Amezwaru 5

Tarwa n Adam

1 Ass min di igga AREBBI Adam, igga i-t di ṣṣifet n AREBBI. [a] 2 Awtem d tewtemt ixřeq i-ten-dd. Ibark i-ten uca iřaɣa asen s yisem ‘Adam’, bnadem, deg wass i di ten dd-ixřeq. [b] [c]

3 Awarni řami iddar Adam mya u-třatin n iseggʷusa, ijja-dd aḥenjir deg warwas nnes u di ṣṣifet nnes uca iřaɣa as Cit. 4 Awarni řami dd-ijja Cit, iddar Adam ɛad temn-mya n iseggʷusa, ijja-dd iḥenjiren d tḥenjirin. [d] 5 Ammu i iddar Adam tesɛa-mya u-třatin n iseggʷusa uca immut.

6 Awarni řami iddar Cit mya u-xemsa n iseggʷusa, ijja-dd Anuc. [e] 7 Awarni řami dd-ijja Anuc, iddar Cit ɛad temn-mya u-sebɛa n iseggʷusa, ijja-dd iḥenjiren d tḥenjirin. 8 Ammu i iddar Cit tesɛa-mya u-tenɛac n iseggʷusa uca immut.

9 Awarni řami iddar Anuc tesɛin n iseggʷusa, ijja-dd Qinan. [f] [g] 10 Awarni řami dd-ijja Qinan, iddar Anuc ɛad temn-mya u-xemmesṭac n iseggʷusa, ijja-dd iḥenjiren d tḥenjirin. 11 Ammu i iddar Anuc tesɛa-mya u-xemsa n iseggʷusa uca immut.

12 Awarni řami iddar Qinan sebɛin n iseggʷusa, ijja-dd Mahalal-Il. [h] 13 Awarni řami dd-ijja Mahalal-Il, iddar Qinan ɛad temn-mya u-rebɛin n iseggʷusa, ijja-dd iḥenjiren d tḥenjirin. 14 Ammu i iddar Qinan tesɛa-mya u-ɛecra n iseggʷusa uca immut.

15 Awarni řami iddar Mahalal-Il xemsa u-settin n iseggʷusa, ijja-dd Yarad. [i] 16 Awarni řami dd-ijja Yarad, iddar Mahalal-Il ɛad temn-mya u-třatin n iseggʷusa, ijja-dd iḥenjiren d tḥenjirin. 17 Ammu i iddar Mahalal-Il temn-mya u-xemsa u-tesɛin n iseggʷusa uca immut.

18 Awarni řami iddar Yarad mya u-tnayen u-settin n iseggʷusa, ijja-dd Ḥanux. [j] [k] 19 Awarni řami dd-ijja Ḥanux, iddar Yarad ɛad temn-mya n iseggʷusa, ijja-dd iḥenjiren d tḥenjirin. 20 Ammu i iddar Yarad tesɛa-mya u-tnayen u-settin n iseggʷusa uca immut.

21 Awarni řami iddar Ḥanux xemsa u-settin n iseggʷusa, ijja-dd Matucalaḥ. [l] [m] 22 Awarni řami dd-ijja Matucalaḥ, yuyur Ḥanux ak-d AREBBI teřt-mya n iseggʷusa, ijja-dd iḥenjiren d tḥenjirin. [n] 23 Ammu i iddar Ḥanux teřt-mya u-xemsa u-settin n iseggʷusa. 24 Yuyur Ḥanux ak-d AREBBI uca war ittwif ɛad minzi AREBBI iksi i-t. [o]

25 Awarni řami iddar Matucalaḥ mya u-sebɛa u-tmanyin n iseggʷusa, ijja-dd Lamak. [p] 26 Awarni řami dd-ijja Lamak, iddar Matucalaḥ ɛad sebɛa-mya u-tnayen u-tmanyin n iseggʷusa, ijja-dd iḥenjiren d tḥenjirin. 27 Ammu i iddar Matucalaḥ tesɛa-mya u-tesɛa u-settin n iseggʷusa uca immut.

28 Awarni řami iddar Lamak mya u-tnayen u-tmanyin n iseggʷusa, ijja-dd ijj n uḥenjir. 29 Iřaɣa isem nnes Nuḥ, inna: “Wa ad aneɣ issfewwej x řxedmet nneɣ d tamara n ifassen nneɣ, minzi SIDI aqa inɛeř tammurt!” [q] 30 Awarni řami dd-ijja Nuḥ, iddar Lamak ɛad xemsa-mya u-xemsa u-tesɛin n iseggʷusa, ijja-dd iḥenjiren d tḥenjirin. 31 Ammu i iddar Lamak sebɛa-mya u-sebɛa u-sebɛin n iseggʷusa uca immut.

32 Awarni řami iddar Nuḥ xemsa-mya n iseggʷusa, Nuḥ ijja-dd Cam d Ḥam d Yafat.

Amezwaru
a
- b 5:2 deg wass i di ten ixřeq - s Tɛibranit ‘deg wass i di dd-ttwaxeřqen’.
- c 5:2 Amz. 1:26; Mt. 19:4; Mk. 10:6.
- d 5:4 1 Im. 1:1.
- e 5:6 Amz. 4:26.
- f 5:9 Qinan - isem wanita ixs ad yini ‘agřa’ niɣ ‘lmulk’ niɣ ‘řɛucc’ niɣ ‘tazeddiɣt’.
- g 5:9 1 Im. 1:2.
- h 5:12 Mahalal-Il - isem wanita ixs ad yini ‘asemɣar zi Arebbi’.
- i 5:15 Yarad - isem wanita ixs ad yinni ‘ijjen wenni i dd-iqarrsen zi’.
- j 5:18 Ḥanux - xzar Amz. 4:17.
- k 5:18 1 Im. 1:3.
- l 5:21 Matucalaḥ - isem-a wanita ixs ad yini ‘aryaz s fřitca’ niɣ ‘wenni dd-ittwassekken’ niɣ ‘aryaz wenni ɣar iǧa ict n ureqqas niɣ ict n tabrat’.
- m 5:21 Yah. 14.
- n 5:22 Ɛbr. 11:5.
- o 5:24 Ɛbr. 11:5.
- p 5:25 Lamak - ad taɣ ixs ad yini isem-a ‘wenni ijehden’ niɣ ‘amwaḍeɛ’.
- q 5:29 Nuḥ - isem-a wanita ixs ad yini ‘afewwej’.