1 إِزْڒِي ن ؤُڭعّذْ.

نشّْ سّْڭعّْذغْ ثِيطَّاوِينْ إِنُو غَارْ إِذُورَارْ،

مَانِيسْ د غَا ثَاسْ ثْوِيزَا إِنُو؟

2 ثْوِيزَا إِنُو زِي سِيذِي،

ونِّي إِڭِّينْ إِجنْوَانْ ذ ثمُّورْثْ.

3 نتَّا وَارْ إِتّجِّي أَضَارْ نّشْ أَذْ إِفَارْغْ،

ونِّي شكْ إِحطَّانْ وَارْ إِتّْنُوذُومْ.

4 خْزَارْ، ونِّي إِحطَّانْ إِسْرَائِيل

وَارْ إِتّْنُوذُومْ ؤُ وَارْ إِتّطّصْ.

5 سِيذِي ذ أَمحْضَايْ نّشْ،

سِيذِي ذ ثِيڒِي نّشْ غَارْ ؤُفُوسْ أَفُوسِي نّشْ.

6 ذڭْ وَاسّْ ثَافُوشْثْ وَارْ شكْ ثشِّيثْ شَا،

ؤُڒَا ذ ثَازِيرِي س دْجِيڒثْ.

7 سِيذِي أَذْ شكْ إِحْضَا زِي مَارَّا ڒْغَارْ،

نتَّا أَذْ إِحْضَا ڒعْمَارْ نّشْ. ◼121:‏7 ’ڒعْمَارْ نّكْ‘ - إِخْسْ أَذْ يِينِي ’ثُوذَارْثْ نّكْ‘.

8 سِيذِي أَذْ إِحْضَا ؤُفُّوغْ نّشْ ذ وَاذَافْ نّشْ،

زِي ڒخُّو أَڒْ إِ ڒبْذَا.