1 إِ ؤُمقّْرَانْ ن إِمغْنَاجنْ. خْ ؤُفِيڒُو وِيسّْ ثْمنْيَا. أَزهّذْ ن ذَاوُوذْ.

2 سنْجمْ، أَ سِيذِي،

مِينْزِي أَمدُّوكّڒْ أَمْثِيقِّي

وَارْ إِقِّيمْ عَاذْ،

مَاغَارْ وَارْ ذِينْ عَاذْ إِمْثِيقَّانْ

جَارْ ثَارْوَا ن بْنَاذمْ. [a]

3 نِيثْنِي سَّاوَاڒنْ جَارْ أَسنْ س إِخَارِّيقنْ،

س إِينْشِيشنْ شُّورنْ

س وَاوَاڒنْ إِمِيزِيضنْ،

أَقَا سَّاوَاڒنْ س ثْنَاينْ ن إِغمْبَابْ. ◼12:‏3 ’س ثْنَاينْ ن إِغمْبَابْ‘ - س ثِيعْبْرَانِيثْ ’س وُوڒْ ذ وُوڒْ‘.

4 أجّْ سِيذِي أَذْ إِقْضعْ

مَارَّا إِينْشِيشنْ شُّورنْ

س وَاوَاڒنْ إِمِيزِيضنْ،

ؤُڒَا ذ إِڒسْ س وَاوَاڒنْ ن ؤُكبَّارْ،

5 إِنِّي إِقَّارنْ:

”س يِيڒسْ نّغْ

أَذْ غَارْنغْ يِيڒِي ؤُقَارُّو إِمْغَارْ،

إِينْشِيشنْ أَقَا أَثنْ نّغْ!

مَانْ ونْ إِدْجَانْ خَانغْ ذ سِيذِي؟“

6 ”ذِي سِّيبّثْ ن وَاردّدْجْ ن ڒْمُوسَاكِينْ،

ؤُڒَا ذِي سِّيبّثْ ن إِغُويَّانْ ن إِمزْڒَاضْ

أَذْ كَّارغْ ڒخُّو نشّْ“، إِنَّا سِيذِي،

”ونِّي خْ ثُوغَا إِدُّوقزْ نتَّا،

نشّْ أَذْ ث أَوْيغْ ذِي ڒَامَانْ.“

7 ثِيوَاڒِينْ ن سِيذِي أَقَا أَثنْثْ ذ ثِيوَاڒِينْ صْفَانْثْ،

تّْوَاسِّيزْذْڭنْثْ أَمْ نُّوقَارْثْ

ذڭْ إِجّْ ن ڒْكَاسْ إِ ؤُفسْيِي ذڭْ ؤُشَاڒْ،

تّْوَاصفَّانْثْ سبْعَا ن ثْوَاڒَاوِينْ. ◼12:‏7 ’سبْعَا ن ثْوَاڒَاوِينْ‘ - إِخْسْ أَذْ يِينِي أَطَّاسْ ن ثْوَاڒَاوِينْ، وَارْ إِزمَّارْ بْنَاذمْ أَذْ ثنْثْ إِحْسبْ.  [d]

8 شكْ، أَ سِيذِي، أَذْ ثنْ ثحْضِيذْ،

أَذْ أَنغْ ثسَّارذْ زِي جِّيڒْ-أَ،

إِ ڒبْذَا قَاعْ.

9 إِعفَّاننْ ڭُّورنْ تّنّْضنْ مَانِي مَا

خْمِي غَا إِكَّارْ دّدْجْ جَارْ ثَارْوَا ن بْنَاذمْ.