řeɛmar inu zi řeḥbes

maḥend ad qadiɣ Isem nnec.

Imseggaden ad ayi dd-nnḍen,

maɣar Cek tᵉttegged dayi s tcuni.”